عاوز نصايحكم ف شراء اثاث موردن من دمياط

[inceptor]

السلام عليكم انا كنت عاوز اشترى اثاث مودرن بس سمعت ان المودرن مش بيستحمل الكلام ده ايه؟ وكمان انا من اسكندرية ورايح دمياط ياريت اعرف اركب ايه عشان اروح الاماكن اللى بتبيع الاثاث المودرن؟
اريد اماكن محلات مشهورة وبتبيع اثاث مودرن موثوق فيها؟

ف الاخر بقى هل 30 الف كويس لاثاث مودرن نوم و سفرة وانتريه ونيش

[inceptor]

upppppppppppppppppp

[Mohamed_Hamid]

لو جاهز افتكر فيه واحد اسمه حامد العراقى هو اشهر واحد بتاع مودرن.. الكلام ده من 3 سنين ممكن يكون فيه ناس تانية غيره دلوقت... اهم حاجة سيبك من العيال السماسرة اللى بموتوسيكلات هيقعدوا يزنقوا عليك علشان يودوك لحد وياخدوا عمولة وكدة. اركن العربية فى مكان آمن وانزل اسأل ويستحسن تبقى رايح وانت محدد اهدافك وعارف هتروح فين من الأول علشان الموضوع كبير

الله يوفقك ومبروك مقدما

[elnakshabandy]

علشان تروح دمياط
لازم يكون معاك نجار محترم ف المهنة وواثق فيه
او تشوف معرفة هناك في دمياط محترمة وميبعكش
على فكرة من كتر اللي هتشوفه هناك من جمال وحلاوة الشغل هيحصلك صدمة وهاتبقي متردد من كتر اللي هتشوفه
من حاجات كويسه علشان كده لازم يكون معاك صنايعي شاطر علشان ربنا يوفقك في حاجة كويسه

مبرووك مقدما

[ahmed1981]

في منطة في دمياط إسمها باب الحرس
فيها معارض كتير

نسب الغش والسرقة والحرمية عالية جدا
زي الطبيعي في مصر يعني

فتوقع جداً يتنصب عليك إلا لو معاك نجار عقر

ـ

[lancer06]

السلام عليكم ورحمة الله وبركاتة
مرحبا اخى الكريم
معارض الأثاث فى دمياط موجودة فى منطقة الشعراء ليها مدخلين الاول من بعد قرية عزب النهضة (ودا اللى فيه المعارض ) ودى فى اول دمياط
والمدخل التانى من داخل المحافظة ودا موجود فية ورش الموبيليا
هتدخل من المدخل الأول وهو عبارة عن شارع طويل
معارض يمين وشمال ممتد حتى طريق بورسعيد
المعارض هناك كتير ادخل واتفرج براحتك ومتخليش حد يقنعك باللى مش عاوزة
المعارض فى اللى متخصص فى المودرن وفية اللى متخصص فى الأستيل او الأويمة
خد معاك نجار موبيليا يكون فاهم ويكون امين لأن الخشب هيكون جاهز بمعنى انو مدهون فمحتاج خبرة انة يعرف اللى جوة اية
وحاول تزود فى الفلوس علشان لو عجبك حاجة معينة متقولش ياريتنى
انا اشتريت من معرض اسمة ستايل ومعرض تانى اسمة سيتى مودرن
ولو فية وقت اطلع على دمياط الجديدة فى هناك ياسر العوضى وفى موبيليانا لكن اسعارهم غالية شوية

[inceptor]

انا متشكر جدا لردكم انا الصراحة لسه فترة بس حبيت اعرف الدنيا ايه نظامها عشان لو كدة اروح لو مفيش حاجة عجبتنى اروح جايب تفصيل
بس دلوقتى عاوز افهم حاجة، انا حنزل ف موقف دمياط اركب ايه ؟
تانى حاجة المودرن بيستحمل ولا اى كلام؟
تالت حاجة عاوز اسماء موثوق فيها حديثا عشان برضه نضمن موضوع النصب ده وربنا يستر
انا متشكر ليكم

[lancer06]

انا متشكر جدا لردكم انا الصراحة لسه فترة بس حبيت اعرف الدنيا ايه نظامها عشان لو كدة اروح لو مفيش حاجة عجبتنى اروح جايب تفصيل
بس دلوقتى عاوز افهم حاجة، انا حنزل ف موقف دمياط اركب ايه ؟ هتركب سرفيس او مشروع زى ما بتقولو بيروح الشعراء او تركب تاكسى افضل وتقولو الشعراء طريق المعارض
تانى حاجة المودرن بيستحمل ولا اى كلام؟ زية زى اى قطعة موبيليا لكن ابسط فى الشكل وعصرى شرط خامة الأخشاب والأبلكاش المستخدم
تالت حاجة عاوز اسماء موثوق فيها حديثا عشان برضه نضمن موضوع النصب ده وربنا يستر
انا متشكر ليكم هحاول بإذن الله اسألك على كم معرض موثوق فيهم