ارتفاع جنونى فى الدولار

[3adelnor3]

اكيد مصر لن تسقط ولن تقع , واكيد ايضا لا أحد هنا يفتى او حتى يقدم حلول , بالنسبة لى مثلا انا طبيب يعنى بعيد عن الاقتصاد بس ده مش معناه اجمد عقلى و مفكرش ولو حضرتك لاحظت انى فقط جمعت عدة اخبار اقتصادية متفرقة ولما تجمعها مع بعض ممكن تعطيك صورة اكثر وضوحا و غنى عن الكلام طرح مشكلة لا يعنى الهجوم او الشماتة على العكس تماما طرح مشكلة ما هو بداية الحل وكما ذكرت حضرتك الحلول مش من النت و المنتديات بس كما سبق و قلت محاولة للتفكير و ازالة الصدأ من تلافيف المخ مع خالص تحياتى

انا عارف يا دكتور هدفك ولكن للاسف في ناس ليها توجهه سياسي معين ومبتصدق تلاقي مشكلة علشان تعملها مصيبة وتتاجر بيها وتنشر الاشاعات بهدف اسقاط الدولة
تقبل ودي

[ahmed_eng2001]

أخي الباشمهندس أحمد
لا اقصد الاساءة مطلقا لمهنة الهندسة المحترمة التي انجبت مهندسين عظام مثل المهندس عزيز صدقي ابو الصناعة المصرية بحق ، ولكني اقصد ان الظروف الاستثنائية التي تمر بها البلد حاليا تتطلب فريق عمل متكامل من اصحاب الرؤية والخبرة الاقتصادية ، ومازلت أتذكر أن حسني مبارك بدأ حكمه بعقد مؤتمر اقتصادي حقيقي لحل مشاكل البلد من اصحاب الخبرة .
تحياتي واحترامي لسيادتك

انا كنت بهزر و بالطبع متفهم كلام حضرتك بالطبع .. و كمان متفق معاه ... بس ده مظهر بسيط للتعصب ... فانا حبيت اظهر لحضرتك ان فيه تعصب لمجرد اللقب ... و ده انا شفته فى حاجات كتير فى الحياة .. ربنا يحمينا من التحيز و الميل القلبى

انا معنديش مانع يجيبوا اى حد .. بس يدينا حلول واقعية و منطقية و تتنفز

تحياتى و احترامى لحضرتك

[ahmed_eng2001]

عزيزى الدكتور على ....

افضل حكم على اى منظومة تتم عن طريق الحكم على المنتج النهائى للمنظومة دى .... ما عدا ذلك فهو تكهنات و نظريات و استنتاجات

كل الموضوع .... اننا من المشاهدات و القياس ممكن نتكهن بما يمكن ان يحدث فى المستقبل ... و الله وحده هو العالم ..... من الاخر علشان الكلام المجعلص الى كتبته ده !!!!

حضرتك كمواطن ... من الممكن ان تشعر بالتغيير فى الخدمات المقدمة من الحكومة .... و كمان بالاسعار ..

فيه افكار و قرارات كتيرة موجودة و المفروض انها بتتطبق .... و مش شايفين ليها اى تأثير
و احنا اتكلمنا من فترة على قرار البنك المركزى بتاع الحد الاقصى للايداع اليومى من الدولار ... و ان ده قرار كويس على المدى القصير .... و لكن مش حينفع على المدى الطويل .. و لازم من وجود قرارات تانية لحب المشكلة على المدى الطويل ...

