عايز شاحن كهرباء لجهاز الضغط

[abokoko]

عندي جهاز ضغط ماركه بيورير
علي الساعد من اعلي
الجهاز بيشتغل ب4 حجاره قلم
الحجاره القابله للشحن بتقعد
لكن الحجاره العاديه بتستهلك بسرعه

في مكان للتشغيل بشاحن

بس محتاج اعرف نوع الشاحن المناسب و مواصفاته لتشغيل الجهاز بدون مشاكل

ومحتاج اعرف اجيبه من فين

شكرا

[7oda]

فى الغالب بيبقى مكتوب جنب مكان فيشة الشاحن الفولت و التيار المطلوبين او ممكن فى كتيب التشغيل
حتروح لحد بيبيع اكسسورات كهرباء و تجيب شاحن ليه نفس الفولت و تيار اعلى
قبل ما تشترى لازم تتأكد ان فيشة الشاحن مناسبة لفيشة الجهاز

[sas5]

بيور له وكيل فى شارع مصطفى النحاس مدينه نصر - ابحث على النت على التليفونات واذهب له

[abokoko]

عملت بحث لقيت موقع علي الفيس egyservوتلفون٠١٠٠٠٧٧٧٤٥٣

التلفون غير متاح
وعلي الفيس ارسلت رساله
و منتظر الرد

انا خايف اشتري شاحن ٦ فولت تكون اطراف التوصيل مختلفه او يكون تيار مستمر سيئ وممكن يتاثر الجهاز او يبوظ
وعلي فكره طرف الشاحن مختلف مش زي بتاع الموبيلات
بيفكرني بفتحه الشاحن مع كاسيت سوني صغير كان عندي زمان ووصلته بشاحن acبالخطأ فضرب الكاسيت وباظ
وبالتالي انا خايف من تكرار التجربه وعايز معلومه صح

[ali ashraf]

نفس مشكلتى

نفس المشكلة عندى بس الجهاز ماركة امرون لما تلاقى الحل لبقى اشركنى معاك و مكان فتحة الجاك مفيش اى كلام هبقى انزل صورة الجهاز لما افضى

[marsguy]

حضرتك إشتري شاحن بطاريات خارجي أحسن وهايكون عملي جداً

ويا حبذا لو الشاحن بيشحن بطاريات ريموت كمان

على فكره شواحن البطاريات ما بقتش غاليه

[abokoko]

egyserv
ردوا برسالة ان الشاحن ( الادبتور)
ب 125 جنيه
؟؟

اعتقد انه غالى
صح ولا انا غلطان

؟

[abokoko]

حضرتك إشتري شاحن بطاريات خارجي أحسن وهايكون عملي جداً

ويا حبذا لو الشاحن بيشحن بطاريات ريموت كمان

على فكره شواحن البطاريات ما بقتش غاليه

الشاحن اللى بتقول حضرتك عليه انه يشحن
تاحجارة القلم الصغيرة والكبيره
سعره كام تقريبا

+

هى الحجارة القابله للشحن
ممكن تتشحن لحد كام مرة
؟

[abokoko]

صورة من الرد
مع ملاحظة اختلاف رقم التلفون عن الرقم الغير متاح

[almohaor]

الشاحن الاصلى قدرته 600 مللى امبير بخرج 6 فولت
انا شارى الجهاز ومعاه الشاحن بتاعه...ممكن تسال عليه عند محلات اللوازم الطبية عند القصر العينى
وعموما ممكن تستخدم اى شاحن بالمواصفات عاليه بس جاك الشحن يكون متوافق مع الجهاز

[aw2100]

الشاحن اللى بتقول حضرتك عليه انه يشحن
تاحجارة القلم الصغيرة والكبيره
سعره كام تقريبا

+

هى الحجارة القابله للشحن
ممكن تتشحن لحد كام مرة
؟

ده افضل شاحن والبطاريات ممكن تشحن 800 شحنه والعمر الأفتراضى 5 سنوات
Energizer Charger with 4 AA Rechargable Battries للبيع في مصر, عمان, الزرقاء. افضل سعر، مراجعة و تقييم | سوق

[abokoko]

ده افضل شاحن والبطاريات ممكن تشحن 800 شحنه والعمر الأفتراضى 5 سنوات
energizer charger with 4 aa rechargable battries للبيع في مصر, عمان, الزرقاء. افضل سعر، مراجعة و تقييم | سوق

اول مرة اعرف موضوع الملى امبير
فى الشاحن والحجارة القابلة للشحن

[abokoko]

ده افضل شاحن والبطاريات ممكن تشحن 800 شحنه والعمر الأفتراضى 5 سنوات
energizer charger with 4 aa rechargable battries للبيع في مصر, عمان, الزرقاء. افضل سعر، مراجعة و تقييم | سوق

لقيت الشاحن فى راديو شاك ب 220 جنيه لعد الخصم

بس لم اشتريه
لانى متردد
ما بين شاحن البطارية وحجارة قابله للشحن
وما بين شراؤ شاحن كهربائي ( ادبتور )

[aw2100]

الشاحن بالبطاريات افضل ممكن تستعمل البطاريات فى اى حاجه كاميرا راديو مش بس جهاز الضغط !

[abokoko]

شكلها هترسي على شراء شاحن