مستحرم فلوس السفر

[زهير فكري]

السلام عليكم
يا ريت يا جماعه رأيكم في موضوع يهمني , وهو اني بشتغل في شركه حكوميه و مرشح للتدريب لدوله اجنبيه والتدريب ده ده طبعا مكلف الشركه بتاعتي ملايين الدولارات ده غير بدل السفر بتاعي بالدولار برضه ( مبلغ محترم ) , الخلاصه اني مستحرم الفلوس دي و بفكر ارفض التدريب , مع العلم انه بعلاقاتي الشخصيه اقدر اجيب محتوي علمي احسن من اللي ممكن اخده بالتدريب يعني انا مش هخسر حاجه , المشكله اني شايف ان الموضوع ( مصلحه) او حق يراد به باطل وفي وسائل كتيره اقل تكلفه و احسن في الفعاليه لو شركتي بتبحث عن المحتوي العلمي , لكن الموضوع تحول لسبوبه وفسحه و مكافأه و اللي مزنوق في قرشين يطلع سفريه ...الخ ... ناس كتير بتتهمني بالجنون واني ازاي ارفض حاجه كده , يا ريت رأيكم هل فعلا انا مزودها ولا انا صح ؟

[Omar2017]

مزودها اوي

[wmz]

ها احاول اكون واقعى مش مثالى وطبعا ده رأى يحتمل الخطأ بس ادينا بنفكر مع بعض بصوت عالى
لو حضرتك مش هتطلع النتجة هتكون ايه ؟
يعنى بعدم سفرك ممكن تأخذ موقف يساهم فى اصلاح هذا الفساد ؟
يبقى لازم تأخذ الموقف ده حتى لو احتمال نجاحك فى التصدى للفساد قليل وإن شاء الله ربنا هيعوضك بخير اكبر ( من ترك شىء لله عوضه الله خيرا منه )
لو باعتذارك مش هيحصل حاجة والمحصلة هتكون سفر واحد غيرك فقط يبقى اعتقد بما إن المفسدة كده كده هتقع يبقى حضرتك تسافر احسن
أسأل الله لنا ولك الثبات

[hilal]

احترم حساسيتك نحو شبهة المال الحرام ولكن
المشكلة الحقيقية هي انك ستحرم نفسك من شهادة رسمية قد تفيدك في مستقبلك الوظيفي وقد تجد نفسك تحت رئاسة من هم اقل منك كفاءة لمجرد حصولهم على شهادة تفيد اجتياز الدورات التدريبية المذكورة
تحياتي

[wael30003]

ها احاول اكون واقعى مش مثالى وطبعا ده رأى يحتمل الخطأ بس ادينا بنفكر مع بعض بصوت عالى
لو حضرتك مش هتطلع النتجة هتكون ايه ؟
يعنى بعدم سفرك ممكن تأخذ موقف يساهم فى اصلاح هذا الفساد ؟
يبقى لازم تأخذ الموقف ده حتى لو احتمال نجاحك فى التصدى للفساد قليل وإن شاء الله ربنا هيعوضك بخير اكبر ( من ترك شىء لله عوضه الله خيرا منه )
لو باعتذارك مش هيحصل حاجة والمحصلة هتكون سفر واحد غيرك فقط يبقى اعتقد بما إن المفسدة كده كده هتقع يبقى حضرتك تسافر احسن
أسأل الله لنا ولك الثبات

+1111

[amr011111]

ربنا يباركلك ويكتر من امثالك
المهم لو سافرت او مسافرتش يبقى المحتوى العلمى اللى هتخده بره تتقنه وانت قاعد هنا.
بس للاسف ممكن اللى يسافر بره لما يرجع يترقى ويعمل نفسه خبير اجنبى

[أحمد كمال]

من أعطي شيئاً من غير مسألة ولا تطلع إليه جاز له قبوله ؛ لما رواه البخاري (1473) ومسلم (1045) (أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يُعْطِي عُمَرَ بْنَ الْخَطَّابِ رَضِيَ اللَّهُ عَنْهُ الْعَطَاءَ فَيَقُولُ لَهُ عُمَرُ : أَعْطِهِ يَا رَسُولَ اللَّهِ أَفْقَرَ إِلَيْهِ مِنِّي ، فَقَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ : خُذْهُ فَتَمَوَّلْهُ ، أَوْ تَصَدَّقْ بِهِ ، وَمَا جَاءَكَ مِنْ هَذَا الْمَالِ وَأَنْتَ غَيْرُ مُشْرِفٍ ، وَلَا سَائِلٍ فَخُذْهُ ، وَمَا لَا فَلَا تُتْبِعْهُ نَفْسَكَ) قَالَ سَالِمٌ فَمِنْ أَجْلِ ذَلِكَ كَانَ ابْنُ عُمَرَ لَا يَسْأَلُ أَحَدًا شَيْئًا ، وَلَا يَرُدُّ شَيْئًا أُعْطِيَهُ) .


