هل ينفع أدخل بـ (كتب , Mp3 , Headphone) مركز التدريب في الجيش؟

[Let iT Go]

انا داخل الجيـش في شهر يناير وكنت عاوز اعرف هل ينفع ادخل بكتـب و Mp3 و هيدفون (اللي هو بتاع الكومبيوتر) ولا ممنوع الكلام ده !!

ياريت اللي يجاوب يقول كان دفعة سنة كام عشان بتفـرق وشكرا ..

[pepo2011]

مش عاوز dvd ??

[Hussein_Ramdan]

مش عاوز dvd ??

ههههههههههههههههههههههههه اقسم بالله فصلتنى

[pepo2011]

ههههههههههههههههههههههههه اقسم بالله فصلتنى

صباح الجمال اي خدمة

[A_H_M_A_D]

يا باشا انا مرة خدت معايا طبق استانلس ومعلقة اتعلقوا مني من ظباط الصف اللي هناك , لو انت مستغني عن اي حاجه خدها و هم هايقولولك هدية مقبولة

[hamo81]

مركز التدريب ممنوع لكن لما تتوزع في الوحدة بتاعتك ممكن تاخد معاك الحاجات دي

[sasatony]

ممنوع منعا باتا حتي لما تخلص مركز تدريب ياباشا وتبقي قوة اساسية باذن الله
لكن ممكن بالحب تعدي اي حاجة
بس وانت قوة اساسية مش في مركز التدريب (لان ببساطة هتبقي مستجد لسه ومعندكش خبرة ازاي تعدي حاجة بالحب )
وعامة متقلقش انت هتلاقي وقتك مشغول وانت في مركز التدريب

[Let iT Go]

طب بلاش الـ mp3 ولا الهيدفون بالنسبة للكتـب ممنوعة برضو ؟؟

[خالد الشاذلى]

انا داخل الجيـش في شهر يناير وكنت عاوز اعرف هل ينفع ادخل بكتـب و mp3 و هيدفون (اللي هو بتاع الكومبيوتر) ولا ممنوع الكلام ده !!

ياريت اللي يجاوب يقول كان دفعة سنة كام عشان بتفـرق وشكرا ..

فى مركز التدريب خد معاك راديو الصغير ده أبو حجاره ده عادى بيدخلوه وكان معايا وبعدين انتى اصلا فى مركز التدريب مفيش عندك وقت للكتب خالص يا دوب تسمع الراديو شويه وهتنام

لما تروح قوه اساسيه بقى حسب ظروفها هتقدر تعرف لو تقدر تدخل الحاجات التانيه دى ولا لا

المهم انت داخل سلاح ايه ؟

[Let iT Go]

فى مركز التدريب خد معاك راديو الصغير ده أبو حجاره ده عادى بيدخلوه وكان معايا وبعدين انتى اصلا فى مركز التدريب مفيش عندك وقت للكتب خالص يا دوب تسمع الراديو شويه وهتنام

لما تروح قوه اساسيه بقى حسب ظروفها هتقدر تعرف لو تقدر تدخل الحاجات التانيه دى ولا لا

المهم انت داخل سلاح ايه ؟

لسة مسمعتش السلاح هي بتفرق سلاح ايـه ؟ وايه هي الاسلحة الكويسة ومش متعبة ؟

[volociximab]

اهم حاجة تستعد للصدمة النفسية

[Let iT Go]

اهم حاجة تستعد للصدمة النفسية

علي الله

الواحد مش عاوز حاجة غير انه يعرف يدخل بكتب بس كدا :)

[طارق _عبد السلام]

لسة مسمعتش السلاح هي بتفرق سلاح ايـه ؟ وايه هي الاسلحة الكويسة ومش متعبة ؟

طبعا بتفرق... يعنى كل ماهو حرف الميم اشغال شاقه..مدرعات مدفعيه مشاه مظلات الخ

الكويس ....سكرتاريه عسكريه

[ahmed_fantazya]

الاول انا لله و انا اليه راجعون
و قدر الله و ماشاء فعل

الراديو و كتاب ممكن تدخل بيهم زى ما الزملة وضحوا
اعمل حسابك فى:
كروت شحن مختلفة عشان تمشى حالك مع صف الظباط بالذات وهما هايظبتوك فى استلام المهمات و حاجات تانية
فلوس عشان الاكل "الا لو انت حبيت اكل الميز و مفيش حد بياكل معاك فى نفس الطبق"
ماكينة حلاقة جيليت من الغالية اللى ممكن تستخدمها اكتر من مرة من غير ما تغير الموس بتاعها ، فوم حلاقة الخ...
أبرة و بكرة خيط "احتمال ما يكونش فيه ترزى فى الوحدة"
ملابس داخلية بيضاء سادة و شرابات زيتى و ابيض
شبشب و فوط
اعمل حسابك على الاكتفاء الذاتى

الممنوعات:
مقص, موس حلاقة, أى شىء حاد بشكل عام

[homme49]

نصيحة بالنسية للراديو أن يكون موجتان (موجة متوسطة و موجه إف إم ) لأن موجات ال إف إم لا تغطى كل أنحاء الجمهورية و لكن الموجات المتوسطة ممكن تلتقط المحطات الإذاعية المصرية و العربية .
و بالنسبة للكتب تجنب الكتب المكتوبة بلغات غير عربية فقط حتى لا تثبر حقد ضباط الصف و الشاويشية
و بالطبع إصطحب معك القرأن الكريم