محتاج أدور علي شغل تاني!!!!!!

[midoabdeen]

السلام عليكم و رحمة الله و بركاتة
دلوقتي انا مخنوق جدا من المكان اللي انا شغال فيه
شركة سيئة جدا اللي بيشتغل من بياخد حقة واللي بيعرف يطبل و مقضيها هو اللي بياخد فوق حقة
انا محاسب وشايل كمية شغل من طبيعية ومع ذلك مرتبي اقل من مرتب الاوفس بوي
وغير اني مش لاقي نفسي وسط الجو اللي انا فية (جو روتيني و نفاق والناس كلها بتكره بعض ومحدش بيحب لحد الخير)
محتاج ادور علي شغل تاني برا
بس مشكلتي كلها في الانجليزي
الانجليزي بتاعي مش قوي اني اقدم في اي مكان تاني
عايز اقوي نفسي شوية في الانجليزي لاني ناوي ابدء في شهادة ال cma
تامشكلة بقي كلها في اني خاطب و هتجوز السنة الجاية و طبعا المرتب كله رايح علي الشقة و الجمعيات
محتاج اي وسيلة اقدر اتعلم بيها او مثلا مكان يكون مش غالي اوي الفترة دي
ياريت اللي مر بنفس التجربة و عدي منها يقولي عيل التصرف السليم في الموقف دا
الاعاقة اللي بتقابلني دايما في التقديم لاي شغل هي اللغة
اية العمل
أفيدوني

[احمد المصرى]

العقل بيقول انك خليك فى الشغل بتاعك ودور على شغل تانى وفى نفس الوقت حاول تتعلم حتى عن طريق النت لحد لما تلاقى شغل تانى وقدم على شغل من الان ويمكن ربنا يرزقك ومش هيكون عقبه موضوع اللغه يمكن تلاقى الارزاق بتاعت ربنا دور وان شاء الله تلاقى واتعلم فى نفس الوقت

[midoabdeen]

اكيد طبعا عمري ما اسيب شغلى غير لما الاقي حاجه ثانيه
هي الفكره اني بقالي أكثر من سنة بدور ومش لاقي حاجه كويسه كل اللي يلاقيه مرتبات تعبانه

[Bassem Youssef]

مصر كلها كده يا صديقي

هتروح مكان تاني و هتلاقي نفس النظام

انت قصدك عايز تشتغل بره البلد ؟؟؟

عموما خد كورس انجليش في البريطانيه او تبع الجامعه الامريكيه

ربنا ييسر امورك

[amro1965]

اخى العزيز عاوز تتعلم انجليزى
يجب اتباع الاتى
اولا يجب ان لديك الرغبه للتعلم
ثانيا انت مش محتاج تروح وتتعب نفسك لمعاهد لتأحذ كورسات لان كل الدورات والكورسات موجوده على النت بشرط ان يكون لديك كمبيوتر وهيدفون ونت وان لم يكن لديك نت اتصل بى لتجميع دورات وكورسات لتعليم اللغه الانجليزية
ثالثا محتاج ساعه كل يوم باستمرار لتطبيق وممارسه اللغة
رابعا اما بخصوص خنقتك قى العمل فى كل ربوع مصر توجد نفس الوشوش والطباع
مع تحياتى اخيك
محمد رشوان

[kemoelord]

الله يرزقك ويسرلك الحال والامور ويوفقك باذن الله , شوف كده الموقع ده ممكن يفيدك وفيه معلومات عن معظم الحاجات الي ممكن تحتاجها

https://www.edx.org/

[محمد عمر 2014]

ربنا يوسع رزقك ... بس متغمقهاش اوي كده

كلنا كده ... بنشوف نفس الوشوش ونفس الناس

نفس العينة دي في كل مكان

طالما انت شغال في مكان خاص مش حكومي .. يبقى المشكلة محلولة

اولا متمشيش قبل ما تلاقي حاجة احسن
ثانيا الانجليزي تجيبو من ع النت .. مؤقتا عشان متصرفش في كورسات .. انت وراك التزامات تانية
ثالثا اتعلم تصوير فوتوغرافي وهات كاميرا كويسة وفلاش وعدسة ... وصور افراح بالليل
هيدخلك دخل كويس ان شاء الله

وربنا يوفقك