مطلوب مشاوره ومساعده عاجله

[msobhy]

اسف مقدما لو الموضوع طويل
انا هابدأ الموضوع من قبل ما يبقى لينا علاقه بيه
واحده ست بيئه موت هيه وأولادها ومن مستوى مادى ضعيف ومستوى اجتماعى وأخلاقى منحط
الست ديه قدمت على ارض فى العبور ورست عليها
تقريباً استلمت الارض فى 2006 ومكنش معاها اى امكانيات انها تبنى ولا حتى تسدد ثمن الارض
اتفقت مع شركه انها تبنى لهم الارض فى مقابل ان الشركه تاخد نص المبنى وصاحبة الارض تاخد نص المبنى
من اول دلوقتى تبدأ علاقتنا بالموضوع
حماى راح اشترى شقه فى الدور الارضى بالجنينه من الشركه اللى بنت العماره
اول لما استلموا اصحاب الأرض بدؤا يعملوا مشاكل مع حمايا ومصرين انه ملوش اى حق فى الجنينه
الشركه اللى باعت له فى العقد مكتوب انه من حقه استخدام الجنينه بما انها منفعه خاصه
حمايا حول الجنينه لجنه وصرف عليها مصاريف فلكيه
اصحاب الارض بدؤا يضايقوا حمايا بشكل هيستيرى وبمنتهى قلة الادب
حمايا راجل كبير فى السن. ..... وعايش هو وحماتى لوحدهم
لما يكون اى حد مننا هناك اصحاب الارض بيختفوا ..... بمجرد ما نمشى يبدؤا يضايقوهم
الامر وصل ان ابنهم حاول يضرب حمايا وحماتى
وخبط لهم عربيتهم
ومنعهم من دخول الجنينه ورمى لهم الحاجات اللى حاطينها فى الجنينه فى الشارع
اتعمل مليون محضر فى القسم وتقريبا بقوا بيطردوا حمايا من القسم ومحدش بيعمل له حاجه
حمايا راجل محترم جدا ومعاه ماجيستير ومعندوش غير بنتين واحدة دكتوره والتانيه محاميه مع إيقاف التنفيذ
ومن عيلة محترمه جدا
اصحاب الارض عالم واطيه بشكل ابن ستين كلب وعرفنا ان جوز الست شغال سايس فى موقف فى عين شمس
حد يعرف ازاى نتصرف مع الناس ديه
بجد انا هاموت من سلبية قسم الشرطه ...... واللى غايظنى انهم فعلا مش عايزينه يروح يشتكى
حسبى الله ونعم الوكيل

[Eng_hatemfathy]

كلمة استخدام الجنينة علي حد علمي تختلف عن امتلاك الجنينة
اعتقد ان دي ثغرة في العقد تخلي الجنينة مشاع
محتاج محامي من الزملاء يفيدنا في النقطة دي
ويشور عليك هل فعلا ممكن حماك يتراضي بقرشين مع الناس دول وتبقي ملكية خاصة به ولا برضه هتفضل مشاع

[msobhy]

حمايا تنازل عن حقه فى الجنينه تماما وبرضو مش عاجبهم
مصرين انه يشتريها ب 100.000 جنيه
يا كده يا اما يطلعوا عينه و عين اللى جابه
والموضوع يوم بعد يوم بيطور والتطاول كل يوم بيزيد

[رحالة]

خليه يبيعها ويشتري دماغه
دول عالم لبط

[hilal]

شوف يا ابو مروان
امامكم حل من اثنين ، اما القوة او المال
لو لكم واسطة في جهة سيادية ، يبقى الردع هو الحل
لو تعذر هذا الحل ، يبقى مفيش غير التراضي بالمال ومن خلال اوراق رسمية
طالما مستواهم الاجتماعي متدني ، وحماك من عائلة مبسوطة ، غالبا يكون هناك طمع
يبقى الحل ينحصر في التفاوض لتقليل المبلغ الى النصف ، واعتقد انهم هيوافقوا لانهم مش مستفيدين من الحديقة ،

غير كده انسى موضوع الشرطة والقانون مؤقتا
تمنياتي بالتوفيق

[msobhy]

خليه يبيعها ويشتري دماغه
دول عالم لبط

فعليا هما قرروا يعملوا ده وعايزين يبيعوا تانى للشركه وبخساره حوالى 50.000 جنيه - المشكله ان الشركه معندوهمش اى سيوله ومتعثرين ودلوقتى بيحاولوا يبيعوا لأى شخص تانى وهايتكتب فى العقد ان مفيش جنينه علشان يبقى الكلام واضح وصريح وما يبقاش فيه تضليل فى العقد

