إعـــــــلان

Collapse

.

,
See more
See less

ايه رأيكم في قرصة الودن دي........ عايز اعرفها انها مش فارقه معايا

Collapse
X
 
  • Filter
  • الوقت
  • Show
Clear All
new posts

  • ايه رأيكم في قرصة الودن دي........ عايز اعرفها انها مش فارقه معايا

    السلام عليكم
    دلوقتي يا جماعه انا متجوز وعندي طفلين طفلة سنتين ونص وطفل 10شهور
    جواز تقليدي وكل يوم بندم اني اتجوزتها
    وكل ده عشان خاطر عقليه متعفنه اصابها العفن اللي كانت خايفة تفسخ الخطوبة علشان ميضيعش عليها الدهب ادي كل حاجه هتضيع اهيه
    وانا حاليا بجمع كل جنية اقدر عليه عشان اجيبلها درة تربيها وتسعدني ول مش عاجبها تتطلق هعمل ايه يعني
    المهم اس البلاء اهلها
    الست تبقي ماشية تمام يادوب تروح تزورهم ترجع تقرف فيا فلانه عملت فلانه سوت احنا اخر الناس وشوية كلام قرف وان اصلا كده كده كرهتها ومبقتش باقي عليها الا علشان العيال بس ولو عليها كنت طلقتها واديتها اللي هي عايزاة ان شالله ابيع هدومي بس اخلص من الحياة المقفرة دي والعمر اللي عمال بيجري ده
    حاولت انصحها واقللها من الزيارات اللعينه دي لاهلها الا انها ابت واستنكرت وذاد النكد فلانه بتروح كل يوم علانه بتروح يومين في الاسبوع انا عايزة اروح اباتلي يومين هناك
    انا طهقت والله يعني اوديها للي هيخربوا عليها برجليا
    المهم فكرت في فكرة اثبتلها بيها انها مش فارقه معايا ولو بحباية سكر وانها ملهاش لازمه في حياتي الا عشان العيال
    ففكرت اوديها عند اهلها واسيبها اقولها اقعدي عندهم ولما تزهقي ابقي قوليلي تعالي خدني
    واسيبها قيمة شهر ولا شهرين تتعلم الادب فيهم هناك لما تعرف ان الله حق
    وكل فترة ابقي اروح اشوف الاولاد وخلاص
    انا طبعا حابب اخد رأيكم في الفكرة دي وهي هتنفع ولا هتيجي بنتيجه عكسية؟؟
    شكرا ليكم واسف علي الاسلوب بس من غلبي والله

  • #2
    مش عارف انصحك بايه بصراحة
    بس ادعي وانت بتصلي ان ربنا يهديهالك ويهديك ليها
    [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

    Comment


    • #3
      الموضوع ممكن يجيب نتيجة مؤقتة لأن أهلها هيفضلو وراها و مش بعيد يستغلو انك سايبها شهر مثلا و يولعو في الموضوع أكتر. شوف أكتر حاجة تدايق الست الاهمال. لكن تكرارهكتير فلط لأنها بتتعود الي حد ما. رأيي ان حل المشكلة لازم يكون من جذورها. أهلها لازم تقلل الزيارات و ممكن تقولها مش عاوز اعرف حاجة من اللي بيحصل هناك أساسا. ربنا يهون عليك و يخلف عليك خير. و نصيحة أوعي تتجوز تاني أو تفرط في مراتك مهما حصل عشان خاطر ولادك. هتندم طول عمرك. حاجة تاني مؤكد مراتك فيها مميزات. ما فيش حد كله عيوبب. حاول تخلي المميزات ديه تشفعلها و تصبرك عليها. و كلمها مرة و أنتو رايقين من غير خناق و قولها الصفات الكويسة اللي فيها و بعد كده قول العيوب و المشاكل اللي عاوزين تحلوها مع بعض عشان حياتكم و عيالكم.
      https://t.me/pump_upp

      Comment


      • #4
        اسبوع وهتتصل وتقولك تعالي خدني. البنت بعد الجواز بتبقي ضيفة ومحدش بيستحمل العيال غير ابوهم وامهم غير كدة نلعب معاهم يومين تلاتة ويلا بقي علي بيتكم ونشوفكم الاسبوع الجاي.

        Comment


        • #5
          حل كويس جدا وعن تجربة

          Comment


          • #6
            مستغرب من كم البغض الشديد فى كلامك عن زوجتك على سبب لا يكاد بيت لا يخلو منه...مين من الستات مش بتبص لغيرها

            سيبها تقول اللى تقوله و ريح دماغك

            من ناحية تانية هل موضوع النظر للغير دا فيك انت شخصيا ؟
            م / أحمد عبد الخالق

