شاب 21 سنة رايكم في الزواج من اجنبية و الهجرة - القصة كاملة

[mmm81254]

الحكومات الاجنبية و ادارات الهجرة فيها مش داقين عصافير ..... الحوارات دي بقت بتتهرش بمنتهى السهولة

اكيد هستمر ف الزواج عادي خالص يعني دي حاجة جوايا بس انا عن نفسي متزوج عشان الجنسية

[أحمد كمال]

اكيد هستمر ف الزواج عادي خالص يعني دي حاجة جوايا بس انا عن نفسي متزوج عشان الجنسية

في شرع ربنا لو انت متجوز بغير نية التأبيد يبقى زنا

[ahmed.awaad]

هي الناس اللي بتعلق على كلمة التجارة الإلكترونية تقصد تسخر من مين بالضبط؟
يا ريت اللي يسخر من حد يكون عنده الشجاعة إنه يصرح بده

[zico707]

هاجر من غير جواز ،،، لان الجواز بالطريقة دي مغامرة انتحارية

[SeiffoZ]

عملت 220 الف جنيه وشغلك ماشي فل وتقولى مليش مستقبل؟؟

وعايز تتجوز اجنبية وخلاص ؟؟

[mmm81254]

عملت 220 الف جنيه وشغلك ماشي فل وتقولى مليش مستقبل؟؟

وعايز تتجوز اجنبية وخلاص ؟؟

انا هنا ف مصر مش بدور ع ماديات
اقسم بالله اعرف ناس معاهم فلوس بالهبل و اقربهم شركة السياحة اللي فيها رئيس الشركة بيقولي انفد بجلدك .. البلد هنا بهدلة و لو معاك فلوس مش هتعرف تعيش بيها

انا اصلا يعتبر مش عايش الفلوس مش كل حاجة انا مش عارف اعيش هنا ف البلد اهم حاجة يكون معايا سلطة عشان اعرف اعيش هنا


انا بدور ع حياة نضيفة و مستقرة ف دولة ادمية تحترم حقوق البشر و كمان انا مش طموحي الجواز و الحياة التقليدية و النوم ف العسل و اخلف عيال تدعي عليا اني خلفتها ف بلد زي دي

[Colin Chapman]

السلام عليكم

انا شفت المنتدي بالصدفة و يعني شايف فيه ناس كبيرة عاقلة ف حابب اعرض كلام جوايا و منكم نستفيد

انا شاب 21 سنة من اسرة متوسطة من وسط القاهرة .. لسة متخرج حاليا من كلية سياحة و فنادق ارشاد انجلش حلوان بتقدير امتياز مع مرتبة الشرف
بشتغل من اولي ثانوي و محطتش ف دماغي تعليم مصري جامد لانه ملوش فايدة بس دخلت برضه الكلية اللي حاببها لاني ليا حلم ابقي مرشد سياحي و بشتغل الفترة دي مرشد سياحي ع خفيف خالص .. السياحة فكسانة هنا حاليا

بشتغل ف التجارة الالكترونية من اولي ثانوي و بدون تفاصيل عملت منها فلوس كويسة و بصرف علي نفسي و بجيب كل حاجة ليا و كمان اشتريت شقة ب 220 الف ف مدينة الشروق من سنتين و حاليا تمنها 400 الف .. شغلي كان مع اجانب برضه و قصة كبيرة جدا بس انا جايب الملخص


كل ما اتمناه في حياتي هو الهجرة يعني مش شايف هنا اي مستقبل و لا شايف حياة و لا شايف اي الوان ليها ... مستعد اضحي باي شئ .. ايا كان من اجل الهجرة

مش حلمي اتجوز واحدة تعملي محشي و كشري و بتنجان و اقعد اخلف عيال يدعوا عليا اني خلفتهم ف البلد دي ... ادامي بنات دكاترة و مهندسات و قمرات و جملات و كل الكلام ده ... بس ده مش عاوزه