شوف يا ابو مروان
امامكم حل من اثنين ، اما القوة او المال
لو لكم واسطة في جهة سيادية ، يبقى الردع هو الحل
لو تعذر هذا الحل ، يبقى مفيش غير التراضي بالمال ومن خلال اوراق رسمية
طالما مستواهم الاجتماعي متدني ، وحماك من عائلة مبسوطة ، غالبا يكون هناك طمع
يبقى الحل ينحصر في التفاوض لتقليل المبلغ الى النصف ، واعتقد انهم هيوافقوا لانهم مش مستفيدين من الحديقة ،

غير كده انسى موضوع الشرطة والقانون مؤقتا
تمنياتي بالتوفيق

موضوع الشرطه والقانون مش مؤقتين - دول مش موجودين اساسا

بخصوص الواسطه الموضوع محتاج واسطه تقيله اوى فى الداخليه علشان الموضوع يتحل - روحت قبل كده ومعايا توصيات من عميد جيش فعليا اخدونى على قد عقلى

بخصوص الفلوس والطمع هيه ديه اساس المشكله
أرض الجنينه قانونا منفعه عامه لكل ساكنى العقار والمفترض انها لاتباع ولا تشترى
المتعارف عليه فى المجتمعات العمرانيه والمدن الجديده ان الجنينه بتكون فى حوزة صاحب الدور الارضى علشان يعوض مساوئ الدور الارضى
برضو فيه عرف خفى فى العقارات ان اصحاب العقارات اوقات بيبعوا الجنينه وده كالتالى
فى حالة استخدامها كحديقه خاصه فقط بيتباع المتر ب 100 الى 200 جنيه
فى حالة استخدامها لأى غرض أخر بيتباع المتر ب 400 جنيه
الحديقه مساحتها 100 متر فى الجزء الخاص بحمايا
100*200 يعنى 20.000 جنيه
البهوات عايزين 100.000 - لما حمايا قال لهم خلاص مش عايزها وحلال عليكم اللى عملته فى الجنينه اتجننوا وتقريبا قالوا باللفظ لأ لازم تشتريها وب 50.000 جنيه ولازم تشتريها دلوقتى لأننا عايزين فلوس - صباح البجاحه
قالهم هما 20.000 بس ومنى كمان 5000 جنيه علشان البوابه اللى ركبتوها يبقى 25.000 بس
اتجننوا وقالوا لأ 50.000
حمايا قالهم انا ممعيش غير 25.000 وكمان هايبقوا بعد 6 شهور بسبب ظروف هو بيمر بيها
وعليه
سب دين ليل نهار وقلة أدب ويقفوا فى الجنينه يفضلوا يبصوا على حمايا وحماتى من الشببابيك بتاعتهم ويشتموا ويرموا كل حاجه هو عامله

ولاد ستين ************* بمجرد ما اى حد مننا يروح يختفوا وبعدها على طول يظهروا يضايقوا الراجل
وصلت ان ابنهم حدف حماتى بكوباية شاى سخنه

عالم كلاااااااااااااااااااااااااااااااااااااااااااااااا اااااااااااااااب

يا رب

[hilal]

فعليا هما قرروا يعملوا ده وعايزين يبيعوا تانى للشركه وبخساره حوالى 50.000 جنيه - المشكله ان الشركه معندوهمش اى سيوله ومتعثرين ودلوقتى بيحاولوا يبيعوا لأى شخص تانى وهايتكتب فى العقد ان مفيش جنينه علشان يبقى الكلام واضح وصريح وما يبقاش فيه تضليل فى العقد


موضوع الشرطه والقانون مش مؤقتين - دول مش موجودين اساسا

بخصوص الواسطه الموضوع محتاج واسطه تقيله اوى فى الداخليه علشان الموضوع يتحل - روحت قبل كده ومعايا توصيات من عميد جيش فعليا اخدونى على قد عقلى