            Comment


            • #7
              انت قلت الحل التطنيش
              طنشها وطنش افعالها واقوالها وبما انها مش فارقة معاك خلاص تبقي العملية سهله
              عايزه تروح لاهلها وصلها لغاية البيت
              تبات تبات اهو ريحتك
              زي ماقالو الاعضاء الافاضل لو عدي اسبوع مش هيعدي الثاني
              خليها تستحمل نتايج افعالها واقوالها وقراراتها
              لانها طول مابتخدش قرار وبتتحمل نتايجه بتبقي الدنيا سهله عندها
              طنش وريح بالك وجهز ردودك
              هتلاقو انكم اتفاهمتم مع بعض وووصلتو لحل وسط
              لو قارنت بينك وبين اي حد قولها همتك معايا ودعاءك لينا نبقي زيه
              متخليهاش تحس انك شايل المسئولية لوحدك شيلها معاك تتلهي عنك
              موضوع الضرة ده سابق لاوانه
              لو كنت فاكر التانية هتسعدك فممكن يبقو الاتنين عليك
              وساعتها هتحس بجنهم الحقيقية

              Comment


              • #8
                لو قوتها مستمده من اهلها ياتتحمل ياتطلق
                عندك خيار التطنيش التام عشان خاطر الاولاد مع انك تشوف شقه متواضعه وتتجوز وتروق دماغك
                التاديب يا حتتصلح يا حتطلق بيكون سلاح ذو حدين انا ادبتها 5 شهور واطلقت فى الاخر
                الطلاق تدمير مادى كبير للراجل تذكر النقطه دى

                مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

                Comment


                • #9
                  وجود اطفال بيغير كل انماط التفكير سواء كان الطلاق الحل او الصبر الحل الامساك بالمعروف
                  قوانين الاسرة سيف ظالم مسلط علي رقبة الرجل مجرد ما خلف عيل واحد لدرجة ان القضاة بيحكموا بغباء واحكام غلط في غلط وعلي ورق ومستندات غلط وقضايا ومحاكم وبلاوي مجرد ما يتحكم في قضية تلاقيها رافعة قضيتين غيرها بالفلوس اللي خدتها وخصوصا لو اهلها مش كويسين
                  قصة الزواج التاني يأدب الاولي غلط ميه في الميه لان قديما قالوا اللي معرفش يروض الاولي مش هيعرف في التانية بل بالعكس المشاكل هتزيد ولو بتم بالغلط هتبقي عمدا للعناد وفقط
                  غير طبعا نفسية الاطفال والصراع المستمر لحد ما يقفوا علي رجليهم بل حتي الرؤية هتدوخ علشان تشوفهم
                  لان العند يولد الكفر
                  لازم تدور علي مخرج سلمي لان الزوج في الاول والاخر خسران ماديا ونفسيا ثم يليه الاولاد ثم الزوجة خاصة لو مستوي الزوج اجتماعيا كويس وليه وظيفة ثابته تقدر تقرفه وتطلع عينه
                  فكر كويس وشوف حلول سلمية ولو بتكبير الدماغ
                  واكيد كل واحدة ليها مفاتيح والزوج اكتر واحد يقدر يعرف مفاتيح مراته والا يبقي محتاج يجرب لحد ما يوصل
                  ربنا يهديك ويهديها وينعم عليكم بالخير والسعادة
                  [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

                  Comment


                  • #10
                    كان فيه مأثور مصري (مثل شعبي) بيقول : اربطية بالعيال
                    حضرتك بتقول في منشورك ان مفيش حاجة رابطاك بيها الا العيال ؟؟؟ و هو العيال حاجة بسيطة...دول هم كل حاجة
                    السبب اللي مخليك باق عليها ليس هين
                    تعامل مع الامر الواقع و مشي امورك و لا تستعديها...و لو استحالت العشرة بينكم فسرحها بمعروف بعيدا عن المحاكم و ارضيها علشان تعرف تشوف عيالك و تربيهم

                    Comment


                    • #11
                      المشاركة الأصلية كتبت بواسطة م أحمد مشاهدة المشاركة
                      مستغرب من كم البغض الشديد فى كلامك عن زوجتك على سبب لا يكاد بيت لا يخلو منه...مين من الستات مش بتبص لغيرها

                      سيبها تقول اللى تقوله و ريح دماغك

                      من ناحية تانية هل موضوع النظر للغير دا فيك انت شخصيا ؟
                      مفيش حد طبعا يوصل انه يكرة زوجته بسبب واحد
                      زي ما بيقولك الكوارث مبتحصلش فجاة ولكن نتيجة تراكمات واخطاء والواحد بيفضل يعبي يعبي وفي الاخر الكيل بيطفح وانا لسه لحد دلوقتي مستحملها ولكن لو فضل الوضع كما هو عليه هتبقي نهايتها سوداء ان شاء الله وخلي اهلها ينفعوها

                      Comment


                      • #12
                        المشاركة الأصلية كتبت بواسطة rotanamasoud مشاهدة المشاركة
                        لو قوتها مستمده من اهلها ياتتحمل ياتطلق
                        عندك خيار التطنيش التام عشان خاطر الاولاد مع انك تشوف شقه متواضعه وتتجوز وتروق دماغك
                        التاديب يا حتتصلح يا حتطلق بيكون سلاح ذو حدين انا ادبتها 5 شهور واطلقت فى الاخر
                        الطلاق تدمير مادى كبير للراجل تذكر النقطه دى

