عايز اخد رأيكم في فرصة سفر للسعوديه او قطر

[elpilot]

السلام عليكم
النهارده اتصل بيا شركة سفريات واخبروني ان فيه عرض ليا
فيه شركة اسمها مدائن الجزيرة بالرياض وهي شركة متخصصه في مجال البرمجيات وطالبين تخصصي
والعرض هو راتب 3000 ريال وهيوفرولي اقامة وسكن وانتقالات علي حسابهم

ولو وافقت هيحددوا معاد المقابله
فحبيت اخد رأيكم
هل العرض ده كويس ولا مش تمام؟؟
وايضا هل الشركة دي مضمونة ولا دي ممكن تكون نصبايه خصوصا واني مش مقدم السي في بتاعي من فترة طويله في اي شركة ومستقر في البلد دي بقالي سنتين تقريبا؟؟؟
وهل لو ربنا اكرمني وسافرت السعوديه هيبقي متاح ليا هناك بسهوله اني اعمل عمرة او حج ولا الموضوع صعب؟؟وينفع برضو اخلي حد من اهلي يحج او يعمل عمرة ولا صعب؟؟
وبالنسبة للراتب ال3000 ده هل هيذيد مع الوقت ولا هيفضل ثابت زي ماهو؟؟
وهل نظام الشغل في السعوديه بيسمحلي اني اشتغل شغل تاني بعد الضهر مثلا ولا هبقي علي قد الشغلانه دي وبس؟؟؟
_________________________________
بالنسبة لقطر واحد صاحبي بيقنعني اني اسافر معاه هناك وهشتغل مدرس حاسب الي او اخصائي نظم معلومات
وبيقولي الراتب هناك كويس جدا وهيكون حوالي 7000 ريال قطري يعني حوالي 14 الف مصري وبيقولي تعالي نقدم مش هتخسر حاجه هل فعلا الكلام ده ولا ده بيحلم؟؟؟
وبالنسبة لقطر برضو هل هيبقي مسموح ليا اشتغل شغل تاني بعد الضهر ولا علي قد شغلانه واحده؟؟
__________________________
الوضع الحالي هنا بشتغل في الحكومة ومتزوج وعندي طفلين وتقريبا صافي دخلي من 3 شغلانات بشتغلهم لحوالي18ساعه يوميا تقريبا 4000ج
محتاج نصايحكم ضروري جدا جدا
وشكرا ليكم

[tota.m]

عرض السعوية زى الزفت ملوش اى لازمة


ثانيا ودى حاجة شخصية لو مش هتسافر قطر عرفنى على صحبك انا شغال it وبدور على سفر :(

[Rsarabia]

روح قطر طبعا

[volociximab]

السلام عليكم
و عليكم السلام
النهارده اتصل بيا شركة سفريات واخبروني ان فيه عرض ليا
فيه شركة اسمها مدائن الجزيرة بالرياض وهي شركة متخصصه في مجال البرمجيات وطالبين تخصصي
والعرض هو راتب 3000 ريال وهيوفرولي اقامة وسكن وانتقالات علي حسابهم

ولو وافقت هيحددوا معاد المقابله

فحبيت اخد رأيكم
هل العرض ده كويس ولا مش تمام؟؟
وايضا هل الشركة دي مضمونة ولا دي ممكن تكون نصبايه خصوصا واني مش مقدم السي في بتاعي من فترة طويله في اي شركة ومستقر في البلد دي بقالي سنتين تقريبا؟؟؟
يعنى انت مستقر و هم وافقوا عليك من غير سى فى؟
وهل لو ربنا اكرمني وسافرت السعوديه هيبقي متاح ليا هناك بسهوله اني اعمل عمرة او حج ولا الموضوع صعب؟؟و
ممكن يمنعك حتى لو فى مكة
ينفع برضو اخلي حد من اهلي يحج او يعمل عمرة ولا صعب؟؟
مش لما تعرف تعمل استقدام الاول؟
وبالنسبة للراتب ال3000 ده هل هيذيد مع الوقت ولا هيفضل ثابت زي ماهو؟؟
قاعدة فى السعودية--الكفيل الى بيقبضك اول كل شهر يبقى كفيل ممتاز بغض النظر عن اكله لبقية حقوقك المادية-فيه ناس تاكل حقك امام المسجد الحرام و يقولك اشتكى--فيه ناس تلاقيه ملياردير و ميرتاحش نفسيا الا لما ياكلك فى اى حاجة و لو ربع جنيه بس اهم حاجة يحس انه اكلك-فانت بتروح السعودية عند الملتزم بالمرتب و تبقى بعد كده تعافر يمكن يطلعلك حاجة تانية
وهل نظام الشغل في السعوديه بيسمحلي اني اشتغل شغل تاني بعد الضهر مثلا ولا هبقي علي قد الشغلانه دي وبس؟؟؟
____________________لا ميسمحش_____________

