علاج مرض السكري نهائيا بالجراحة.. تحويل مسار

[ahmedwagdy03]

أنا مش طبيب بس أعرف كويس جدا إن البنكرياس هو سبب مرض السكري و ليس المعدة .

و إذا كان العلاج الجراحي ناجح و فعال لماذا لم يأخذ به الغرب

الدكتور أحمد السبكي من إسمه و هيئته يبدو أنه من أقارب محمد السبكي الجزار و المنتج المعروف و دي لوحدها كفاية

[hilal]

الهيدروكربوريت

اقصد الكربوهيدرات
آسف على اللخبطة بين المصطلحات

[volociximab]

اعتقد العملية لتنقيص الوزن و ليس لعلاج السكر..هذا ان لم يكن الموضوع نصب

هناك بالفعل ادوية تستحث البنكرياس لافراز الانسيولين مثل الاماريل و الدايميكرون و الدوانيل

مشكلة مرض السكر ان مضاعفاته متأخرة يعني ممكن تعيش عادي سكرك ٣٠٠ و تاكل الي انت عاوزة لكن بعد كام سنة المضاعفات بتظهر وهي مضاعفات مدمرة و علاجدها صعب

[volociximab]

الميتفومين اهم علاج اقراص لسكر م النوع الثاني و هو ملك ادوية السكر و يجب لاي مريض سكر ليس عنده موانع ان يأخذه و المانع الاساسي و ربما الوحيد هو الفشل الكلوي
مريض السكر من النوع الثاني يجب ان يأخذه حتي لو بياخد انسيولين او حامل او مرضع
اسبب في كونه ملك ادوية السكر هو نه ثب انه يحمي الجسم من مضاعفات السكر اكثر من اي دوااا اخر
اللجرعة المفضلة هي ٢٠٠٠ملجم يوميا

[volociximab]

من الكلام المكتوب في الموقع تبين نه دكتور جامعي ولكن اعتقد ان موضوع عملية تقضي علي السكر يفتقد الدقة و يحتاج لتفصيل

[ahmed_eng2001]

أنا مش طبيب بس أعرف كويس جدا إن البنكرياس هو سبب مرض السكري و ليس المعدة .

و إذا كان العلاج الجراحي ناجح و فعال لماذا لم يأخذ به الغرب

الدكتور أحمد السبكي من إسمه و هيئته يبدو أنه من أقارب محمد السبكي الجزار و المنتج المعروف و دي لوحدها كفاية

البنكرياس بالفعل هو المسئول عن افراز الانسولين .... و لكن علاج الدكتور السبكى بيركز على نقطة اخرى ... و هى بعض الهرمونات الى من غيرها ... الدنيا بتكون مظبوطة...... مش عارف ازاى !!!!!

على العموم ... مجهود و محاولة مش وحشة .... المفروض ان الكلام ده يتناقش فى مؤتمرات و ندوات متخصصة ... و قبل كدة .. يكون اتنشر فى نشرات او مجلات طبية متخصصة .. و بعد كدة يدخل مرحلة التجارب و المراقبة

كنت سمعت عن حاجات كتير زى كدة ... بس اغلبها اجتهادات .. و لم ترقى لمرحلة التطبيق

[ALYSALIM]

