السلام عليكم عاوز اروح معهد اللغات القوات المسلحة القاهرة من اسكندرية

[inceptor]

السلام عليكم
انا كنت عاوز اروح
معهد اللغات للقوات المسلحة ,شارع اسماعيل الفنجرى، كوبري القبة فى القاهرة

ممكن اعرف ايه افضل طريقة؟ وهل لو ركبت المترو يوصلنى ولالا؟ ياريت تقولى لى انزل منين فى القاهرة من الاتوبيسات القادمة من الاسكندرية واركب ايه بالتفصيل بس ياريت بلاش تاكسى

[mohamed ataa]

اهلا وسهلا بحضرتك الاول بوجودك فى القاهرة وتيجى بالف سلامة
المهم حضرتك هتركب المترو من محطة رمسيس وتركب اتجاه المرج
تنزل محطة كوبرى القبة وتعدى السلم اللى جوة المحطة بعد ما تنزل تخرج هتمشى مسافة 5دقايق وتلاقى معهد اللغات وبمجرد خروجك من المحطة لو سالت حد معهد اللغات هيشاورلك عليه

[inceptor]

شكرا جدا لحضرتك انا كنت لاقيت على الخريطة، ان المسافة بعيدة اووى اتمنى فعلا تكون قريبة انا شاكر جدا لحضرتك

[marsguy]

شكرا جدا لحضرتك انا كنت لاقيت على الخريطة، ان المسافة بعيدة اووى اتمنى فعلا تكون قريبة انا شاكر جدا لحضرتك

هي المسافه أكبر شويه من خمس دقائق شويه. هي حوالي 10 دقائق. بس هي مش مسافه بعيده أوي ما تقلقش

[inceptor]

شكرا لحضرتك طمنتينى جزاك الله خيرا

[هيثم مجدي]

مش عشر دقايق
هتمشي حوالي نص ساعه على الوصف دا
مينفعش تاخدها مشي خالص لو انت ملكش في المشي

فيه طريق تاني اسهل وبرضه بالمترو
تركب من رمسيس (الشهداء) مترو (اتجاه الجيزة)
هتركب محطة واحدة وتنزل (محطة العتبة)
من محطة العتبة هتدور على يافطة مكتوب عليها (اتجاه العباسية)
تركب من اتجاه العباسية المترو وتنزل محطة (ارض المعارض)
هتلاقي المركز قدامها على طول

وانت راجع هتركب مترو اتجاه العتبة
ومن العتبة هتطلع تركب مترو اتجاه شبرا
تنزل الشهداء (رمسيس)

[mohamed ataa]

شكرا جدا لحضرتك انا كنت لاقيت على الخريطة، ان المسافة بعيدة اووى اتمنى فعلا تكون قريبة انا شاكر جدا لحضرتك

هى مش بعيدة قوى و5دقايق مجازا اقصد ممكن تزيد شوية تقل شوية انت وخطوتك يا باشا

[mohamed ataa]

مش عشر دقايق
هتمشي حوالي نص ساعه على الوصف دا
مينفعش تاخدها مشي خالص لو انت ملكش في المشي

فيه طريق تاني اسهل وبرضه بالمترو
تركب من رمسيس (الشهداء) مترو (اتجاه الجيزة)
هتركب محطة واحدة وتنزل (محطة العتبة)
من محطة العتبة هتدور على يافطة مكتوب عليها (اتجاه العباسية)
تركب من اتجاه العباسية المترو وتنزل محطة (ارض المعارض)
هتلاقي المركز قدامها على طول

وانت راجع هتركب مترو اتجاه العتبة
ومن العتبة هتطلع تركب مترو اتجاه شبرا
تنزل الشهداء (رمسيس)

ياباشا كدة الراجل هيتوه انت لففتوا المترو وبعدين كوبرى القبة اقرب كتير من ارض المعارض

[acura]

اسهل حاجة تركب مترو من رمسيس وتنزل محطة كوبري القبة بره المحطة ميكروباصات جامعة الازهر الحي السادس اركب وقول للسواق هينزلك قدام باب المعهد بالظبط والاجرة تقريبا جنيه ونصف على ما اتذكر

[inceptor]

اوباااااااااااااااااا انا بكرة رايح ياجدعان كدة شكلى حتوه بجد، لو فعلا ف ميكروباصات يبقى افضل حل انا خايف من موضوع اروح ارض المعارض احسن كدة فعلا حتوه

[acura]

لا اطمن زي ما قلت لحضرتك قدام بوابة مترو كوبري القبة هتلاقي ميكروباصات بتنادي جامعة الازهر الحي السادس قوله نزلني معهد لغات القوات المسلحة هتلاقي نفسك قدامه بالظبط

[mohamed ataa]

بص يا باشا علشان متتعبش هتركب المترو تنزل كوبرى القبة هتعدى السلم من داخل المحطة وتطلع هتمشى من 5ل10 دقايق لو مش هتقدر تمشى فى باصات بتروح جامعة الازهر هتركب وتقوله نزلنى معهد اللغات بس متقلقش من المشى بسيطة الاسكندرانية بيحبو المشى ع البحر

[inceptor]

هههههههههه والله متشكر ليكم جدا فعلا انا روحت زى ما قولتولى والموضوع سهل فعلا ومش بعيد ولا حاجة ومية مية
شكرا ليكم يارجالة اعوضهالكم فى الاسكندرية بقى :)