وشكرا ليكم

قبل ما تحط رجليك فى السعودية اعرف انت هنحط رجليك فين
الناس هنا مبتحملش فلوس فى شنط
لو هتيجي مع اسرتك على مرتب ب3 الاف خليك فى مصر احسن

[volociximab]

اكتبلى شركة السفريات على الخاص يمكن اعرفها

[amr011111]

عرض السعوديه ملوش بلزمه ومش هتقدر تاخد أسرتك معاك
بالنسبه لقطر معرفش بس العمليه مبتتحسبش كده. يعنى مينفعش اقول انك هتقبض 14 الف جنيه مصرى لأن كل بلد وظروفها. ممكن ال 7000 ريال قطرى بعد السكن والمصاريف والمواصلات يتبقى لك 2000 ريال قطرى يعنى 4000 جنيه وبالتوفيق

[a7medalaa]

عرض السعودية ملوش اي لازمة و لا يجيب همه 3 الالف ريال دي تعيشك تاكل عيش حاف بص قاعدة كده في الخليج اقل من ضعف دخلك في مصر ميعيشكش هناك يعني 4000 ريال لو وفرولك سكن و انتقالات هتلاقي نفسك بتحوش 500 ريال ولا الف كل شهر يعني برضه مش جايبة همها اتغرب و اسيب بيتي و اهلي عشان احوش 10 ولا 15 الف في السنة تجيب بنصهم هدايا لاهلك و انت راجع مش منطقي خالص
نيجي لعرض قطر ده جايب همه نسبيا بس لو هيوفرلك سكن و عربية لان قطر اغلي بكتير المعيشة عن السعودية لو كده هتلاقي نفسك بتحوش حوالي نصف مرتبك هتبقي انت بتصرف فاتورة كهرباء و مياه و موبايل و نت و بنزين و اكل يدوب 6000 ريال فاتورة الكهرباء لوحدها 1000 ريال عشان تبقي بتحسبها صح مصر رخيصة جدا في العيشة عن الخليج لو عرض قطر شامل سكن و عربية و و تذاكر طيران اتوكل علي الله مش شامل يبقي مش هتعرف تحوش حاجة اقل ايجار في قطر في حدود 3500 ريال في الشهر فلو من غير سكن انسي 7000 يعملوا حاجة

[ganash]

راتبك فى مصر احسن من الاتنين الا لو قطر وفرولك السكن والانتقالات

[wael30003]

انا هنا بقالى اكتر من سنة
ومرتبى اكبر من راتبك المعروض بكتير
وما حوشتش ريال واحد
كله اتصرف
العيشة هنا غالية جدا مش زى مصر
ساندوتش الطعمية وده ارخص حاجة ٢ريال بالمصرى ٤جنيه
يعنى لما تحسب مصاريفك هنا احسبها بالريال مش بالجنيه
الريال هنا ليس له قيمة زى الجنيه فى مصر
وكل واحد حسب طريقة حياتك ومصاريفه
حتى لو ٤الاف لا تسافر
احسبها صح
وربنا يوفقك
والعمرة هنا سهلة
لكن الحج مش سهل زى ما انت فاكر
هنا الحج الرسمى للسعوديين المغتربيين بيبدأ من ٧٠٠٠ريال
والغير رسمى ٣٥٠٠ريال

[elpilot]

امال يا جماعه الناس اللي مسافرة وبتيجي هنا تشتري اراضي ويبنوا عمارات ويركبوا احدث عربيات واللي ماليين الزقازيق هنا دول شغالين بكام علي كده ولا شغالين ايه
دي ناس معديين اوي مع ان سنهم مش كبير
وهوو ده اللي بيزن علي دماغي اني اسافر عشان اعرف اعمل حاجه
نفسي اعرف قصة نجاح واحد من الناس دي عشان احاول اعمل زية يمكن انجح