بخصوص الفلوس والطمع هيه ديه اساس المشكله
أرض الجنينه قانونا منفعه عامه لكل ساكنى العقار والمفترض انها لاتباع ولا تشترى
المتعارف عليه فى المجتمعات العمرانيه والمدن الجديده ان الجنينه بتكون فى حوزة صاحب الدور الارضى علشان يعوض مساوئ الدور الارضى
برضو فيه عرف خفى فى العقارات ان اصحاب العقارات اوقات بيبعوا الجنينه وده كالتالى
فى حالة استخدامها كحديقه خاصه فقط بيتباع المتر ب 100 الى 200 جنيه
فى حالة استخدامها لأى غرض أخر بيتباع المتر ب 400 جنيه
الحديقه مساحتها 100 متر فى الجزء الخاص بحمايا
100*200 يعنى 20.000 جنيه
البهوات عايزين 100.000 - لما حمايا قال لهم خلاص مش عايزها وحلال عليكم اللى عملته فى الجنينه اتجننوا وتقريبا قالوا باللفظ لأ لازم تشتريها وب 50.000 جنيه ولازم تشتريها دلوقتى لأننا عايزين فلوس - صباح البجاحه
قالهم هما 20.000 بس ومنى كمان 5000 جنيه علشان البوابه اللى ركبتوها يبقى 25.000 بس
اتجننوا وقالوا لأ 50.000
حمايا قالهم انا ممعيش غير 25.000 وكمان هايبقوا بعد 6 شهور بسبب ظروف هو بيمر بيها
وعليه
سب دين ليل نهار وقلة أدب ويقفوا فى الجنينه يفضلوا يبصوا على حمايا وحماتى من الشببابيك بتاعتهم ويشتموا ويرموا كل حاجه هو عامله

ولاد ستين ************* بمجرد ما اى حد مننا يروح يختفوا وبعدها على طول يظهروا يضايقوا الراجل
وصلت ان ابنهم حدف حماتى بكوباية شاى سخنه

عالم كلاااااااااااااااااااااااااااااااااااااااااااااااا اااااااااااااااب

يا رب

اطمئن ، طالما قبلوا تخفيض المبلغ سابقا ، في الآخر هيوافقوا ،
بس لو تقدر تعمل شوية ردع ، هتسهل موضوع التفاوض
خليهم يتفقوا مع احد المتخصصين في كتابة الشكاوي الموجودين امام المحاكم
وكل يومين تلاتة يكتب ضدهم شكوى لحد ما تعملهم صداع

[dedi]

اللة يكون فى عونك

[Eng_hatemfathy]

مشكلة الجيرة مشكلة ازلية في ظل غياب قوانين شفافة وواضحة وقوة تنفيذ
انا ساكن في الدور الاول واشترطت علي مالك العقار ان اللي يشتري الارضي ميبنيش ولا يقفل المساحة الخلفية
وطبعا كان كلام عيال باع لواحد صاحبه والمصيبة ان صاحبه ده زميلي في الشغل وكان شغال معايا من فتره طويله زي مراسل او سكرتير وكاجوال يعني باليومية وكان الكل بيعامله كويس لحد ما في يوم المدير العام قلب عليه ونقله ادارة تانية وكان بيعيط بالدموع علشان الادارة التانية مفيهاش سهر وبدلات وكنت بطمنه ان رزق ربنا واسع واذا به يصادف واحدة في الادارة الجديدة زي ما يكون ربنا بعتها مخصوص علشان يتعين علي ايدها لانها جت اعارة من شركة تانية ٨شهور ومعجبهاش الوضع ومشيت
المهم الشخص ده بنظام شبع بعد جوع نسي العيش والملح ونسي كم التعاطف اللي تعاطفناه معاه وبدأ يدور ازاي يأذيني يعني استغل اني في مصيف وبني حائط ودخل بيه تحت بلكونتي بحيث مبقاش ينفع احط اسهم حديد لمنع النط لانه دخل عشرة سنتس جوة البلكونه وجه في حته تانية بني حوائط دولاب تحت الشباك مع انه عنده فوق الاربعين متر حوائط بعيد عن شبابيكي اضطريت اقفل البلكونه حديد بالفين وربع
اذا به بعد سنه يستغل سفري للمصيف ويقفل المساحة الخلفيه كلها بحديد مربع يعني قفص ويرفع مستواه لنص بلاطة السقف تقريبا مع انه لما جبته امام مديريني ومديرونه السابقين اقسم انه هيأمني وهيعمل سور فكده القفص اللي عمله خلي اي حد يتفسح عليه ويفتح اي شباك بتاعي بسهوله اضطريت اعمل افتكاسات واختراعات علشان اعمل حديد للشبابيك وفي نفس الوقت يتفتح علشان المنشر وطبعا قوة التأمين مش ١٠٠٪ وكلفني الف ونص كمان وكل ده وبقاله تلات سنين بيشطب ويهد ويعيد ودوشة مستمرة وعمال وقرف وبقاله ييجي ست شهور بيجيب ولاده ومراته ويقضي اليوم ويروح بالليل وطبعا بيئة لا توصف واصوات وكلام مينفعش خالص
الكل بيقولي بيع واشتري في حته تانيه لانك مش هتستحمل
من شهر كده لقيت ولاده وعيال قرايبهم طالعين فوق الحديد وماشيين قدام شبابيكي ولا استئذان ولا احم ولا اي ذوق وبيدهنوا الحديد (السقف بتاع القفص) ورغي وغنا وهبل وقلة ذوق واخر الليل الساعة واحدة وهما ماشيين لقيتهم داهنين تحت احد شبابيكي كام روله سوده كانهم عاملين فاتورة للون وقفت ساعة ونص نايم علي قفصي الصدري وبطني علي حافة الشباك بحاول اطولها وانضفها وتاني يوم بسأل الولد انت عملت كده ليه قاليه اللون طرطش مني فقلت افرده وبعدين ادهنها مع الفرنده
طب يا ابني دي لون تاني خالص ولازم تدهن العمارة كلها
طبعها فضلت اعملها بسلك مواعين شيلت اللون الجديد والقديم
ودلوقتي وسائل الغلاسه متمثلة في الدوشة الرهيبة وتعمد الركن مكاني وترك باب العمارة مفتوح طالما هم موجودون وعن القطط والحشرات حدث ولا حرج
والافظع ركب كشافات ليدات في القفص نورها بيدخل من الشيش ويضرب في السقف عندي ولا كأني منور نور الغرفة عندي وانا مبعرفش انام في النور ولو ركبت بلاك اوت مش هيدخل نسمة هوا
فعلا مخنوق وبقي مجرد صوته او رؤيه عربيته بتخليني هرجع ومش عارف اعمل ايه ومفيش معايا سيولة اشتري حاجه متشطبة وجاهزة وفي نفس الوقت خايف ادفع مقدم لحد يطلع نصاب ومش قادر علي دوشة التشطيب والعمال وقرفهم
ومفيش ضمان لجيران جدد او حد يعمل برج اتصالات يعيشني في رعب السرطان انا وابني

