سوءال لخبراء الشبكات و ال wifi

[mmtronic]

الاخوة الافاضل

عايز اعمل شبكه لاسلكبه wifi بين شقتين قصاد بعض فى دور واحد ( مساحه كل منها 110 م ) و المسافه بينهم فى الدور بعنى طرقه السلم حوالى 5 متر

كنت عايز اغطى الشقتين تماما بشبكه wifi واحدة و يكون الراوتر موجود فى احد الشقتين

1- ايه نوع الراوتر / اكسس بوينت الى اجيبه يغطى الشقتين بدون الحاجه الى Extender او repeater ؟

2- هل لازم ححتاج wifi extender و لا الراوتر او الاكسس بوينت ممكن يغطى ؟

و لكم جزيل الشكر

[shoma]

الأول تجيب راوتر محترم وتحاول يكون في نقطة وسط بين الشقتين وتشوف لو عمل تغطية كويسة خير وبركة
لو الأداء مش كويس في الحالة دي لزم تجيب أكسس بوينت في الشقة التانية وتشغالها Repeater

[Ahmed_selmy]

متابع
ويا ريت اللى يعرف نوع روتر محترم يقول عليه, ويا سلام لو راوتر من اللى بيركبله خط تليفون, يبقى كدا عمل الصح

[amr011111]

هتجيب راوتر فى شقتك وتوصله بخط التليفون
وتجيب راوتر تانى فى الشقه التانيه وتوصله راوترك بالسلك الاصفر والراوتر التانى اللى فى الشقه التانيه بالسلك الاصفر ( سلك اللان ) وكده يبقى عندك راوتر واى فاى فى شقتك وراوتر تانى واى فاى فى الشقه التانيه
الخلاصه كانك حطيت اكسيس بوينت فى الشقه التانيه

[egyption2012]

اشتري راوتر dlink اتنين انتنا
وحطه بين الشقتين وجرب على كده
لو اشتغل كويس ييقى زي الفل
لو مشتغلش كويس للشقتين رجعه وهات واحد انتنا وحطه في منتصف شقة
واشتري معاه وايفاي اكستندر وحطه في بداية الشقة التانية عشان يلقط الإشارة من الراوتر

[it_futuree]

السلام عليكم ورحمة الله وبركاته
انا مع الريى اللى بيقول اعمل وصله من الروتر الاول للشقة التانيه
كده هيبقى تمام وبسعر مناتسب

[mmtronic]

متشكر جدا لكل الى اهتم بالرد

موضوع انى امد سلك بين راوترين حيبقى صعب لانى عايز الموضوع من غير كابلات خالص

انا عملت حاجه شغاله معايا دلوقتى بس برده مش مستمخ منها

انا عندى راوتر tp link الى هوه 3G باتنين انتينا ركبته و استقبلته يدوب فى الشقه التانيه باستخدام tp link extender الى هوه بيركب فى فيشه الحيطه على طول من غير اى اسلاك و العمليه شغاله بس المشكله انى حاطط ال extender ده فى المطبخ بتاع الشقه التانيه لانه اقرب نقطه للشقه الاولى و غير كده مبيلقطش

وجود ال extender فى المطبخ دة بالنسبالى مشكله لانكم عارفين الستات فى المطبخ ممكن تعمل ايه

كده مقوداميش غير انى اغير الراوتر بواحد اشد شويه

غالى يعرف راوتر مداه كبير قوى يقولى

انا كنت بتفرج على الراوترات لقيت واحد tplink اسود 2 انتينا و كان ب 500 جنيه ) مش عارف خايف اجيبه يطلع مش فارق حاجه عن الى عندى

[egyption2012]

خليك في dlink
اظن انه افضل من tplink

[Elawany13]

الراوتر مهما كان قوى اشارة الواى فاى مش هتفرق كتير علشان الحوائط الخرسانيه بتضعفه جدا
وبصراحة حرام الواحد يحط فلوسه فى راوتر وهوه بيتوزع ببلاش فى شركات النت وشغال كويس جدا بقاله سنين

[mohamedbook]

انا عندي نفس المشكله شقة في 11 وشقة في 9 وعندي ر وترين واحد شغال والتاني مش عارف اشغله معني كده إني أوصل الروترين ببعض بالسلك الأصفر ممكن أعملها بس هل يشتغل ولا محتاج برمجة
أرجو التوضيح
نوع الوتر الأول الأبيض بتاع te data
والتاني tp link

[elpilot]