[wael30003]

امال يا جماعه الناس اللي مسافرة وبتيجي هنا تشتري اراضي ويبنوا عمارات ويركبوا احدث عربيات واللي ماليين الزقازيق هنا دول شغالين بكام علي كده ولا شغالين ايه
دي ناس معديين اوي مع ان سنهم مش كبير
وهوو ده اللي بيزن علي دماغي اني اسافر عشان اعرف اعمل حاجه
نفسي اعرف قصة نجاح واحد من الناس دي عشان احاول اعمل زية يمكن انجح

زى ما قلت كل واحد حسب طريقة معيشته .....فى واحد بيقضيها ٥٠٠ريال اكل وشرب وفى واحد ١٠٠٠ريال وفى ٢٠٠٠وفى اكتر .
وفى واحد بيعمل برنامج مصاريف ما يكسرهوش مما كانت الاسباب .....زى ما بيقولوا بيربط الحزام ......
فى ناس معندوش حزام اصلا .....
لو اتعودت على نظام مصاريف فى مصر قبل السفر وهو نفس النظام ......فى ليمت تلاقى نفسك متعود عليه مش هتقدرتنزل عنه

واحيانا بتكوم غلطان فى المصاريف واحيانا بيكون فى مصاريف خارج ارادتك زى مخالفات الساهر ......انا فى خلال السنة دى عامل ٣٠٠٠ريال مخالفات ساهر....دى خارجة عن ارادتك ...


وهكذا بس فى الطبيعى .....ال٣٠٠٠ مش هيعملوا حاجة ..خدها نصيحة

[a7medalaa]

امال يا جماعه الناس اللي مسافرة وبتيجي هنا تشتري اراضي ويبنوا عمارات ويركبوا احدث عربيات واللي ماليين الزقازيق هنا دول شغالين بكام علي كده ولا شغالين ايه
دي ناس معديين اوي مع ان سنهم مش كبير
وهوو ده اللي بيزن علي دماغي اني اسافر عشان اعرف اعمل حاجه
نفسي اعرف قصة نجاح واحد من الناس دي عشان احاول اعمل زية يمكن انجح

اصلا متوسط المرتبات في السعودية في حدود 10 الاف ريال و بيعلي لحد ميوصل ل 25 الف ريال لو تخصص نادر او بترول دي بقي المرتبات اللي تخليك تجيب اراضي و تحوش انما 4000 ده بيضحكوا عليك للاسف الشركات بتضحك عالمصريين عشان مش عارفين يقولو هديك 3000 ريال ولا 4 يعني 8 الااااف مصري شووف بقي يقوم ياعيني الواحد من دول يجري و هو مش فاهم ان 4000 ريال يعيشوك هناك في مستوي واحد عايش في مصر مرتبه 2000 جنيه العيشة في الخليج غالية جدا مرتبك في مصر معقول متطلعش علي اقل من 7000 و سكن و عربية عليهم متمرمطش نفسك الشغل هنا من نار انا اول مرة نزلت site نص ساعة في الشمس حصلي Dehydration و مبقتش شايف قدامي و كنت هقع لولا ان العربية كانت جنبي سندت عليها و دخلت في التكيف لو مش كده كنت عالمستشفي قطر مات فيها السنة اللي فاتت 500 عامل من الحر في الشغل كذا جريدة عالمية كانت كاتبة عن الموضوع ده مش بكرهك بس بوضحلك ان لازم قصاد ده تتقدر بمرتب محترم يوفرلك حياة كريمة لما تقرر ترجع مصر

[tkamal]

اللى يدخل الخليج صغير يفضل طول عمره صغير
واللى يدخل كبير يفضل طول عمره كبير
اقل من 10000 الف ريال فى الشهر لا انصحك بالسفر

[volociximab]

من بين الناس التى تشترى و تبنى فى مصر هناك العشرات يدوب مقضيها فى الخليج و كل واحد عارف ظروفه بس العيشه اغلى من مصر و لو معاك اسرتك يبقى 3000 ريال هتقفلهم مستريح

[wael30003]

اللى يدخل الخليج صغير يفضل طول عمره صغير
واللى يدخل كبير يفضل طول عمره كبير
اقل من 10000 الف ريال فى الشهر لا انصحك بالسفر

انت فين فى الرياض