محتار ومفيش غيركوا هيساعدنى

[sasa44]

السلام عليكم ورحمة الله وبركاته
انا في حيرة شديدة جدا ومش لاقي حد ينصحنى فقلت مفيش غيركوا اخد رايهم
انا شاري شقة بالقسط في مكان ما مساحتها 120متر تشطيب سوبر لوكس دور ارضي ودفعت 50 الف مقدم و قسط 1500 جنيه لمدة 20 سنة فات منهم سنة... يعني تقريبا الشقة ب 385 الف...
وفيه صديق ليا عنده شقة مساحتها 86 م في منطقة مجاورة اقل في مستوي تشطيب العمارات وتشطيب الشقق دور رابع وليس الاخير بدون اسانسير وتشطيب عادي وهو مخلص الاقساط بتاعتها وتقريبا وقفت عليه ب 85 الف جنيه.. لحد كده تمام..
طيب الحيره في ايه بقي الحيرة انه عرض عليا تبديل الشقتين انا اخد شقته خالصه الاقساط وهو ياخد شقتي ويكمل الاقساط بتاعتها والتبديل هيتم بشكل قانونى مفيش فيه مشكلة..
انا محتار اوافق ولا ﻷ مع العلم ان الشقة الصغيرة بيتم تأجيرها ب 500 جنيه والكبيرة بتتأجر ب 1000 جنيه ده لو انا فكرت أأجرها لان انا مش ناوي اسكن فيها انا شاريها علشان استثمر فيها...
دلونى الله يكرمكوا علشان انا صليت صلاة استخارة ومش عارف اعمل ايه..
مستنى ارائكم

[hilal]

هذا العرض جيد وانصحك بقبوله طالما ان الموضوع للاستثمار
توكل على الله

[م أحمد]

مش شرط ان شقة الدور الارضى تبقى سكنية

ممكن تتعمل مشروع و دا انت تعرف ظروفه اكتر فى المنطقة اللى انت فيها و ساعتها قيمة الشقة هتبقى عالية

ما تستعجلش فى اتخاذ القرار

[hilal]

عفوا نبهني المهندس احمد الى نقطة هامة
إذا كانت هناك امكانية لتحويل شقة الدور الارضي الى محل تجاري مستقبلا وكانت على شارع رئيسي فهي بلا شك افضل كثيرا من الدور الرابع ، برجاء إيضاح مميزات الموقع لكل منهما

[sasa44]

اولا شكرا لكل الناس اللى ردت وبتحاول تساعدنى
ثانيا ﻷ للاسف مينفعش تتعمل مشروع او محل غير بعد ما اخلص الاقساط يعني بعد 20 سنة

[amr011111]

والله لو هتأجرها ايجار جديد بـ 1000 جنيه شهريا وتدفع انت 500 يبقى كده انت الكسبان لانك هتكون دفعت ما قيمته 170 الف جنيه فقط ( 50 الف مقدمه و 120 الف اقساط ) مع العلم ان الـ 500 جنيه قيمتهم بتقل مع الزمن والـ 1000 جنيه الايجار هيزيد مع الثمن

[sasa44]

والله لو هتأجرها ايجار جديد بـ 1000 جنيه شهريا وتدفع انت 500 يبقى كده انت الكسبان لانك هتكون دفعت ما قيمته 170 الف جنيه فقط ( 50 الف مقدمه و 120 الف اقساط ) مع العلم ان الـ 500 جنيه قيمتهم بتقل مع الزمن والـ 1000 جنيه الايجار هيزيد مع الثمن

والله تفكير محترم احييك عليه

[Ahmed_selmy]

والله لو هتأجرها ايجار جديد بـ 1000 جنيه شهريا وتدفع انت 500 يبقى كده انت الكسبان لانك هتكون دفعت ما قيمته 170 الف جنيه فقط ( 50 الف مقدمه و 120 الف اقساط ) مع العلم ان الـ 500 جنيه قيمتهم بتقل مع الزمن والـ 1000 جنيه الايجار هيزيد مع الثمن

+1111111111

[4fun14]

شايف ان شقتك افضل بكتير..انك تأجرها يعنى مش دافع فيها غير 50 الف تقريبا بعد عشرين سنه هيباه عندك شقه مساحتها مش بطالة تنفع لو عندك اولاد او فعلا تعملها محل تجارى..احسنلك بكتير من شقة صغيره لا بتجيب ايجار كويس ولا تحب تسكنها ولا ممكن تباه محل تجارى

[hugan]

شقتك افضل
ولو مش افضل مكانش صاحبك عرض عليك التبديل