شرح لانواع الاكس بوكس

[Eng_hatemfathy]

السادة خبراء منصات الالعاب
مقبل على شراء اكس بوكس ولا خبره لى فى هذا الامر بدأت بالبحث واذا بى اجد اكس بوكس وان 360 واكس بوكس 500 وشىء يسمى كينيكت وطبعا انا مش فاهم حاجه ولذلك ارجوا شرح واف من الخبراء بالانواع والمكونات والفروق والاسعار ان امكن واسماء العاب الحركة التفاعليه
ولكم وافر الشكر

[rotanamasoud]

360 ده المعادل للابلاى استشن3 وده الاقدم
يتميز بانه مهكر وتشترى العابه بمبلغ قليل او تحملها من النت
العيب انه اصبح قديم والالعاب تدريجيا الجديده حتختفى من عليه هو والب3
اكس بوكس وان وبلايستشن4 الاحدث
اللعبه تتراوح بين 400-500 جنيه ده العيب والتهكير لسه مش معروف امتى
الميزه كل الالعاب الجديده وبجرافك خيالى
الكينكت هو جهاز بيركب على الاكس بوكس بتلعب بجسمك بيستشعر الحركه

[Eng_hatemfathy]

تمام كده يعني الواحد يجيب اكس بوكس وان وكينيكت وهاند يونت واحده
طيب السؤال انهي مساحة تخزين افضل ٥٠٠ جيجا ولا واحد تيرا
وهل بينزل معاه العاب ولا لازم اشتريها وعايز اعرف اسماء العاب حركية زي الكيك بوكس ونط الحبل والتنس وتمارين تسخين والعاب حركية لطفل يطلع فيها طاقته

[rotanamasoud]

اكيد المساحه الاكبر افضل
ممكن يكون عرض ومعاه لعبه او اتنين
اسماء العاب مش متابع بس لازم تشوف الالعاب دى مناسبه لسنه ولا لا

[Eng_hatemfathy]

معلش بتقل علي حضرتك
هو المساحة دي باحتاجها في ايه يعني انا بحمل الالعاب من السي دي علي الجهاز ولا بلعب والسي دي في الجهاز
وايه الاكسسوارات اللي مفروض اشتريها معاه

[rotanamasoud]

للبلاى استشن3 فايديتها للميديا تسجل وتحمل كانك بتستخدمه بلورى فيديو وتنزل اعلانات الالعاب الديمو لما اتهكر زادت اهميه الهارد واصبح اساسى لان الالعاب بتنزل عليه
وايضا الهرد بينزل عليه ملفات زى الكاش للالعاب
كون انك شارى نظام اصلى مش عارف مدى احتياجك للمساحه الكبيره لاكن مستقبلا ممكن تحتاجها
الاكسسوارات الكينكت (انا تعاملى مع البلاى استشن فا مش عارف افيدك كتير فى الاكس بوكس)

[Karim Alaa]

لانك مش لازم تشترى السى دى ممكن تشتريها و تحملها من الستور بتاع الاكس بوكس و فى لعب ممكن يتاخر وصول السى دى بتاعها هنا فهتحتاج المساحه ده السبب

[swimmer25]

سؤال إضافي
هو الاكس بوكس افضل ولا بلاي ستيشن للأطفال
وهم أصلا مفيدين للأطفال من سن كام
يعني أقل من سن كام مش هيقدر يستخدمهم أو يستمتع بيهم

[sherifahmed]

سؤال إضافي
هو الاكس بوكس افضل ولا بلاي ستيشن للأطفال
وهم أصلا مفيدين للأطفال من سن كام
يعني أقل من سن كام مش هيقدر يستخدمهم أو يستمتع بيهم

عامة ميتجابوش لاى طفل
الطفل لازم يحتك بالحياة الطبيعية و يتعلم فى المرحلة ديه و يمارس رياضة
مش لازم تبقى حياته بتلف حولين اللعب
انا ابنى عنده ps 4 و شايله فى علبته لانى مؤمن ان ضرره اكتر من اى منفعة

[TAMERMEGAHED]

كلامك صحيح ان الألعاب ده ضررها اكبر من نفعها بس لازم يحتك بالتكنولوجيا برضه فعشان كده بحدد خميس وجمعه بس للألعاب ده وباقى الأسبوع متشالين
والأستاذ الى بيسال ايه احسن اعتقد ان دلوقتى مابقاش في فرق لان ps4 نزل بكنكت زى الاكس بوكس يعنى بحركه الجسم وده ماكنش موجود في ps3 الا من خلال دراع بيتمسك في اليد ولكن اعتقد ان سونى كميه الألعاب فيها اكبر من مايكروسفت
وبرضه الدراع في سونى تطور لراحه اليد في الجديد انما اكس بوكس زى ماهو لم يتطور
يبقى دلوقتى الفرق في السعر شوف الى عليه عرض وسعره اقل وبيبقى في عروض عليه العاب ويد اضافيه ومستشعر الحركه للجهازين وسعره اقل
ارجو أكون افدتك

[Ahmed_selmy]

بص يا باشا .....دا موضوع انا كنت عامله اول ما جبت الXbox One ....اتمنى انه يفيدك

http://www.nilemotors.net/Nile/475492-xbox-one.html

[TAMERMEGAHED]

بص يا باشا .....دا موضوع انا كنت عامله اول ما جبت الXbox One ....اتمنى انه يفيدك
http://www.nilemotors.net/Nile/475492-xbox-one.html

بصراحه الموضوع حلو جدا بتاع الأستاذ Ahmed_selmy عن الاكس بوكس ونفسنا حد يدينا تفاصيل عن ps4 زيه كده

[Eng_hatemfathy]

بصراحة رابط رائع
تسلم ايدك
السؤال دلوقتي ايه اسماء العاب الحركة لتمارين العاب قتاليه زي الكيك بوكس او الايكيدو
والعاب حركة للاطفال زي نط الحبل والمرور من اعلي واسفل حواجز