المنظومة كلها فاسدة ومش لاقي حلول

[ehabouf]

الحل في شكوى موثقة عن طريق الإنترنت
انا جربتها بنفسي اكتر من مرة والنتيجة فوق الممتازة

http://www.complain.idsc.gov.eg/GCP/Default.aspx

[Eng_hatemfathy]

الحل في شكوى موثقة عن طريق الإنترنت
انا جربتها بنفسي اكتر من مرة والنتيجة فوق الممتازة
http://www.complain.idsc.gov.eg/gcp/default.aspx

يعني ايه شكوي موثقة

[ehabouf]

يعني ايه شكوي موثقة

الي اقصده انك لو عملت شكوى في اي جهة حكومية وماخدتش حقك لو عرفت تصعد الشكوى لجهات اعلى اول رد للجهة الحكومية بيكون "ماحدش اتقدملنا بشكوى يا افندم والا كنا قمنا باللازم" وطبعاً مافيش معاك ما يثبت انك قدمت شكوى
اما الشكوى عن طريق الإنترنت فهي موثقة ولايمكن الغائها (سيستم الكمبيوتر الي معمول كده) وبالتالي الموظف المسئول عن الشكوى مجبر على متابعة حلها وتحديث حالتها على الكمبيوتر اول بأول

[lonedoctor]

اهانة شخص محترم وابن ناس ومالوش فى قلة الادب هو اسوء شئ ممكن الانسان يتخيله وهى نقطة الضعف اللى بيستغلها الناس الواطية البيئة للضغط على مثل هذه النوعية من الناس
هل تتخيل انه احد الجيران عمل نفس الموقف معايا علشان عايز يجيب كوتش لصفيحة الزبالة اللى هو راكبها وبيسميها عربية فاتهم ابنى بانه قطع كوتش عربيته مع ان التليفون اللى مع ابنى ثمنه اغلى من عربيته اساسا فضلا عن انه متربى ومستحيل اصلا العيبة تطلع منه
ربنا يعينه والله حاسس بيه

[أبو إياد]

المنطقه اللى فيها العماره دى فين ؟

[msobhy]

المنطقه اللى فيها العماره دى فين ؟

الحى الرابع - أو زى ما بيسموه حى الفيلات