معايا فلوس و عايز أستخدمها صح

[shod90]

السلام عليكم ..
أنا دلوقتي معايا شوية فلوس حلوين بما يقارب 230 الف الحمدلله .. عايز أستغلهم صح أحطهم في بنك و يطلع الفوايد بتاعتهم ( بنك إسلامي ) أو أحطهم في مشروع أو أشتري ذهب مثلا ولا ايه أحسن تصرف فيهم ؟

[MOUSTAFA_SAAD]

اشترى محل فى مكان كويس حتى لو حاتقسط الباقى واجره ايجار قانون جديد
او شقه ونفس الموضوع برده
بس المحل افضل

[Raefbadr]

دي المشكلة الابدية للاسف ....
متابع للأهمية

[Eng_hatemfathy]

مهي المشكلة ان النصب بقي اكتر من الهم علي القلب
بفرض ان متنصبش عليك في شرا المحل
دلوقتي ناس كتير بتأجر وتدفع شهر اتنين تمام وبعدين يضرب علي الايجار وتخش معاه في قضايا وحتي بعد صدور حكم الطرد بتخش في وهم تنفيذ الحكم ومصاريف وبهدلة وفي الاخر حتي لو عرفت تاخد العين ضاع منك ايجار كام شهر ودفعت فلوس محامي ورش علشان تنفذ وممكن يبقي سايبلك المكان مبهدل ومكسر من باب الاذي
للاسف عندي اكتر من حالة اتعمل معاها كده وده مخليني في نفس الحيرة

[AlGhareeb]

شوف الموضوع دا يمكن يناسب حضرتك

http://www.nilemotors.net/Nile/479999-a.html

[wawamoha]

ممكن تشوف بنك فيصل الاسلامي و تسالهم عل فرص الاستثمار

او تشتري بيهم شقه في 6 اكتوبر مثلا و تحط فيها شويه عفش ب 10 الاف مثلا و تاجرها مفروش ب 2000 تلاته