محتاج برمجه طبعا وسهله جدا تابع معايا وممكن اعملهالك مجانا

بالنسبة لصاحب الموضوع فعلا اسلم وارخص حل تجيب اي راوترين وتوصل ما بينهم بسلك وهتاخد تغطية كويسة في الشقتين وكل راوتر منهم يتحط في مكان متوسط في الشقة
فيه حل تاني بدون اسلاك هتجيب اكسيس اير لايف بحوالي 320ج ماركه محترمة جدا جدا وهتعمله ربيتر علي الراوتر وهتلاقي تغطية ممتازة
لو عايز تسأل في اي حاجه تحت امرك انا شغال في مجال الشبكات ده من 10 سنين

[shoma]

انا عندي نفس المشكله شقة في 11 وشقة في 9 وعندي ر وترين واحد شغال والتاني مش عارف اشغله معني كده إني أوصل الروترين ببعض بالسلك الأصفر ممكن أعملها بس هل يشتغل ولا محتاج برمجة
أرجو التوضيح
نوع الوتر الأول الأبيض بتاع te data
والتاني tp link

طبعاً ينفع لو هاتعرف توصل كابل بينهم المهم هاتعمل الاتي

- الروتر الرئيسي اللي عليه النت سوا خط ارضي او 3G مافيش اي تظبيط عليه

- الروتر التاني هو ده اللي هايحتاج اعدادات وهي بسيطة
1- تغيير IP الروتر بحيث يكون مختلف عن الروتر الرئيسي
يعني لو الرئيسي 192.168.1.1
تخلي ده 192.168.1.200 مثلا المهم يكونوا مختلفين عن بعض عشان مايحصلشip conflict بينهم.
-2
الغاء خاصية توزيع الايبهات disable dhcp
-3
عمل شبكة الواي فاي بأسم مختلف عن الروتر الرئيسي
يعني لو الرئيسي اسمها مثلا
wifi_1
خالي التانيه
wifi_2

ملحوظة
ينفع تعمل الاتنين شبكة واي فاي واحدة بأسم واحد ودي قصة تانيه بأستخدام ميزة اسمها
WDS Function

[mmtronic]

محتاج برمجه طبعا وسهله جدا تابع معايا وممكن اعملهالك مجانا

بالنسبة لصاحب الموضوع فعلا اسلم وارخص حل تجيب اي راوترين وتوصل ما بينهم بسلك وهتاخد تغطية كويسة في الشقتين وكل راوتر منهم يتحط في مكان متوسط في الشقة
فيه حل تاني بدون اسلاك هتجيب اكسيس اير لايف بحوالي 320ج ماركه محترمة جدا جدا وهتعمله ربيتر علي الراوتر وهتلاقي تغطية ممتازة
لو عايز تسأل في اي حاجه تحت امرك انا شغال في مجال الشبكات ده من 10 سنين

متشكر جدا لاهتمامك

ممكن اسال عن احسن انواع الراوترات الموجوده فى السوق نن حيث التغطيه

ايضا انت قولت اكسس اير لايف - فيه نوع معين كويس تعرفه للعلم بالشىء

و شكرا جزيلا

[mohamedbook]

طبعاً ينفع لو هاتعرف توصل كابل بينهم المهم هاتعمل الاتي

- الروتر الرئيسي اللي عليه النت سوا خط ارضي او 3g مافيش اي تظبيط عليه

- الروتر التاني هو ده اللي هايحتاج اعدادات وهي بسيطة
1- تغيير ip الروتر بحيث يكون مختلف عن الروتر الرئيسي
يعني لو الرئيسي 192.168.1.1
تخلي ده 192.168.1.200 مثلا المهم يكونوا مختلفين عن بعض عشان مايحصلشip conflict بينهم.
-2
الغاء خاصية توزيع الايبهات disable dhcp
-3
عمل شبكة الواي فاي بأسم مختلف عن الروتر الرئيسي
يعني لو الرئيسي اسمها مثلا
wifi_1
خالي التانيه
wifi_2

ملحوظة
ينفع تعمل الاتنين شبكة واي فاي واحدة بأسم واحد ودي قصة تانيه بأستخدام ميزة اسمها
wds function

طيب ودي هخش عليها واعملها ازاي يعني ممكن حضرتك تشرحلي الطريقة

[shoma]

طيب ودي هخش عليها واعملها ازاي يعني ممكن حضرتك تشرحلي الطريقة

حدد نوع وموديل الروتر اللي هاتشتغل عليه
الموديل هتلاقيه مكتوب علي الروتر من الخلف