دبليو دي 40 اختراع بجد

[acura]

كلامي عن الاسبراي wd40 بجد تركيبة عجيبة وفعالة في قهر الصدأ والصواميل القافشة، منتج هايل بنصح بيه عن تجربة شخصية في تزييت مفصلات الابواب ومرة مروحة سقف كانت بتزيق هما رشتين في قلبها من فوق والصوت راح، وفكيت بيه صواميل طبق دش كان مصدي من التراب والمطرة بعد دقيقتين، اخر حاجة زر الباور بتاع الراوتر كان بيعلق معرفش السوستة مالها وحاولت افتحه من جوا معرفتش مقفول بطريقة غريبة رشيت رشة عليه من برة رجع الزر شغال بسلاسة كانه جديد. بيتهيألي اي بيت لازم يكون فيه السبراي العجيب ده للاستخدام اليومي ومش غالي على فكرة .. ياريت تجربتي تكون مفيدة لأي حد وشكرا

[melouk1]

بكام و جبته منين ؟

[acura]

بكام و جبته منين ؟

بعشرين جنيه وموجود في محلات اكسسوارات السيارات والادوات الكهربائية واي محطة بنزين غالبا هتلاقيه هناك

[abokoko]

زمان كنت تلاقي نوع للتزيت ونوع جاف غطا ازرق وغطا احمر وكان بيجي انجليزي
حاليا كله صيني بغطا ازرق

[pepo2011]

طبعا هو اختراع وكمان ممكن تستخدمة لمجاري الزجاج الكهربا

[A_H_M_A_D]

استخدمته عندي في البيت للمراوح كان ممتاز فعلا , و شغلي كذا مروحة كانت واقفة , وكمان لمفصلات الابواب لما تزيق رشتين منه يختفى الصوت تماما

[Elawany13]

فى بدائل أرخص للاستخدامات اللى قولت عليها زى زيت الماتور وزيت الباكم والسولار
بس طبعا الاسبراى اسهل وانظف فى الاستخدام وريحته حلوه

[د.محمود صلاح]

تزييت اقفال الأبواب للبيت والمفصلات والأقفال العادية

تزييت مفصلات ابواب السيارة والكبوت والشنطة

تزييت اسنان ماكينات الحلاقة الكهربائية

تنظيف حساس السلانسيه في سيارتي الفيرنا

[ahmed_eng2001]

فيه مشكلة صغيرة فى ال wd 40 ان فى التركيبة بتاعته فيها حاجة زى حمض خفيف ... و ده بيأثر على منتجات الكاوتشوك ... فينصح انك بعد ما تنضف بيه حاجة فيها كاوتشوك/مطاط ... زى الاورنجات مثلا .... تنضفها كويس من ال wd 40