مليارات الخليج راحت فين

[خالد الشاذلى]

يا شباب انا عاوز اعرف المليارات اللى الخليج منحها للسيسى راحت فين لما رايحيين دلوقتى ياخدوا قرض من البنك الدولى


وكمان الفلوس اللى جات من المؤتمر الاقتصادى

مليارات فى مليارات بتتصرف فى ايه ؟

البلد دى هتنضف امتى من الفساد اللى فيها ده ؟

أظن ظهر دلوقتى ان مشكله البلد دى مش فى الفلوس المشكله فى فساد المسئوليين كبارهم قبل صغارهم

[midoabdeen]

ههههههههه
دا انت غلبان اوووي
ياراجل يا طيب البلد بتلم فلوس بالهبل

صندوق تحيا مصر
ايرادات قناه السويس
ايرادات المصالح الحكومية مثلا الضرائب والتامينات والكهرباء
رسوم الطرق (الكارتة)
الرسوم القضائية
ولو قعدت اعدلك مش هنخلص

مادام بتاكل وبتشرب يبقي احمد ربنا وسيب الكبار يكوشوا علي خير بلدك

[رحالة]

والحمدلله
انهيار الجنيه امام الدولار ساهم في ارتفاع عوايد قناة السويس

[mikho83]

السؤال الذي لم يستطع أي كائن حي الإجابة عنه
بالمناسبة السولار والبنزين لما رفعوا سعره الفرق دا بيروح فين

[egyption2012]

يكاد لا يمر أسبوع واحد أو بضعة أيام إلا ويتم زيادة مرتبات الجيش والشرطة والقضاة
على سبيل المثال لا الحصر فقد تم إضافة بدل جديد للقضاة مقابل إحدى مهامهم الطبيعية
كان هذا بالأمس
الوطن | «النقض» تصرف 3000 جنيه شهرياً «بدل طعون» للقضاة

[rotanamasoud]

انت بتتنفس وعايش عايز ايه تانى هى دى قمه الحياه فى مصر ممنوع تسئل اى سؤال عيش بس لما تموت متنساش تدفع الضريبه

[حسام الغرباوي]

جرا اية ياعماد واحنا من امتي بنسأل الأسئلة دي

[MaZaGAngeE]

احنا اغى بلد خلقها ربنا ...
بنتسرق من ايام الفراعنة لحد دلوقتي و لسه لناكل و نشرب و نتجوز و نخلف ...
رز الخلبج مدخلش البلد ده اتسرق من بره بره ..
و ال 64 مليار راحوا وراهم
و اي فلوس بتتسرق و تسافر ...
احنا بلد تحكمها عصابة

[mr_sese]

طبعا هدف السؤال التهيج و التسخين و الناس فهمت الحركات بتاع التشكيك و الاتهام و القصص دى ............و مهما تعملو لن يعود الفلول ولا الارهابين

[mmolazem]

عبعاطى بيحولها لكفته يتغذى عليها حيوان الشتلاند :)

[رحالة]

طبعا هدف السؤال التهيج و التسخين و الناس فهمت الحركات بتاع التشكيك و الاتهام و القصص دى ............و مهما تعملو لن يعود الفلول ولا الارهابين

تهييج ايه بس
ده شعب مابيحسش جبلة

[خالد الشاذلى]

تهييج ايه بس
ده شعب مابيحسش جبلة

[خالد الشاذلى]

طبعا هدف السؤال التهيج و التسخين و الناس فهمت الحركات بتاع التشكيك و الاتهام و القصص دى ............و مهما تعملو لن يعود الفلول ولا الارهابين

وهو علشان بسال الفلوس دى راحت فين ابقى فلول أو ارهابى ؟!

تقدر تقولى ايه اللى اتسفدت منه من الثورتين اللى حصلوا دول ؟

بفضل مبارك البلد بقت فاسده لدرجه انه مفيش فيها مسئول واحد عنده النيه للاصلاح

انا من حقى ان المسئوليين عن البلد يبقى عندهم خطه واضحه ومحدده للاصلاح فى كل المجالات واشوف ده بعينى على الارض بيتنفد واحده واحده مين بقى من المسئوليين بيعمل كده ؟

[mif]

زى اى دولة فى العالم عندك ايرادات و مصروفات
بس اللى مش طبيعي انك عندك ديون كبيرة جدا

انت تقصد ان حاجة تانية

[wawamoha]

الشفاط