جثة فى وسط الشارع

[ESO101]

بغض النظر عن اللى عملته حضرتك صح او غلط دعنى اقص عليك هذه القصة
حكاها لى احد الاصدقاء
مكان الحادثة : هولند من حوالى 20 سنة وقبل الاندماج للاتحاد الاوربى
الحادثة : صديقى ومعه زميل كانوا فى هولندا فى بعثة واثناء سيرهم على احدى الطرق السريعة بسرعة 180 كيلو اصطدموا بشيىء لم يتبينوا ما هو , بعد حوالى 8 كيلو تم توقيفهم فى نقطة شرطة وتم اخبارهم انهم قاموا بصدم شخص ما كان يعبر الطريق وان عليهم ان يدلوا بأقوالهم ولكن فى مركز آخر للشرطة بعد حوالى 20 كيلو وتركهم الشرطى الهولندى
طبعا الفكاكة والفهلوه المصرية تقولك الراجل تركنا تقوم نروح تانى للبوليس برجلينا تانى
بس اللى حصل انهم توجهوا الى مركز الشرطة المذكور وتم اخذ اقوالهم وافرج عنهم فى وقتها وبعد عدة ايام تم استدعائهم من قبل المحكمة لأخذ اقولهم مرة اخرى
عارفين كان حكم القاضى ايه
البراءة
ليه ؟؟
لأنهم لم يرتكبوا خطأ وكانوا ملتزمين بالسرعة القصوى وان الخطأ من الشخص الذى كان يعبر الطريق السريع ( high way ) وان الذى يتحمل التعويض هى شركة التأمين الملزمة بتأمين الطريق
كده وبكل انسانية وبكل احترام ودون اية اهدار لكرامتهم وبدون حجز او حبس احتياطى
لسه الحكاية مخلصتش
الحكومة و القاضى الهولندى بعثوا باعتذار للاتنين المصريين بعد ما سافروا ووصلوا مصر بعد انتهاء البعثة (على انهم عطلوهم واخذوا من وقتهم وكمان تعويض لهم عن ضياع الوقت فى المحكمة للشهادة ب 300 جيلدر (العملة الهولندية انذاك) مع تأشيرة سياحية هدية لمدة اسبوعين لدخول هولندا)
شفتوا الاحترام

عفوًا ...
هولندا من ضمن الإتحاد الأوربي منذ تشكله هي عضو مؤسس ومن أول 6 دول منذ الخمسينات
والقصة فيها الكثير من الملاحظات
أولًا 180 هي سرعة عالية .. إن كان لم يتجاوز السرعة القصوى فكم كانت السرعة القصوى .!
هي الآن ( بعد أن تم رفعها عام 2002 من 120 هي 130 مع سماح 4 ك )
فمتى كانت السرعة القصوى 180 في أي وقت !
آخر زيارة لي 2015 حدود السرعة في المدينة ٥٠ كم في الساعة
وفي الأماكن المزدحمة والسكنية ٣٠ كم/س
وفي الطرق السريعة 130 كم
ومعلومة سريعة عن أنظمة الدول اللي بتحترم الإنسانية
لو تخطيت السرعة القصوى في سويسرا مثلًا ،هيحتجزوك ، ويتم التحفظ على سيارتك وبيعها
وإيداع الملبغ في خزانة الدولة ( حتى لو سيارتك كانت فيراري عالزيرو ) مع السرعة الجنونية
النقطة الثانية كيف يتم ايقافهم بعد 8 ك وهي مسافة سيتم اجتيازها خلال 3 دقائق بهذه السرعة ..
هذه السرعة في التبليغ قد أفهمها اليوم ولكن منذ 20 سنة ؟
اكتشاف الإمر وإبلاغ أقرب نقطة بالأجهزة آن ذاك يتطلب وقت أكثر
كمان موضوع التأشيرة هدية هذه مبالغة كبيرة ...
عمومًا
القصة المذكورة بجميع ملاحظاتها تدل على التلاعب بأرواح الناس وليست من الإنسانية في شيء

[Ahmed_selmy]

فى ظل فساد الدوله والقضاء ........الحل اللى عملتوا صحيح
لانك حتدخل نفسك فى سين وجيم وغالبا حتلبسها

[فتح الباب]

مع مراعاة حرمة الجثه بشكل عام لكن تحليلى ربما تكون هذه طريقه جديده للسرقه او التثبيت وليه لأ .وانا على عكس بعض الزملاء فى الرأى . فهناك امكانية التمثيل حتى فى هذا الدور الخطير كهذا ولا استغراب لبلطجى دون اهل ودين ان يفعل ذلك ... اما لو كانت جثه حقيقيه .الله يرحمه ويتولاه . افتكر ما فعله صاحب الموضوع هو اصح الغلط وربنا يسترها معانا جميعا

[Ahmed abdkarim]

متشكر يا جماعه وفعلا ممكن يكون موديل على الارض علشان يثبتوا الناس او حد مقتول بس ساعتها الواحد مش بيفكر بصورة طبيعية

[gade2]

اللى عملته الصح
ربنا يسترها علينا ويحسن ختامنا

[wawamoha]

المشكله ان القرار لازم يتاخد في ثواني .............. وتحت ضغط الصدمة و بفضل التجارب الاليمة ..حضرتك اتصرفت كده ..

الموقف صعب و مش قادر اقولك حاجه ...