نفسي احس اني انسان و اعيش ف اي بلد ان شاله اشتغل زبال فيها و اخد اقل مرتب بس احس اني انسان و اتقدر ... عرفت كل انظمة الهجرة و هي ف منتهي الصعوبة مش ماديا بس للطلبات اللي طالبينها

انا حاليا داخل اهه الجيش و بتهان كل يوم زي ما بتهان من اول ما اتولدت هنا

هستغل شهادتي و هروح شرم اشتغل و اتزوج من اجنبية .. اعرف 10 غيري عملوا كدا و شهادتهم من اول هندسة لحد دبلوم .. لغتي كويسة و بطور فيها


ارائكم و خبراتكم ... و عارف ان فيه ناس هتشتم و هتدعي ... بس مش مهم احنا كدا كدا متهانين

انت حسبتها صح ومن بدرى متضيعش وقت

وبلاش عمرك يضيع على الفاضى

[mmm81254]

يبقي نتوكل علي الله ربنا معايا

[volociximab]

انت كنت مستني حد يقولك كده عشان ترد كده
انت في قرارة نفسك متردد

[mmm81254]

انت كنت مستني حد يقولك كده عشان ترد كده
انت في قرارة نفسك متردد

لا انا سالت السوال ف اماكن كتير و تعاملت مع ناس كبيرة عالارض الواقع
دكاترة مهندسين و ناس مليونيرات
و عالنت هنا
و الكل اجمع ان الهجرة انسب حل

عشان لما اخد قرار ابقي واخده و انا بالي مرتاح اني بعمل الصح

[3abdo.it]

وغيرها وغيرها
لكن لن أكشف عنها حتى لا يعرفها

متفهمونا يا جماعة يمكن نتطلع باى مصلحة :(

[Ahmed_Rahem]

لو بتفكر فى الهجرة، يبقى تحط خطوات، الاول اللغة بتعرف تتكلم لغة البلد. ثانياً الشغل خبراتك ومهاراتك مطلوبة فى البلد دى ثالثاً شروط الهجرة المطلوبة واخيراً هتلاقى الليستة رسيت على بلد او اثنين، تركز فيهم على الاخر. دور فى مواقع الدول وشروط الهجرة وانواع التأشيرات، ولو عايز تدور صح شوف المنتديات المتخصصة فى الهجرة (قليلة بالعربى انما بالانجليزى هتلاقى كتير).
وحسب كلامك فالماديات متوفرة يبقى تقدر تتكلفل بمصاريف الهجرة. لان اول خطوة التقديم انما الاهم لما توصل البلد الى انت مهاجرها دة موضوع تانى خالص.
موضوع الجواز سيبك منة مش مضمون وزى مانت قلت بيبقوا عارفين.

الخلاصة ليك طريق من اثنين، الاول الهجرة العادية والتانى طريق الدراسة.

انما لو لسة مختش قرار فصلى استخارة لانك اكتر واحد عارف بظروفك

[viper911s]

شوف نصيحتى ليك انا كنت بفكر زيك وللاسف فشلت فى انى اروح دولة من الدول الغنية وحاليا عمرى 30
عشان متضيعش وقت انسى فكرة الجواز عشان فيها شبهة انة يكون حرام
واوروبا وامريكا وكندا واسترايا والكلام دة صعب حاليا ولو بفيزا دراسة
نصيحتى ليك
امريكا الاتينية خصوصا تشيلى اغنى بلد فى امريما الجنوبية ممكن تدخل دراسة وتقيم هناك عن طريق اى شغل سنك صغير يعنى ممكن تستنى خمس سنين وتاخد الجنسية من غير جواز ولو اتجوزت 3 سنين وجنسيتهم تدخلىك كل دول الاتحاد الاوروبى وامريكا وكندا بدون تاشيرة

تركيا فيزا سياحة وبتجددها هناك لمدة سنة بحوالى 200 دولار المهم تلاقى شغل خلال السنة (دى المفضلة ليا وبحاول انى ابدا اتعلم اللغة التركية )

متاليزيا مفيش تاشيرة لكن انك تلاقى شغل اظنة صعب