انواع مرض السكر
النوع الاول وده معتمد علي الانسولين لغياب خلايا بيتا او او فشل وظيفة خلايا بيتا المفرزه للانسولين وهرمون الاميلين
دول علاجهم الوحيد الانسولين بالاضافة انه ممكن يضاف لهم ميتفورمين في حدود خاصة
النوع الثاني وده في الاساس ناتج عن خلل في افراز الانسولين من خلايا بيتا وبالتالي الانسولين المفرز مش قادر يواكب احتياجات الجسم من الانسولين لانتاج الطاقة من الجلكوز اللازم للعمليات الحيوية الخلل ده ممكن يكون مصحوب بمقاومة الجسم للانسولين فيه ننقص في مستقبلات الانسولين في الجسم مثلا
وده علاجه بيكون باعطاء ادوية محفزة لخلايا بيتا لافراز الانسولين او عن طريق تقليل مقاومة الانسولين
الادوية المحفزة لانتاج الانسولين هي عائلة السلفونيل يوريا زي الجلبينكلاميد والجليبيزيد
............. الميتفورمين وده دوا بيستخدمة مرضي السكر من النوع الثاني وده له اكثر من طريقة لتخفيض السكر
في الاساس هو بيقلل من عمليه تحدث داخل الكبد اسمها جلكونيوجينيزس وهي عمليه انتاج الجلكوز في الكبد ودي بتقل بمقدار الثلث ودهي اصلا الجماعة اللي عندهم سكر من النوع الثاني بيكون عندهم زياده فيها اكثر من الاصحاء بثلاث مرات
الميتفورمين بيقلل مقاومة الجسم للانسولين وتحسين استهلاك الجلكوز في الخلايا كمان بيقلل امتصاص الجلكوز من الجهاز الهضمي
بيستفيد من الميتفورمين المرضي المصابون بالسمنه خصوصا لانه بيقلل الوزن ويحسن استهلاك الانسولين في الخلايا ومعادلة تقريبا الانسولين المفرز لاحتياجات الجسم
معظم الاطباء بيبدأو بنظام غذائي قليل الدهون والكربوهيدرات مع رياضة ومراقبة مستويات السكر في الجسم
بعدها ممكن يضيفو الميتفورمين
بعدها ممكن يضيفو ادوية المحفزة للافراز الانسولين
بعدها ممكن يضيفو الانسولين نفسه لان الجسم خلاص جاب اخره ومضاعفات السكر بقت قوية
مضاعفات مرض السكر من النوع الثاني بتستجيب جدا للانسولين الخارجي وبتتحسن حالة المريض وتقل مضاعفات مرض السكر

[ahmed_eng2001]

الميتفومين اهم علاج اقراص لسكر م النوع الثاني و هو ملك ادوية السكر و يجب لاي مريض سكر ليس عنده موانع ان يأخذه و المانع الاساسي و ربما الوحيد هو الفشل الكلوي
مريض السكر من النوع الثاني يجب ان يأخذه حتي لو بياخد انسيولين او حامل او مرضع
اسبب في كونه ملك ادوية السكر هو نه ثب انه يحمي الجسم من مضاعفات السكر اكثر من اي دوااا اخر
اللجرعة المفضلة هي ٢٠٠٠ملجم يوميا

معلومة جديدة .... مشكور على الافادة

[عبدالله برعى]

نقطة خفية هناك مليارات صرفت علي ابحاث الادوية ولسه الدوا لم يؤتي مكاسبة
ودي اقوي من مافيا السلاح دا كلام اطباء ود صيدلي
وتوجد فيديوهات للدكتور احمد لشرح الموضوع قبل الحكم ودا مش شغال تحت السلم لا برامج في قنوات وطنية....
سبب التقرير... احب ان افيد كل اخوتي ولعلة يكون سبب في رفع البلاء
تحياتي لكم جميعا

[hilal]

نقطة خفية هناك مليارات صرفت علي ابحاث الادوية ولسه الدوا لم يؤتي مكاسبة
ودي اقوي من مافيا السلاح دا كلام اطباء ود صيدلي
وتوجد فيديوهات للدكتور احمد لشرح الموضوع قبل الحكم ودا مش شغال تحت السلم لا برامج في قنوات وطنية....
سبب التقرير... احب ان افيد كل اخوتي ولعلة يكون سبب في رفع البلاء
تحياتي لكم جميعا

