مصر مع البرازيل وإيطاليا وأمريكا في كأس القارات

[ABDULLAH AHMED]

السلام عليكم ....
انا بصراحة ما اعرفتش احط الموضوع ده فين
قولت احسن حاجة المنتدى العام

القاهرة- أوقعت قرعة كأس القارات التي أجريت السبت في مدينة جوهانسبرج بجنوب إفريقيا منتخب مصر بجانب كل من البرازيل وإيطاليا وأمريكا في منافسات المجموعة الثانية.
وضمت المجموعة الأولى كل من جنوب أفريقيا "البلد المضيف" وأسبانيا والعراق ونيوزلندا.
وستلاقي مصر في مباراتها الأولى المنتخب البرازيلي في الخامس عشر من يونيو 2009، ثم تخوض مباراة لا تقل قوة مع أبطال العالم المنتخب الإيطالي يوم 18، وأخيرا مع المنتخب الأمريكي يوم 21 من نفس الشهر.
وتقام البطولة في جنوب إفريقيا في الفترة بين الرابع عشر والثامن والعشرين من شهر يونيو عام 2009.
المجموعة الأولى: مصر - البرازيل - إيطاليا - الولايات المتحدة الأمريكية
المجموعة الثانية: جنوب إفريقيا - أسبانيا - العراق - نيوزلندا
(منقول)

ايه رايكو بالقرعة دي
خصوصا انها في مجموعة صعبة اوي اوي
وفرق كلها جامدة البرازيل وايطاليا
من اقوى فرق العالم
ايه التوقعات لمصر في المجموعة دي
حتعمل ايه ؟ حتلعب .. حتكسب .. ولا زي ما راحت زي ما رجعت

الحاجة الوحشة في الموضوع ده
ان الماتشات دي بتبتدي مع امتحانات الثانوية العامة
وانا ثانوية .. يا رب انجح بس وربنا معانا وماكو
وبالتوفيق لمصر والعراق
وان شاء الله يكسبوا الفرق الكبيرة دي
ويعملوا مفاجاة للكل

تم النقل للمنتدى الأجتماعى

[mokhtar]

بالرغم من عدم اكتمال صفوف البرازيل وايطاليا فى البطوله دى لان البرازيل اعتادت تلعبها بغير المحترفين فى اوروبا و ايطاليا بحسب تصريحات مارشيللو ليبى المدير الفنى للاتزورى انه هيلعب بالصف التانى والوجوه الجديده بس برضه احنا مش هنعمل نتيجه ايجابيه معاهم ..ممكن امريكا نتعادل معاها ده مش ضعف لمنتخبنا بس برضه مش اى حد يقدر على البرازيل ملوك الكره وايطاليا بطل العالم




..mokhtar..

[ahmad7610]

القرعة دى مش عارف ليه حاسس انها متفبركة ... بيجاملوا جنوب افريقيا علشان تتأهل وأهى دعايا لكأس العالم 2010 .. والله أعلم ... (ان بعض الظن اثم )
-
لكن أكيد أمل مصر بقى ضعيف جدا ... وأخرنا تحقيق نتيجة ايجابية فى المباريتين الأوائل والأمل فى فوز على أمريكا وده ممكن ....
-
لكن لو الفرق الكبيرة لعبت بالصف التانى ممكن نعمل حاجة ..

[ABDULLAH AHMED]

يا رب نعمل حاجة
وده ممكن شوية لو الفرق لعبت بالصف التاني
بس حتى لو صف تاني او تالت كمان دولا ايطاليا و البرازيل
مش اي فرق يعني

[Terrible_DaRsH]

.


وستلاقي مصر في مباراتها الأولى المنتخب البرازيلي في الخامس عشر من يونيو 2009، ثم تخوض مباراة لا تقل قوة مع أبطال العالم المنتخب الإيطالي يوم 18،

هههههههههههههههههههههههههههههه
احنا ندوس اى حد ميهمناش ...
هنكسبهم ب 7000 سنه حضارة إن شاء الله محدش يقلق ..:k38:
بس يا رب ميكونش فى SCORE للمباريات دى ...:k16:
ويا ويلك يا سواد ليلك يالى هتحرس المرمى :k5:..

[mokhtar]

يا جماعه حتى لو لعبوا بالصف التانى مش معناه ان احنا هنكسب ايطاليا ميفرقش معاها صف اول او تانى وعلى فكره معظم لاعبيها الصغار او الشباب بيبقوا نجوم وبيظهروا فى البطولات الكبيره زى لوكا تونى وفابيو جروسو اللى تالقوا بشده فى كاس العالم 2006 وعلى راس الاتزورى مدير فنى داهيه مارشيللو ليبى انا بعتبره افضل مدرب فى العالم بجانب البرتغالى جوزيه مورينيو المدير الفنى لانترميلان الايطالى ...الراجل ده تعلب ومتضمنش ممكن يعمل ايه حتى لو لعب بمنتخب الشباب بتاعهم انما لو لعب بالاساسيين يبقى ربنا يستر




..mokhtar..