                        صديقي العزيز انت كده حطيت ايدك علي الجرح فعلا
                        هي قوتها مستمده من اهلها ولكن ليس علي حق
                        فاهلها طريقة تفكيرهم غلط جدا واي كلام تقوله يفهموه بسوء نية ويفسروة علي مزاجهم وبيناصروها في اي موقف سواء غلط او صح وديما انا اللي غلط وعشان كده كرهتها وكرهتهم ومش مصبرني غير الاطفال مش قادر اظلمهم فيه حاجه ربانية مخلياني افكر فيهم مليون مرة قبل ما اعمل اي حاجه
                        وكمان لما كانت العلاقات كويسة بقولها في هزار انا ممكن اتجوز 2ولا3 عليكي قالتلي اتجوز براحتك بس طلقني قبلها فهي كده كده ناويه علي طلاق ومش ناوية تجيبها لبر
                        فيه حل انها تبعد عنهم وبكده تسلك وده مش هيحصل الا لو هاجرت وسبت البلد خالص عشان يرتاحوا ومع احترامي لهم وليها مش دول اللي يستاهلوا الواحد يسيب اهله وحالة وماله وبلده ويتغرب عشانهم
                        انا حاليا بحوش كل جنية اقدر اجيبة من وراها برضو مش معرفها استعدادا للتدمير المادي بس باذن الله مش هتاخد حاجه بالساهل فيه قانون واحنا بنحترمه وخلي امها تنفعها

                        Comment


                        • #13
                          للاسف اخي
                          اراك تفكر والشيطان يسيطر عليك
                          اي امراه تخبرها بانك سوف تتزوج لن ترد عليك بغير هذا ولو لازلتم في فتره الخطوبة فمابالك لو متزوج وهناك مشاكل
                          نادرا من اهالي الزوجة من يتميزون بالحلم والبصيرة والاغلب يتبعون هواهم والانتصار للذات وللاقرب وللجانب الذي يقال عنه ضعيف
                          اما زعمك بان هناك قانون فانا اؤيدك في اللفظ واخالفك في المعني فالقانون وضع خصيصا لتقييد الرجل وجعله اليفا لطيفا لا يرد لزوجته كلمه واذا اراد يوما الاعتراض وجد نفسه امام مؤخر ونفقه متعة ونفقة حضانه ومسكن حضانة ومأكل وملبس ومدارس ومصاريف وعلاج واضرب فواتير وادفع يا سيدي او تتحبس وخد احكام رؤية واستضافة ومش هتتنفز
                          الموضوع دلوقتي مهما كان اهون بمراحل من اللي بتفكر فيه
                          [SIZE=4][COLOR=blue]لا اله الا انت سبحانك انى كنت من الظالمين[/COLOR][/SIZE]

                          Comment


                          • #14
                            أراك من الشرقية
                            ومع احترامي لاهل الشرقية الا انه معروف عنهم نصرة بعضهم ضد الغريب عنهم ولو كانوا على باطل ولا امل في حياة مستقرة طالما كانت هناك اتصالات بينها وبين اهلها ، والحل هو ان تقطع صلتها بأهلها بأي وسيلة ، ولو بالمكر والدهاء ، وبدون ذلك لا أمل
                            وداعا

                            Comment


                            • #15
                              المشاركة الأصلية كتبت بواسطة elpilot مشاهدة المشاركة
                              مفيش حد طبعا يوصل انه يكرة زوجته بسبب واحد
                              زي ما بيقولك الكوارث مبتحصلش فجاة ولكن نتيجة تراكمات واخطاء والواحد بيفضل يعبي يعبي وفي الاخر الكيل بيطفح وانا لسه لحد دلوقتي مستحملها ولكن لو فضل الوضع كما هو عليه هتبقي نهايتها سوداء ان شاء الله وخلي اهلها ينفعوها
                              مرة تانية كلامك شديد اوى عليها ...خيركم خيركم لأهله و ما جوابتش على سؤالى هل طبع فيك انت كمان النظر للغير بسألك لان الزوجة بتتطبع بطباع زوجها

                              الرحم متعلقة بعرش الرحمن تلوذ به من القاطع ....فيجيبها الله عز و جل أما ترضين من وصلك وصلته و من قطعك قطعته

                              تخيل بنتك اللى سهرت عليها الليالى أنت و زوجتك و آلام ولادة و حمل و تربية واحد عريس اتجوزها و سلامو عليكو ....مش عايزها تسمع كلمة منك و لا من امها و لا تشوفكو ....و هو اشتراها بالمهر و الشقة و انت رضيتو ...و اللى مش عاجبه....هيطلقها لك و يخرب بيتها...هتبقى مبسوط ؟ انا بكلمك لانى بشتكى من بعض اللى بتشتكى منه بس لما بشوف بناتى بعذر حماتى

                              الحوار ينقصه سماع الطرف الثانى و متهيألى برضه لو اتيح له فرصة العرض م هيكون فى كلام تانى مع احترامى ليك
                              م / أحمد عبد الخالق

                              Comment

                              Working...
                              X