و على المستوى الشخصى ... فيه بعض قطع الغيار بدأت تختفى من السوق .... و بالطبع قبل ما تختفى سعرها بيزيد ... و اذا تواجدت فى السوق مرة اخرى ... بتظهر بسعر مرتفع .... ده رأيى الشخصى بناء على بعض الملاحظات ... و لا اعمم هذا الرأى

تقبل احترامى و متابع معاك

[Yasser Farid]

امريكا هي اللي بتعلي قيمه الدولار متعمده علشان تضرب السيسي
بس الشعب المصري بيايده وهيمشي وراه
تحيا مصر
عاشت حره مستقلة

[3adelnor3]

امريكا هي اللي بتعلي قيمه الدولار متعمده علشان تضرب السيسي
بس الشعب المصري بيايده وهيمشي وراه
تحيا مصر
عاشت حره مستقلة

اتفضل يا دكتور علي
واحد من الشلة بتاعه مصر بتخرب
داخل زي زمايله يبظوا اي موضوع
لا منه بيقول معلومة نستفاد منها ولا منه قعد ساكت واستفاد من الاعضاء
كل هدفه ينشر شائعات ويتريق علي الجيش المصري وعلي البلد علشان يوصلك ان مصر بتخرب
مفيش موضوع في الاجتماعي الا لما خربوه حتي لو ملوش علاقه بالسياسة
دلوقت يدخل الظريف التاني اللي اسمه رحالة ويحط النكتة بتاعه كل موضوع :)
حاجة تقرف
هو الواحد بيتوقف من شويه :)

[ali ashraf]

موافق 100%

عزيزى الدكتور على ....

افضل حكم على اى منظومة تتم عن طريق الحكم على المنتج النهائى للمنظومة دى .... ما عدا ذلك فهو تكهنات و نظريات و استنتاجات

كل الموضوع .... اننا من المشاهدات و القياس ممكن نتكهن بما يمكن ان يحدث فى المستقبل ... و الله وحده هو العالم ..... من الاخر علشان الكلام المجعلص الى كتبته ده !!!!

حضرتك كمواطن ... من الممكن ان تشعر بالتغيير فى الخدمات المقدمة من الحكومة .... و كمان بالاسعار ..

فيه افكار و قرارات كتيرة موجودة و المفروض انها بتتطبق .... و مش شايفين ليها اى تأثير
و احنا اتكلمنا من فترة على قرار البنك المركزى بتاع الحد الاقصى للايداع اليومى من الدولار ... و ان ده قرار كويس على المدى القصير .... و لكن مش حينفع على المدى الطويل .. و لازم من وجود قرارات تانية لحب المشكلة على المدى الطويل ...

و على المستوى الشخصى ... فيه بعض قطع الغيار بدأت تختفى من السوق .... و بالطبع قبل ما تختفى سعرها بيزيد ... و اذا تواجدت فى السوق مرة اخرى ... بتظهر بسعر مرتفع .... ده رأيى الشخصى بناء على بعض الملاحظات ... و لا اعمم هذا الرأى