[ABDULLAH AHMED]

هههههههههههههههههههههههههههههه
احنا ندوس اى حد ميهمناش ...
هنكسبهم ب 7000 سنه حضارة إن شاء الله محدش يقلق ..:k38:
بس يا رب ميكونش فى SCORE للمباريات دى ...:k16:
ويا ويلك يا سواد ليلك يالى هتحرس المرمى :k5:..

هههههههههههههههههه

انا خايف بس نبقى حصالة المجموعة دي
ربنا معانا

[amirhamed]

مجموعه مولعه يارب نعمل حاجه

[Nile_Storm]

من ساعه اللي عملناه في بنين و انا خفت و حسيت ان ذنبهم هيخلص
و شكلها كده في البطوله دي :(

[sasatony]

احنا هنخسر من البرازيل ونتعادل مع ايطاليا ونكسب امريكا
الطبيعي نخسر من البرازيل بس المهم نعمل ماتش حلو قدامهم
وايطاليا لعبها دفاعي يعني باذن الله هنعمل معاهم ماتش حلو
وامريكا في مستوانا او اقل مننا بشوية يعني باذن الله بشوية مجهود نغلبها

[ABDULLAH AHMED]

من ساعه اللي عملناه في بنين و انا خفت و حسيت ان ذنبهم هيخلص
و شكلها كده في البطوله دي :(

هههههههههه لا ان شاء الله ربنا حيوفقهم ويعملو حاجة حلوة في الاخر

احنا هنخسر من البرازيل ونتعادل مع ايطاليا ونكسب امريكا
الطبيعي نخسر من البرازيل بس المهم نعمل ماتش حلو قدامهم
وايطاليا لعبها دفاعي يعني باذن الله هنعمل معاهم ماتش حلو
وامريكا في مستوانا او اقل مننا بشوية يعني باذن الله بشوية مجهود نغلبها

نظرية حلوة بس صعبة اصل دولا مش اي فرق تتوقع هزيمتهم او معادلتهم عن طريق التوقعات او الكلام
انا عن نفسي يا ريت نهزم البرازيل وايطاليا وامريكا
بس حلو الواحد يعرف مستواه وان شاء الله الفريق المصري يكسب ويعمل المستحيل

[ABDULLAH AHMED]

من ساعه اللي عملناه في بنين و انا خفت و حسيت ان ذنبهم هيخلص
و شكلها كده في البطوله دي :(

هههههههههه لا ان شاء الله ربنا حيوفقهم ويعملو حاجة حلوة في الاخر

احنا هنخسر من البرازيل ونتعادل مع ايطاليا ونكسب امريكا
الطبيعي نخسر من البرازيل بس المهم نعمل ماتش حلو قدامهم
وايطاليا لعبها دفاعي يعني باذن الله هنعمل معاهم ماتش حلو
وامريكا في مستوانا او اقل مننا بشوية يعني باذن الله بشوية مجهود نغلبها

نظرية حلوة بس صعبة اصل دولا مش اي فرق تتوقع هزيمتهم او معادلتهم عن طريق التوقعات او الكلام
انا عن نفسي يا ريت نهزم البرازيل وايطاليا وامريكا
بس حلو الواحد يعرف مستواه وان شاء الله الفريق المصري يكسب ويعمل المستحيل

[Abo_Lina]

بالعكس انا شايف ان كويس اننا وقعنا في مجموعة بالقوة دي..علشان نعرف احنا فين و مستوانا اتطور اد ايه..بالذات لو عاوزين نروح كاس العالم و نعمل حاجة العالم يفتكرنا بيها

[romeeoo]

احنا الطيارة حاتقع بينا فى الطريق و حاتكون فاضيه لأن ماحدش من اللعيبه حايسافر اصلا
قارات ايه وبتاع ايه اخبار ماتش الأهلى والزمالك ايه

[CryptonX]

ياجماعة مش عايز ابوظ احلامكم و لا حاجة ...

بس في " فجوة " و انا اعني بالحرف فجوة كبييييييييييييييييييييييييييييييييرة بين الكرة المصرية و الاوروبية او الاتينية ..


انتوا نسيتوا ماتش مصر و فرنسا الودي ؟؟ و كان منتخبنا في عز قوته :)

المهم بس نعمل ماتشات ككويسة مشرفة و نطمح نكسب طبعا ليه لآ بس .