[miam0502788391]

عفوًا ...
هولندا من ضمن الإتحاد الأوربي منذ تشكله هي عضو مؤسس ومن أول 6 دول منذ الخمسينات
والقصة فيها الكثير من الملاحظات
أولًا 180 هي سرعة عالية .. إن كان لم يتجاوز السرعة القصوى فكم كانت السرعة القصوى .!
هي الآن ( بعد أن تم رفعها عام 2002 من 120 هي 130 مع سماح 4 ك )
فمتى كانت السرعة القصوى 180 في أي وقت !
آخر زيارة لي 2015 حدود السرعة في المدينة ٥٠ كم في الساعة
وفي الأماكن المزدحمة والسكنية ٣٠ كم/س
وفي الطرق السريعة 130 كم
ومعلومة سريعة عن أنظمة الدول اللي بتحترم الإنسانية
لو تخطيت السرعة القصوى في سويسرا مثلًا ،هيحتجزوك ، ويتم التحفظ على سيارتك وبيعها
وإيداع الملبغ في خزانة الدولة ( حتى لو سيارتك كانت فيراري عالزيرو ) مع السرعة الجنونية
النقطة الثانية كيف يتم ايقافهم بعد 8 ك وهي مسافة سيتم اجتيازها خلال 3 دقائق بهذه السرعة ..
هذه السرعة في التبليغ قد أفهمها اليوم ولكن منذ 20 سنة ؟
اكتشاف الإمر وإبلاغ أقرب نقطة بالأجهزة آن ذاك يتطلب وقت أكثر
كمان موضوع التأشيرة هدية هذه مبالغة كبيرة ...
عمومًا
القصة المذكورة بجميع ملاحظاتها تدل على التلاعب بأرواح الناس وليست من الإنسانية في شيء

يعنى هو حضرتك سيبت مضمون القصة ومسكت فى تفاصيل التفاصيل
اولا الراجل حكى لى القصة من حوالى 10 سنين او اكتر
ثانيا هو كان فى هولندا فعلا اواخر الثمانينات او اوائل التسعينات فعلا
ثالثا الثابت فعلا انهم لم يحتجزوا ولو ليوم واحد او اقل
رابعا موضوع ال 300 جيلدر انا كنت فاكر انها هدية لكن طلع تعويض عن عدد الساعات اللى تم تعطيلهم (بدل عطلة يعنى )
خامسا موضوع التأشيرة هو فعلا قالها لى
بس يمكن من باب تشجيع السياحة او اى شيء آخر انا معرفش
أخيرا اللى اردت ان استخلصه من قصه مثل تلك حدثت لاتنين مصريين مغتربين فى بلد أجنبى الا وهو مدى قيمة احترام الانسان وحقوقه من قبل دول متحضرة
يعنى صاحب الموضوع لو كان اللى شافه جثة وبلغ عنه وتم أخذ اقواله بكل انسانية دون حجز او حبس احتياطى لما يتأكدوا انه مش هو اللى موته مش كان عمل كده من الاول

[ESO101]

يعنى هو حضرتك سيبت مضمون القصة ومسكت فى تفاصيل التفاصيل
اولا الراجل حكى لى القصة من حوالى 10 سنين او اكتر
ثانيا هو كان فى هولندا فعلا اواخر الثمانينات او اوائل التسعينات فعلا
ثالثا الثابت فعلا انهم لم يحتجزوا ولو ليوم واحد او اقل
رابعا موضوع ال 300 جيلدر انا كنت فاكر انها هدية لكن طلع تعويض عن عدد الساعات اللى تم تعطيلهم (بدل عطلة يعنى )
خامسا موضوع التأشيرة هو فعلا قالها لى
بس يمكن من باب تشجيع السياحة او اى شيء آخر انا معرفش
أخيرا اللى اردت ان استخلصه من قصه مثل تلك حدثت لاتنين مصريين مغتربين فى بلد أجنبى الا وهو مدى قيمة احترام الانسان وحقوقه من قبل دول متحضرة
يعنى صاحب الموضوع لو كان اللى شافه جثة وبلغ عنه وتم أخذ اقواله بكل انسانية دون حجز او حبس احتياطى لما يتأكدوا انه مش هو اللى موته مش كان عمل كده من الاول

تفاصيل التفاصيل مذكوة في الرواية عن أنظمة غير موجودة وكلها أخطاء
لو هنتكلم في الخلاصة ومفاد القصة مع إنها مش محتاجة كلام ..
الإصطدام بشخص على سرعة 180 أقل تقدير هيعرف إنه صدم شخص
الحوادث اللي فيها وفيات المسائلة القانونية فيها كبيرة جدًا وبتخضع لأشد أنواع العقوبات
ولو مشيت بعد حادثة من النوع المذكور في هولندا تبقى جريمة جنائية كمان ( دا قانون )
الإنسانية هي الحفاظ على أرواح الناس ومفيش مشكلة من تحسين طريقة التحقيق مع المبلغ
لكن إننا نكافئ شخص في حادث دهس لشخص ومشي ونتعامل بالطريقة دي مع أرواح الناس ونسميها إنسانية ؟
عمرها ماهتحصل في أوروبا .. القانون صارم جدًا
طبعًا في السعودية نفس الكلام دهس شخص مصيبة و100% خطأ السائق
ولو بلغت بيتحقق معاك و بيعاينوا عربيتك نفس النظام في مصر وأصعب
وفي أوروبا كل أطراف القضية بيخضعوا للتحقيق والتضييق سواء مبلغ أو شاهد
الطريقة بس بتختلف لكن فيه سلبيات
أنا معاك إن المبلغ فاعل خير .. ولكن الموضوع شديد التعقيد
لو طلبت منك تعمل قانون ... هتتعامل إزاي مع الموقف غير سرعة الإجراءات

[Ahmed abdkarim]

يا جماعة متخلوش الموضوع يبقى نزاع شخصى وخلينا فى الحالة اللى قدامنا