ايهما افضل فى انظمه te data للانترنت

[mmtronic]

الاخوة الافاضل

انا كنت عايز اشترك مع TE Data و اركب DSL

ايهما افضل

1. باقات الاسعار الجديدة

2. الطلقه

3. النترنت الغير محدود

و اى السرعات الافضل مع العلم انى اتبع سنترال مدينه نصر 1

شكر مقدما على المساعدة

[حسام الجندي]

مرحبا بك أخي الكريم

اختيار الباقة المناسبة يتم تحديده بناءا على استخدامك للأنترنت وعدد الأجهزة التي ستتصل بالانترنت في داخل منزلك

على سبيل المثال إن كنت من هواة مشاهدة الفيديوهات بجودة عالية أون لاين أو الألعاب الجماعية أون لاين أو دائم التحميل من الأنترنت فأنصحك بأستخدام السرعة التي تناسبك في باقات الأنترنت غير المحدودة

أما إذا كان استخدامك مقتصر فقط على تصفح مواقع الانترنت والقراءة وتصفح المواقع الاجتماعية، فأنصحك بإستخدام السرعة التي تناسبك في باقات الانترنت الجديدة

بالتوفيق إن شاء الله

[miam0502788391]

نظام طلقة كويس للى شغله معظمه تصفح بس عايز سرعة مش حجم غير محدود
االانظمة التانية عندك من 1 ميجا احتى 4 ميجا على ما اظن
من اسبوع كانوا عاملين عرض على ال 2 ميجا تدفع 3 شهور تاخد شهرين خصم 50% + راوتر واى فاى هدية
ال 2 ميجا 140 جنيه فى الشهر

[mmtronic]

شكرا جزيلا على اهتمامكم

انا من واقع حسابى لاستهلاكى الشهرى ( على اعتبار ان موبينبل مش بتسرقنى زى ما زكرت فى موضوع سابق ) لان عندى USB modems ) انى بستهلك حوالى 40 جيجا شهريا ما بين فيديو و تحميل و تصفح

بس السوال هنا سرعه 2 ميجا كويسه و لا بطيئه و حتقرفنى خصوصا مع سنترال مدينه نصر 1

ممكن الى تبع السنترال دة يقولنا السرعه معاه عامله ازاى علشان اقدر اخد قرار بخصوص السرعه المناسبه علسان متبقاش فلوس على الفاضى لو اخترت سرعه عاليه بس السنترال مش كويس كان رميت الفلوس على الارض

[عبدالله برعى]

يوجد تدليس الان في عروض لينك يقولك سرعه 4 ميجا و40 جيجا تحميل وراوتر مجاني ب 75 جنية.... تركز تلاقي دا عرض 6 شهور ولو حبيت تطلع من العرض تدفع ثمن الراوتر فوق 200 جنية او تستمر في العرض ب 150 جنية دا مثال علي باقة سبيد لينك!!!!!!!!!!
لك الله ياشعب

[acura]

شكرا جزيلا على اهتمامكم

انا من واقع حسابى لاستهلاكى الشهرى ( على اعتبار ان موبينبل مش بتسرقنى زى ما زكرت فى موضوع سابق ) لان عندى usb modems ) انى بستهلك حوالى 40 جيجا شهريا ما بين فيديو و تحميل و تصفح

بس السوال هنا سرعه 2 ميجا كويسه و لا بطيئه و حتقرفنى خصوصا مع سنترال مدينه نصر 1

ممكن الى تبع السنترال دة يقولنا السرعه معاه عامله ازاى علشان اقدر اخد قرار بخصوص السرعه المناسبه علسان متبقاش فلوس على الفاضى لو اخترت سرعه عاليه بس السنترال مش كويس كان رميت الفلوس على الارض

اشترك في نظام طلقة 40 جيجا بـ 150 جنيه في الشهر وغالبا السرعة هتوصلك كاملة (8 ميجا)

[moody_687]

دلوقتى انا مشترك ع سرعة 1 ميجا
وبتفرج ع ماتشات مشاهدة حية وبتقطع معايا وبضطر اخلى جودة الارسال ضعيفة مش متوسطة حتى عشان اتفرج بدون تقطيع
وحتى الافلام اون لاين بتاخد وقت ف تحميلها
فهل سرعة 2 ميجا كفيلة انها تكون كويسة فالمشاهدات الحية والاون لاين ؟؟

[acura]

دلوقتى انا مشترك ع سرعة 1 ميجا
وبتفرج ع ماتشات مشاهدة حية وبتقطع معايا وبضطر اخلى جودة الارسال ضعيفة مش متوسطة حتى عشان اتفرج بدون تقطيع
وحتى الافلام اون لاين بتاخد وقت ف تحميلها
فهل سرعة 2 ميجا كفيلة انها تكون كويسة فالمشاهدات الحية والاون لاين ؟؟

هتحمل بسرعة 256 كيلو في الثانية كحد اقصى
المشاهدة الاونلاين هتتحسن وكمان التحميل
الكوتة هتبقى 150 جيجا بدل 100 والاشتراك 140 في الشهر
(كلامي عن تي اي داتا كبيرة النصابين)

[Elawany13]

افضل سعر دلوقتى لاتصالات
منزلة 2 ميجا سعة استخدام عادل 150 جيجا بـ 110 جنيه
وفيه موزعين عاملين عروض لمدة سنة بـ 95 جنيه

جودة الخدمة بتتوقف على السنترال

[midooo_119]

1 ميجا او 2 لو خطك يستحمل