أيهما أفضل كافيتريا ولا مطعم

[EgyArmy]

ادامى المشروعين دول عاملنلى قلق فى نفوخى بقالى فترة طويله اوى و كل ما اسئل حد يقولى الاتنين حلوين و مش باخد فايده منهم قولت اوسع نطاق النقاش شوية و يبقى على النت مع ناس اكتر و لو هنركز المشروعين دول الوحيدين الى شغالين 24 ساعة بدون توقف

اول مشروع الكافيتريا
مفيش شاب او راجل فيكى يا بلد مش غاوى كافيتريات دلوقتى لدرجه انه بقى جزء من اليوم العادى زى غسل الوش اول ماتصحى له مميزات و عيوب كارثيه
المميزات ان عدد الزباين كتير جدا و مش بيخلصوا
العيوب اول ماتقول لصاحب المحل انك ناوى تعمل كافيتريا الايجار بيعلى اضعاف لكن لو سوبر ماركت عادى مش بيغلى عليك فى الايجار
تكلفه تشغيل عاليه بسبب الكراسى و الطرابيزات و شاشات العرض و مش عارف فيه بيع بالأجل ولا لا
بسبب ارتفاع التكلفه من ايجار و معدات خايف ميجيبش همه

تانى مشروع المطعم
و ده ارباحه عاليه جدا و بالتحديد لو بيتزا و مكرونه و كريبات و معجنات ميزته ان المعدات تعتبر رخيصه لانه فرن و انبوبتين و صوانى و اطباق المونيوم و دقيق و مكرونات و حشو يعنى 10 الاف يظبطوه حاجه فخمه بس على الاقل لازم تبيع من 100 الى 200 طلب فى اليوم عشان تغطى تكاليف الايجار و الصنايعيه و الألات مشكلته ان الاكل ده كيف مش تضييع وقت و دى فى حد ذاتها مشكلة يعنى لو عملنا احلى اكل ممكن ميعجبش ناس كتيرة برضه

صفات مشتركة فى المشروعين
المحل هيكون ايجار و المساحة مش هتقل عن 75 متر
انا بصفتى هكون ممول و ادارة
العماله مش هتزيد عن 3 فى كل ورديه
يعتبر اول مشروع تجارى على ارض الواقع

رأيكم ايه الافضل و ليه ؟
و ممكن مشروع منهم يفشل و اسباب فشله ؟
و هل لاى حاجه من الاتنين سر مهنه ؟

[Secret-Man]

كافيتريا ديه الى هى قهوه نضيفه ولا كافيه مودرن لانها تفرق

والمطاعم محتاجه حد خبره للاداره كويس اوى ومش كل المعجنات والكريبات بتنجح فى اكتر من محل فى عباس العقاد قفلوا وكانو مطاعم وبيعملو معجنات بس مفيش رجل عليهم لانهم مدفونين وسط مطاعم كبيره وضخمه وليها اسمها

ادرس الموضوع كويس ودور على حد ليه خبره فى المجال هيوفر عليك كتير اوى فى الجهد والتكلفه

[hesham fawzy h]

مرشحش فكرة القهوة علشان الشيشة .. فلوسها حرام

المطعم فكرة ممتازة .. بس لازم تنزل تشتغل فى الى مطعم الاول علشان تعرف الدنيا ماشية ازاى

[EgyArmy]

كافيتريا ديه الى هى قهوه نضيفه ولا كافيه مودرن لانها تفرق

والمطاعم محتاجه حد خبره للاداره كويس اوى ومش كل المعجنات والكريبات بتنجح فى اكتر من محل فى عباس العقاد قفلوا وكانو مطاعم وبيعملو معجنات بس مفيش رجل عليهم لانهم مدفونين وسط مطاعم كبيره وضخمه وليها اسمها

ادرس الموضوع كويس ودور على حد ليه خبره فى المجال هيوفر عليك كتير اوى فى الجهد والتكلفه

أنا كنت ناوى فى البدايه على كافيه مودرن زيادة عن اللزوم
لكن أكتشفت أن فيه فنيات فى النص بتاخد مصاريف مبالغ فيها
عشان كدة قررت أنها تكون كافيتريا نضيفة فى البدايه و الفنيات الى من غير تكلفة عاليه هنفذها عادى

المطاعم بقى انا من اسكندريه
و مستنى حد يكون له تجارب بصراحه عشان أفهم منه الدنيا ماشيه ازاى لأن زى ما وضحت فى الموضوع أن كله بيقول ان المشروعين كويسين جدا و الدراسة على الورق جميله لكن الواقع ايه نظامه ؟

مرشحش فكرة القهوة علشان الشيشة .. فلوسها حرام

المطعم فكرة ممتازة .. بس لازم تنزل تشتغل فى الى مطعم الاول علشان تعرف الدنيا ماشية ازاى

المشكلة أن خبرتى فى المطاعم قد تكون دراسات فقط لكن أكيد محتاجة صنعه و بالنسبه للأدارة أكيد هكون لازق فوق نفوخ الناس يعنى هفهم الدنيا ماشيه أزاى