ما تستحرمش ... مش حرام و لا حاجة ..... سافر و اتعلم و انبسط واتفسح كمان

[wmz]

من أعطي شيئاً من غير مسألة ولا تطلع إليه جاز له قبوله ؛ لما رواه البخاري (1473) ومسلم (1045) (أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يُعْطِي عُمَرَ بْنَ الْخَطَّابِ رَضِيَ اللَّهُ عَنْهُ الْعَطَاءَ فَيَقُولُ لَهُ عُمَرُ : أَعْطِهِ يَا رَسُولَ اللَّهِ أَفْقَرَ إِلَيْهِ مِنِّي ، فَقَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ : خُذْهُ فَتَمَوَّلْهُ ، أَوْ تَصَدَّقْ بِهِ ، وَمَا جَاءَكَ مِنْ هَذَا الْمَالِ وَأَنْتَ غَيْرُ مُشْرِفٍ ، وَلَا سَائِلٍ فَخُذْهُ ، وَمَا لَا فَلَا تُتْبِعْهُ نَفْسَكَ) قَالَ سَالِمٌ فَمِنْ أَجْلِ ذَلِكَ كَانَ ابْنُ عُمَرَ لَا يَسْأَلُ أَحَدًا شَيْئًا ، وَلَا يَرُدُّ شَيْئًا أُعْطِيَهُ) .


ما تستحرمش ... مش حرام و لا حاجة ..... سافر و اتعلم و انبسط واتفسح كمان

المال الى كان النبى صلى الله عليه وسلم يعطيه لسيدنا عمر كان لاشبهة فيه
اما السفرية ( العطية فى حالتنا ) فهى اداة من ادوات الفساد (حق يراد به باطل على حد قول اخونا وده طبعا مختلف عن الرواية المذكورة ) يعنى السفرية سبوبة ملهاش لازمة ليه او لغيره ( لأن فى مصر فى احسن منها وارخص فى التكلفة عل كلامه ) وما هى الا وسيلة التربح والمجاملة

[زهير فكري]

ها احاول اكون واقعى مش مثالى وطبعا ده رأى يحتمل الخطأ بس ادينا بنفكر مع بعض بصوت عالى
لو حضرتك مش هتطلع النتجة هتكون ايه ؟
يعنى بعدم سفرك ممكن تأخذ موقف يساهم فى اصلاح هذا الفساد ؟
يبقى لازم تأخذ الموقف ده حتى لو احتمال نجاحك فى التصدى للفساد قليل وإن شاء الله ربنا هيعوضك بخير اكبر ( من ترك شىء لله عوضه الله خيرا منه )
لو باعتذارك مش هيحصل حاجة والمحصلة هتكون سفر واحد غيرك فقط يبقى اعتقد بما إن المفسدة كده كده هتقع يبقى حضرتك تسافر احسن
أسأل الله لنا ولك الثبات

شكرا لرأي حضرتك , بس امكانيه اصلاح الفساد بمواجهته امكانياتي لا تسمح عشان هتكتسب عداوات كتير واطلع غلطان في الآخر , الاعتذار معناه عدم قبولي للأمر و الله يحاسب بالنوايا والسرائر .

[زهير فكري]

احترم حساسيتك نحو شبهة المال الحرام ولكن
المشكلة الحقيقية هي انك ستحرم نفسك من شهادة رسمية قد تفيدك في مستقبلك الوظيفي وقد تجد نفسك تحت رئاسة من هم اقل منك كفاءة لمجرد حصولهم على شهادة تفيد اجتياز الدورات التدريبية المذكورة
تحياتي

مفيش شهاده رسميه

[walidzakzok]

على فكرة انت صح.... مش علشان الناس ماشية غلط تمشي زيهم دة مش هايعفيك يوم القيامة.... شغل الحكومة ملطوط وخلي بالك انت طالع سفرية بملايين وفيه ناس بتاكل زبالة من نفس ميزانية الدولة............ طالما ليها بديل اعمل نية وربنا هايكرمك وسيبك من كلام الناس

[طارق _عبد السلام]

لو كل واحد فكر بطريقه تفكيرك دى البلد دى هيكون لها شئن مختلف جدا للافضل