تقبل احترامى و متابع معاك

الاخ العزيز مهندس احمد بك تحياتى وشكرى لاهتمامكم و رايكم الكريمان و موافق 100% على كلام حضرتك و المتوقع "من وجهة نظرى ان ارتفاع الاسعار و شح السلع وارد وارد و علينا الاستعداد النفسى لهذا واليكم هذا الخبر المنشور بجريدة البورصة ...تسعى شركة “القاهرة لصناعة وتنمية السيارات” المالكة لتوكيل «بيجو» فى مصر، وهى إحدى الشركات التابعة لـ”العربية للاستثمارات” لتحويل 100 مليون دولار، إلى شركة «بيجو» الأم فى فرنسا مقابل مديونيات عليها.
قال أدهم همام عضو مجلس إدارة شركة «العربية للاستثمارات والتنمية القابضة» إن شركته تسعى لتدبير 100 مليون دولار خلال الثمانية أشهر الماضية لتحويلها الى شركة «بيجو» الفرنسية.
أوضح همام أن الشركة لديها السيولة الكافية بالعملة المحلية، إلا أن قرار البنك المركزى بتشديد ضوابط الايداعات الدولارية وتحويل الأموال للخارج تسبب فى أزمة كبيرة فى سداد مستحقات الشركة الأم في فرنسا، لدى القاهرة لصناعة السيارات وكيل «بيجو» فى مصر.
أشار همام أن الشركة تقضى كامل احتياجاتها بالعملة الصعبة، وتستورد بقيمة 12 مليون دولار شهرياً.
وأصدر البنك المركزى قراراً فى فبراير الماضى بوضع حد أقصى للإيداعات الدولارية فى البنوك بواقع 10 آلاف دولار يومياً و50 ألف دولار شهرياً بالإضافة الى قيود على عمليات تحويل الاموال للخارج.
وكان “المركزي” يسمح للشركات بإيداع أي مبلغ في حسابها دون قيد أو شرط لتتمكن من استيراد أي كمية من احتياجاتها، بجانب قدرة الشركات علي تحويل أرباحها بالدولار للخارج.
كشف همام أن الشركة تتعاون حالياً مع عدد من البنوك فى مصر لتدبير 20% من احتياجاتها الدولارية، بواقع 20 مليون دولار، للانتهاء من أزمة «بيجو» الحالية.
ولفت إلى أن البنك المركزى يمنح القيمة الدولارية للشركات وفقاً للأولويات التى تحددها الدولة فى قوائم انتظار الحصول على الدولار فى البنوك، التى يقع على رأسها مستوردو مستلزمات الأدوية والسلع الغذائية وتتذيلها مستلزمات السيارات والمعروفة باسم السلع الاستفزازية.
أوضح أن الشركة تعتمد بصفة رئيسية على العملة الصعبة، مشيراً الى أنها تستورد نحو 99% من مستلزماتها من الخارج.
قال أن الرئيس عبد الفتاح السيسي في كلمته خلال الأسبوع قبل الماضي أمام الجمعية العامة للأمم المتحدة المنعقدة في نيويورك، وعد بحل مشكلة الدولار في مصر خلال 90 يوم كحد أقصى.
وأكد همام أن الشركة تثق في وعود الرئيس التي تتحول إلى قرارات، خاصةً في ظل حكومة “شريف اسماعيل” الحالية، لافتاً أن الشركة تأمل انتهاء تلك الأزمة قبل نهاية العام الجاري.
يبلغ رأس مال شركة “القاهرة للسيارات” 31 مليون جنيه، ويذكر أنها حققت صافى ربح بعد الضريبة بقيمة 31 مليون جنيه خلال عام 2014 ما يمثل 65% من مجمل أرباح “العربية للاستثمارات القابضة” البالغة 40.2 مليون جنيه.
وتبحث شركة «العربية للاستثمارات والتنمية القابضة» زيادة رأسمال شركة «القاهرة للتنمية وصناعة السيارات» المالكة لتوكيل «بيجو» وتعزيز الاستثمار فيها، بعد الانتهاء من وضع الخطة الاستراتيجية لها.
وكان حازم بركات رئيس مجلس إدارة شركة «بلتون» التى تتولى إدارة الشركة العربية للاستثمارات، ذكر خلال الجمعية العمومية السابقة، أن شركة بلتون بصفتها المدير التطويرى، قامت بزيارة مقر شركة «بيجو» فى فرنسا، لتوطيد التعاون، وكشف أن الشركة تقدمت بخطة استراتيجية لتطوير «بيجو».
وقال بركات إن الخطة تتضمن مضاعفة المبيعات المستهدفة من سيارات بيجو ليرتفع من 7 إلى 18 ألف سيارة خلال الـ5 سنوات المقبلة، كما تعتزم اقتحام السوق السودانى على المدى القصير، الذى تعكف الشركة على دراسته حالياً.

0 ( AINDK ) العربية للاستثمارات والتنمية القابضه للاستثمارات مالية-عينية ...انتهى الخبر و من عندى التفائل من وسط الخبر ... الاتجاه للتصدير للسوق السودانى خطوة واعدة ....

