رايكم في مصل الأنفلونزا ؟

[MRBEBO]

رايكم في مصل الأنفلونزا الموسمية 2016



دي حقنه بتتاخد تحت الجلد في الدراع مرة في السنه

والمفروض انها تقي من العدوى ب الأنفلونزا

هي فرنسيه وتمنها 35 ج

رايكم فيها وهل ليها اضرار وهل فعلا مفيدة ولا كلام فاضي ؟

[Imhotep]

سنويا و عن تجربة اكتر من 10 سنين
بيقلل من حدة ادوار البرد بنسبة 30-40%
و مفيد بصفة خاصة لمرضى الحساسية

[MRBEBO]

طيب ايه افضل فترة الواحد ياخده فيها ؟

[Imhotep]

طيب ايه افضل فترة الواحد ياخده فيها ؟

افضل فترة هى بداية شهر أكتوبر لأن المصل بياخد حوالى أسبوعين عشان يبقى كامل الفعالية يعني يبقى مجهزك لدخول الشتاء... و عادة مصل السنة بيطلع فى الفترة دي آخر سبتمبر أول أكتوبر
بس لو اتأخرت عن الميعاد ده برضه أحسن من مفيش خالص... بس خلي بالك لازم ما يكونش عندك برد و انت بتاخده... كمان ممكن تحس بأعراض برد خفيفة لو بتاخده لاول مرة بس ده عادي

[MRBEBO]

طيب انا عندي مبادئ برد بلاش اخده وايه خطورة اني اخده وانا عندي برد

[Imhotep]

طيب انا عندي مبادئ برد بلاش اخده وايه خطورة اني اخده وانا عندي برد

و انت عندك برد بيبقى اصلا عندك فايرس او بكتيريا و مناعتك بتقاومهم. . . فلو خدت المصل اللى هو عبارة عن 3 سلالات فيروسات انفلونزا السنة السابقة الاكثر انتشارا لكن تم اضعافها . . . يبقى ازى الحال. . . طبعا الدور ممكن يبقى اسوأ بكتير
استنى لما تحس انك خفيت خالص و بعدها بيومين تلاتة كمان احتياطى خد المصل

[Elawany13]

أنا بأخذ هذا المصل كل سنة فى الصيدلية نفسها وبقالى عليه حوالى 8 سنين او اكتر
المفروض بيتاخد فى فى شهر اكتوبر
بس من كام يوم روحت صيدلية لاقيته بـ 40 جنيه مش عارف هو غلى ولا اللى بيبيع بيستعبط
قولتله طيب اديهونى قالى خده وروح المستشفى
فمكنتش فاضى فسيبته ومشيت
ان شاء الله قريب جدا هيكون عندى

[Imhotep]

أنا بأخذ هذا المصل كل سنة فى الصيدلية نفسها وبقالى عليه حوالى 8 سنين او اكتر
المفروض بيتاخد فى فى شهر اكتوبر
بس من كام يوم روحت صيدلية لاقيته بـ 40 جنيه مش عارف هو غلى ولا اللى بيبيع بيستعبط
قولتله طيب اديهونى قالى خده وروح المستشفى
فمكنتش فاضى فسيبته ومشيت
ان شاء الله قريب جدا هيكون عندى

بيستعبط طبعا. . . مصل السنة دى هو فاكسى جريب و تمنه 35 جنيه مكتوب على العلبة
اسأل تانى عند صيدلية من سلسلة كبيرة

[mk3]

المصل باخده فى هيئه المصل واللقاح
بس السنه اللى فاتت مجابش نتيحه اوى
فربنا يحفظنا وخافظ على نفسك من البرد هى عادات معروفه

[طارق _عبد السلام]

الانفلونزا السنه دى داخله ببشاعه .... انا متبهدل من يومين مكنتش عارف ابلع حتى الميه واخر بهدله

اللى يقدر ياخد المصل ياخده.....وربنا يقيكم شر الامراض............

[Elawany13]

الحمد لله اخدت المصل النهارده .... نفس المصل اللى صورته فى اول مشاركة .. سعره 35 جنيه

Sent from my GT-S6500D using Forum Runner