مشكور يا استاذ عبد الله على التقرير
ولكننا مازلنا نذكر علاج الكفتة وكيف كان اساتذة في الطب يضحكون علينا للاسف
والاعلام ايضا كان بيطبل ليل نهار لعلاج الكفتة وطلع فنكوش
الايام علمتنا ان لا نثق الا في الابحاث العلمية الحقيقية المنشورة عالميا من جهات محترمة
الفيديوهات ما هي الا وسائل للشهرة و التربح
و السبكي نفسه لا يجرؤ على عرض هذه الفيديوهات على جهات علمية محترمة
تحياتي لسيادتك

[ahmed_eng2001]

مشكور استاذ عبدالله على نقل الخبر

و زى ما ذكر الدكتور هلال .... فيه مجلات و نشرات متخصصة فى مختلف المجالات ... يتم نشر الابحاث الجديدة .. و الناس تطلع عليها .. و بعد كدة ... يتم مناقشة الافكار الجديدة فى مؤتمرات امام عدد كبير من المتخصصين و ممثلى بعض الشركات ... و متصيدى الافكار الجديدة
فى المؤتمرات دى .... الناس الى موجودة مش حتعدى اى فكرة بدون متابعتها و دراستها .. و بالطبع محاولة سرقتها و الاستحواذ عليها .... بس الفكرة حيتم مناقشتها على مستوى كبير
و من الممكن ان نعتبر ان الموضوع هنا زى المؤتمر العلمى ... ناس كتير افادت بخبراتها .. اتعلمنا حاجات جديدة ... و وصلنا لشبه قناعة عن الموضوع

اكرر شكرى لحضرتك

[عبدالله برعى]

الموضوع عالميا لم يكمل عامة السادس... وحوالي 400 طبيب علي مستوي العالم هم من يتبنو هذه الجراحات..
ويختلف عن الكفته لان هناك طفرة تكنولوجيه في علاجات السكر منهم علي سبيل المثال انسولين نوع لانتوس وهذا الدوا غالي جدا ولكن نتائجه مبهره....
وتم عمل اكثر من مؤتمر اسبانيا وفرنسا
ولا تنسوا ان مافيا الدوا عالميه وليست محليه..
جميع العالم ليس عنده ضمير بالاحياء(سوريا) فهل سيكون له ادني مقاومة في حالة عدم مكاسبة ولو علي حساب القتل اقصد المرض؟؟؟؟؟
انا لا اجادل ولا ادافع ولكن اتمني ان يكون حقيقي وجراحات ناجحه

[volociximab]

من كلامك الموضوع محل تجربة

[volociximab]

معروف ان هذه النوعية من الجراحات تكون لتقليل الوزن و بالتالي مرضي السكر الذين يعانون من السمنة تتحسن نسبة السكر لديهم
انما كون هذا علاج لجميع مرضي السكر فإن هذا يحتاج لاثبات و حسن صياغة اعلامية بعدم استخدام اسلوب كان عندك سكر وراح بل نقول نسبة من شفاهم الله كذا و نسبة من تحسنوا كذا و نسبة فشل العملية كذا و المضاعفات كذا
علي العموم يا خبر النهارده بفلوس
هناك معركة مستعرة بين شركات الادوية..بس ده مش معناه اننا نصدق اي بياع كفته...
علي المستوي الشخصي صبري مع الاقراص بيخلص بسرعة

[volociximab]

انا فعلا بحثت علي النت و وجدت موقع او اثنين يتكلمون عن هذه الجراحة منهم طبيب يعتقد انها جراحة فاشلة علي كل حال الموضوع محل تجربة..و دي جراحة يعني مش دوا و سأضرب مثال
قرحة المعدة زمان قبل اختراع دوية القرحة القوية كان تم علاجهاجراحيا
بعد الادوية هذه الجراحات اصبحت جزء من التاريخ
فلو تأثير هذه النوعية من الجراحات علي المرضي الذين لا يعانون من السمنة يقارب او يماثل تاثير الادوية فلا حاجة اذن لتكاليف و مضاعفات الجراحة اذا كنت سأصل لنفس النتيجة عن طريق الاقراص