[م أحمد]

اتفق مع د هلال و أزيد ان الدور الاساسى للوزير ليس دورا لوجستيا او كما يقال من التكنوقراط و لكن الدور الرئيس للوزير هو وضع السياسة العامة للوزارة و تطبيقها على الواقع ولهذا نجد بالخارج الوزير لا يمت بالمرة لنشاط وزارته لانه معنى اكثر بسياسة الوزارة وليس بالتفاصيل الممكن بحثها بالمتخصصين كل فى مجاله . مع خالص تحياتى

فى اى الدول الناجحة حضرتك شفت وزارة توسد لغير اهلها ؟

هل تعلم ان كلمة حضرتك هى المفتاح السحرى للبراشوتات و المهارات الخاصة و المستشارين فى جميع الهيئات و المصالح الحكومية فى الدولة المصرية ؟

هل التكنوقراط منعدمى الفكر او بلا رؤية و متوفرة لدى الغير....مع تقديرى لوجهة نظرك انا افضل التخصص

[amr011111]

لو تم اختيار مهندسين متفرغين لخدمة البلد لتطورت البلد سريعا ولكن للاسف معظم المهندسين اللى ماسكين الوزارات هم رجال اعمال وغير متفرغين للوزارة. مع ان فيه قانون انه بيلزم الوزير انه ميكونش مرتبط بعمل اخر وذلك القانون مثله مثل بقية القوانين يتم تجاوزها بان يتم تسجيل تنازل صورى لابن الوزير لادارة اعماله

[رحالة]

زيادة الدولار مفيدة للاقتصاد المصري
لانها تعمل على زيادة الواردات وتقليل الصادرات
بطلوا فتى الله يكرمكم

[khaled_sabry]

وأصدر البنك المركزى قراراً فى فبراير الماضى بوضع حد أقصى للإيداعات الدولارية فى البنوك بواقع 10 آلاف دولار يومياً و50 ألف دولار شهرياً بالإضافة الى قيود على عمليات تحويل الاموال للخارج.
وكان “المركزي” يسمح للشركات بإيداع أي مبلغ في حسابها دون قيد أو شرط لتتمكن من استيراد أي كمية من احتياجاتها، بجانب قدرة الشركات علي تحويل أرباحها بالدولار للخارج.
كشف همام أن الشركة تتعاون حالياً مع عدد من البنوك فى مصر لتدبير 20% من احتياجاتها الدولارية، بواقع 20 مليون دولار، للانتهاء من أزمة «بيجو» الحالية.

انا مش اقتصادى و لا افهم فى الاقتصاد - لكن عندى سؤال
هو ليه البنك المركزى وضع قيود على الايداع بالدولار - المفروض العكس كان هو اللى يحصل !!!
علشان يبقى متوفر دولارات فى البنوك و بالتالى سعرها يقل

[moha sasa]

https://www.almasryalyoum.com/news/details/825357

[hilal]

انا مش اقتصادى و لا افهم فى الاقتصاد - لكن عندى سؤال
هو ليه البنك المركزى وضع قيود على الايداع بالدولار - المفروض العكس كان هو اللى يحصل !!!
علشان يبقى متوفر دولارات فى البنوك و بالتالى سعرها يقل

بغض النظر عن صحة أو خطأ هذا القرار
فإن المقصود منه هو إحكام السيطرة على السوق السوداء للعملة

فالمشكلة باختصار شديد:
مصر تستورد بـ 60 مليار دولار ، توفر البنوك نصفها والنصف الآخر يأتي من السوق السوداء ، كما أن تحويلات المصريين بالخارج تبلغ 18 مليار دولار لا يدخل منها إلا نسبة بسيطة جدا للبنوك والغالبية تتجه لشركات الصرافة.
و نظرا لقيام الشركات المختلفة بجمع مبالغ دولارية ضخمة من السوق السوداء لتمويل احتياجاتها من الخارج ، فالقرار يستهدف تكبيل يد شركات الصرافة وغيرها من الشركات التى تتعامل فى السوق السوداء ، التي تشترى الدولار من العملاء بأسعار أعلى من السوق الرسمى وتضعه فى حساباتها داخل البنوك لحين بيعه مرة أخرى لزبائن السوق السوداء ، بينما فى ظل السقف الجديد للإيداع النقدى بالدولار لن يكون بمقدورها القيام بذلك لأنها لن تستطيع وضع ما تجمعه من دولار بالأسعار غير الرسمية فى حساباتها داخل البنوك وبالتالى ستمتنع عن شراء الدولار ، وسيضطر من يمتلك الدولار من الأفراد والشركات الى بيعها للبنوك .

