احترت فى الباب المصفح

[inceptor]

انا عاوز اشترى باب مصفح لاقيت انواع كتيرة الصراحة مش عارف افهم حاجة فى موضوع الخامة والكالون ده لان لاقيت ناس بتقول اهم حاجة الكالون الباب بتاعه يكون نضيف ووزنه طبعا
طب انا سالت عند واحد قالى عنده 5 بوصة ب 2250 فى الاسكندرية وواحد تانى قالى ب 2800 الاتنين صينى طبعا بس قالى تفرق الخامة والجودة طب

انا اعرف جودة الباب منين ؟ وكمان اعرف منين الكالون ده كويس ولا لا؟ الصراحة قلقت اشترى خفت ادفع فلوس ع الفاضى محتاج نصائحكم

[midoabdeen]

الابواب المصفحة درجات كتير
لو قدرت تجيب التركي يبقي افضل هو بيبدا من 4000 جم
والصيني حاول تشوف مكان تديك ضمان طويل قدر المستطاع في خلال الفترة دي لو حصل اي حاجه يبقي انت في الامان
كل اللي اشتكي من الصيني اشتكوا من الكوالين لو قدرت غيرة بعد فترة بواحد تاني انظف يبقي افضل

[pepo2011]

بالظبط كده الصيني درجات واتلتركي درجات في منه ب 7000
في الغالب اللي بيبوظ هو الكالون بعد فترة كبيرة يعني وانت وحظك كمان يبقي ساعتها غير الكالون بس
اما الخامة يفضل تاخد معاك نجار

[inceptor]

شكرا لردكم بس اخد نجار عشان باب مصفح؟ هو مش المفروض ان ده حديد؟ والكوالين طيب ما انا اشتري واحدة من الكويسين من اولها وخلاص بس حيبقوا ف حدود كام واعرف منين برضه انها كويسة؟