[ibrahim sallam]

طيب انت حددت الاماكن اللي ممكن تنفذ فيها المشروعين؟

[a7medalaa]

لو فتحت مطعم جنب قهوة و خليت الي شغالين يروحوا ياخدوا الاوردر من الناس و يروحوا يودواه هتكسب دهب حتي لو بتعمل اكل وحش :d الناس عندها كسل مش طبيعي و زباين القهوة كتير جدا فانت هتكسبهم كل المطاعم اللي جنب قهاوي بيكسبوا ما شاء الله ابقي قاعد مع اصدقاء تسمع دايما "خلينا في قهوة كذا عشان بتاع الاكل" " اكله زبالة بس مش لسة هقوم" فتخيل لو اكلك حلو و كمان مش هيقوموا
بس اهم حاجة السعر لانك لو عملت سنداوتش ب 20 ج مثلا ذبونك اصلا بيقعد بيطلب شاي ب 3 ج فمش هيدفع 40 ج في سندوشين مثلا :d

[Secret-Man]

أنا كنت ناوى فى البدايه على كافيه مودرن زيادة عن اللزوم
لكن أكتشفت أن فيه فنيات فى النص بتاخد مصاريف مبالغ فيها
عشان كدة قررت أنها تكون كافيتريا نضيفة فى البدايه و الفنيات الى من غير تكلفة عاليه هنفذها عادى

المطاعم بقى انا من اسكندريه
و مستنى حد يكون له تجارب بصراحه عشان أفهم منه الدنيا ماشيه ازاى لأن زى ما وضحت فى الموضوع أن كله بيقول ان المشروعين كويسين جدا و الدراسة على الورق جميله لكن الواقع ايه نظامه ؟






المشكلة أن خبرتى فى المطاعم قد تكون دراسات فقط لكن أكيد محتاجة صنعه و بالنسبه للأدارة أكيد هكون لازق فوق نفوخ الناس يعنى هفهم الدنيا ماشيه أزاى

لو حابب ابعتلك رقم واحد صحبى راجل محترم وخدوم جدا يفيدك فى المجال لان خبرته 11 سنه فى مصر والامارات ومدير لسلسه مطاعم كبيره فى مول العرب ودبى مارينا فهيقولك كل حاجه من الاخر
بس هبعتلك رقمه خاص

[EgyArmy]

طيب انت حددت الاماكن اللي ممكن تنفذ فيها المشروعين؟

لم أحدد المكان بعد لأنى ناوى أول ما أجر أشتغل على طول عشان مأجرش و أقعد شهر أو أتنين بفكر
لكن فيه بنود للمكان و قواعد لأختيار المكان
يعنى لا يقل عن 75 متر
و يكون شارع رئيسى سواء كان فى منطقة شعبيه أو منطقة راقيه
يكون الشارع محلاته شغاله 24 ساعة أو المحلات المجاورة
و شوية حاجات كدة فى دماغى

لو فتحت مطعم جنب قهوة و خليت الي شغالين يروحوا ياخدوا الاوردر من الناس و يروحوا يودواه هتكسب دهب حتي لو بتعمل اكل وحش :d الناس عندها كسل مش طبيعي و زباين القهوة كتير جدا فانت هتكسبهم كل المطاعم اللي جنب قهاوي بيكسبوا ما شاء الله ابقي قاعد مع اصدقاء تسمع دايما "خلينا في قهوة كذا عشان بتاع الاكل" " اكله زبالة بس مش لسة هقوم" فتخيل لو اكلك حلو و كمان مش هيقوموا
بس اهم حاجة السعر لانك لو عملت سنداوتش ب 20 ج مثلا ذبونك اصلا بيقعد بيطلب شاي ب 3 ج فمش هيدفع 40 ج في سندوشين مثلا :d

أكيد السعر و المكسب هيكون معقول أنا ماشى بمبدأ أكسب قليل تبيع كتير فتكسب كتير
و كمان هتكسب زباين كل يوم مش زباين يوم تغيير أو يوم فسحه
و أكيد الواحد هيتقى الله فى الحاجات الى بيقدمها للزباين و انها تكون نضيفة كأنى أنا الى هاكلها بالظبط
و تسلم أيدك على الرد و فكرة الأسعار و فكرة الأماكن

لو حابب ابعتلك رقم واحد صحبى راجل محترم وخدوم جدا يفيدك فى المجال لان خبرته 11 سنه فى مصر والامارات ومدير لسلسه مطاعم كبيره فى مول العرب ودبى مارينا فهيقولك كل حاجه من الاخر
بس هبعتلك رقمه خاص

ياريت والله و على الأقل لو فيه تصاريح أو مشاكل مع الحكومة و الحى و هكذا أعرفها منه
و أكيد كل شغلانه ليها خبايا مش بتظهر فى الدراسة لكن بتظهر بعد الشغل نفسه