كذلك لن تستطيع الشركات التى تلجأ للحصول على الدولار عبر السوق السوداء وضعه فى حساباتها داخل البنوك والإستفادة به فى تمويل إحتياجاتها من الخارج ، وبالتالى ستضطر ايضا الى الإعتماد على البنوك فى الحصول على إحتياجاتها من العملة الصعبة.

أما عن رأيي الخاص فأحتفظ به لنفسي ، حتى لا يتهمني البعض بنشر الاشاعات المغرضة لإسقاط الدولة ، وخلينا نشوف النتائج على أرض الواقع.
تحياتي

[hobiko]

اعتقد ان علينا جميعا الأستعداد للأسوأ

على المدى القريب لا اتوقع ازمة اقتصادية طاحنة ....... احنا وصلنا لمستويات ادنى من كده خصوصا بعد الثورة مباشرة و عدينا منها

المشكلة دلوقتى ان العالم كله فى ازمة اقتصادية و انكماش هو الأكبر من نوعه من ايام 2008

غير ان احنا فى قلب منطقة صراعات و نزاعات مسلحة ........ مين مجنون حيحط استثمارات فى المنطقة ديه

احصائية سريعة .... فى عام 2014-2015 دخل مصر حوالى 12 مليار دولار استثمار اجنبى مباشر ..... و خرج منها حوالى النص فالمحصلة حوالى 6 مليار دولار

المفاجأة ....... ان حوال 5 مليار من ال12 ..... استثمار بريطانى ........ و حوالى 1.3 استثمار اماراتى

منظومة الدولار فى مصر كانت ........ قروض و معونات + قناة السويس + تحويلات المصريين + بعض الصادرات + سياحة + استثمار اجنبى مباشر

المنظومة ديه مستمرة لغاية دلوقتى و لا سبيل لكسرها ........... الا بمزيد من التصنيع المحلى للأتنين .... للأستهلاك المحلى و التصدير

ده تغيير يصنف انه بنيوى ...... يعنى لازم تغير فى اسس اقتصادك عشان يحصل و ده صعب اوى و بياخد وقت كبير

الحقيقة كمان ....... و للأسف الشديد بقول الكلام ده ........ ان حاليا المسئولين مش على نفس مستوى كفاءة رجال مبارك

خصوصا المجموعة الأقتصادية ...... اينعم كلهم حرامية بس كانو بيفهموا

واحد مثلا زى محمود محى الدين واخد Phd من واحدة من اكبر جامعات انجلترا فى الأقتصاد و هى Warwick business school

عايزين واحد زى ده بس شريف و مش حرامى ......... يا ترى فيه

[Mohamed_Hamid]

وزارة الكهربا : لازم مهندس كهرباء
وزارة الاتصالات : لازم مهندس اتصالات
وزارة الرى : لازم مهندس مدنى
وزارة البترول : لازم مهندس بترول
وزارة الاسكان : لازم مهندس مدنى
وزارة الصناعة : لازم مهندس و يفضل ميكانيكا
وزارة الانتاج الحربى : لازم مهندس فنية عسكرية
وزارة البيئة:لازم مهندس و يفضل كيمياء

يتبقى الوزارات التى يقال عليها سيادية (جيش - شرطة - قضاء) و ووزارت أخرى لهم باقى نسبة المشاركة فى الاقتصاد

مع كامل احترامى لك: تفكير خاطئ تماما. الوزير رجل ادارى من الطراز الأول وليس فنيا أو مهنيا. انظر الى أى دولة من دول العالم الأول أو الثانى ستجد أن الوزراء مديرين أكفاء وليسوا بالضرورة مهندسون أو أبناء الصنعة كما نقول بمصر. ليس مطلوبا من الوزير أن يفهم تكنيكيا ما يفعله العامل او الفنى او المهندس فى المصنع او منطقة البناء او حقل البترول او الثكنة العسكرية. المهم أن يكون كفء فى ادارته. وهذا ما نفتقده فى مصر.