تربية الأولاد في دول غير عربية ??

[ehab]

السلام عليكم

سبق وكان فيه موضوع قديم عن الهجرة
الموضوع ده كان في 2010

http://www.nilemotors.net/Nile/190729-a.html

الوضع دلوقتي أخلاقياً ومادياً أصبح أصعب بكتير من وقتها
فالتفكير فالهجرة أصبح الهدف لكتير من شباب الجيل
ممكن الأخوة الأكبر مننا يشاركون بتجاربهم أو تجارب قريبة لهم في تربية الاولد تربية سليمة في الهجرة
وفي عيشتك كمسلم في البلاد الغير عربية

ولو في دكاترة لهم تجارب في السفر هل بيعرفوا يوجدوا فرص كويسة بعد ما بيرجعم مصر

[ahmedwagdy03]

تربية الأولاد فى دول غير عربية ( دول العالم الأول أو المتحضر ) . بإختصار حيتعلموا كويس و مخهم حينضف و مستوى تفكيرهم حيبقى عالي جدا و حيبقوا بني آدمين حتى على المستوى الأخلاقى حيبقوا متحضرين نوعا ما مقارنه بالمستويات اللى بنشوفها عندنا .

إنما موضوع القيم و التحرر و التدين مش مضمونة حتى لو عملت عليهم رقابة .بس الكلام ده تبدأ تعاني منه بعد سن ال 15

[Ahmed Eraqy]

متابع ... و ياريت لو حد عنده تجارب يحكيها

[amr011111]

ولو في دكاترة لهم تجارب في السفر هل بيعرفوا يوجدوا فرص كويسة بعد ما بيرجعم مصر

أبسطها فتح عياده خاصة والخساره فيها بسيطه يدوبك تمن الايجار الشهرى والاثاث

[ahmed1981]

.
واحد أعرفه شخصيا في سويسرا
عياله لسه هيدخلوا إبتدائي
بيجهز عياله حاليا للنزول لمصر والتعلم فيها
لأنه فكر وحاول ولقى نفسه مش هيقدر يحافظ على دينهم كمسلمين ولا على أخلاقهم
.

[dr_click]

هو علي حسب تعريف الدين عند الشخص
لو الدين عنده بس كلام و عادي تكذب و تسرق و ترتشي أكيد مش هيلاقي أحسن من مصر علشان يربي ولاده
لو الدين هو العمل و الصدق و الاتقان في العمل و الامانة يبقي برة مصر و ياريت دولة مش عربية

[mk3]

مش هتعرف تربيهم وهيلاقوا الغلط فى البيت مسموح وعادى والدنيا كلها بتعمله بره
كلامى على اخو صديق متجوز بلجيكيه ومهاجر بلجيكا

[samyyousef]

بالنسبة لموضوع الدكتور حايعرف يشتغل ام لا؟ طبعا لو الهجرة لدولة من دول العالم المتحضر او الاقل من المتحضر بشوية حايحتاج على الاقل ياخد ترخيص و لا اظن ان الامر سيقف عند مجرد استئجار شقة اذ ربما يطلبوا معادلة للشهادة و خلافه...و حايحتاج يتعلم هناك حاجات ربما لم يسمع عنها في مصر مثل حاجة اسمها حق المريض في الوقوف على خطة علاج و حق المريض في التواصل مع الطبيب ...باختصار حايسمع عن حاجات لم يسمع عنها في مصر اسمها حقوق المريض و لاول مرة ربما يعرف ان المريض و اهله ليسوا اعداء له و انه لا مانع ان يتعامل معهم بقدر من الانسانية (الكلام ده بالنسبة لبعض الدكاترة)
اما بالنسبة للتربية على الاخلاق و الدين...فالامر لا يخطئه مبصر بالنسبة لصعوبة ذلك، و اذ نجح الاهل في تربية الجيل الاول ...فماذا عن الاجيال التالية...ثم ان اليمين المتطرف يزداد في هذه الدول و اصبح المسلمين مضطهدين هناك ...على كل حال انا ليس لي تجارب شخصية ...لكن كلنا بنسمع و بنشوف، و العالم اصبح قرية صغيرة ..و للامانة لي قريب كان بيعمل الدكتوراه في كندا و ذكر ان عدد المصلين في صلاة الفجر في المنطقة التي كان يقيم فيها اكثر من عددهم في مصر.