هل يبيع مغربي نظارات تقليد؟

[h_fares el nou]

السلام عليكم
النهاردة اشتريت نظارة طبية من مغربي نوعها Ray-Ban , ولان سعر العدسات هناك غالي جدا قررت اعمل العدسات برة
المحل اللي وديتله النظارة علشان العدسات قاللي دي تقليد وسعرها 125 ج
لانها صنع في الصين وكمان لان الكتابة على الدراعين مكتوبة مش محفورة
هل الكلام دا صحيح؟ وهل ممكن يبيع مغربي نظارات مش اصلية؟

وشكرا مقدما لحضراتكم

[dede_dodo88]

معظم الray-ban دلوقتي صيني لكن ده مش معناه انها تقليد, ده مجرد outsourcing عشان يقللوا التكلفة..

[Anaslbda]

مين قال ان الكتابة على الدراعين لازم تكون محفورة؟ هري وفتي وخلاص.

[dongol123]

الريبان الاصلي تعرفها ان مخدات النضارة بيبقي مكتوب عليها حرف r

و ممكن عادي تكون مصنوعة في الصين و اصلي و ما بيبقاش محفور عليها و لا حاجة...كتابة عادية و بس

انا اشتريت نضارة من الامارات و كنت هرجعها لما لقيت مكتوب عليها مصنوعة في الصين بس البياع في المحل أكدلي ان كل الريبان الايام دي بيبقي جاي من الصين علشان رخص العمالة.

[h_fares el nou]

عموما انا كتبت الكود الموجود في الدراع على جوجل ، وظهرتلي صور النضارة

وكمان لقيتها بنفس الكود على موقع Amazon

[hh]

كلام فارغ طبعا. مغربي مش بيبيع حاجة مضروبة

[ahmedwagdy03]

أول مرة أعرف إن الكتابة على الريبان حفر أو بارزة . ده الراجل اللى قالك كدة جاب التايهة .

إطارات ريبان تصنع فى الصين أحيانا لبعض الدول . كذلك يوجد نظارات ريبان فى الأسواق صنع فى إيطاليا و لكنها غير أصلية .

العبرة بالخامات المصنوع منها النظارات و جودة المظهر .

أنا شخصيا معي نظارة نظر من مغربى (الرياض ) مش مكتوب عليها بلد الصنع و الكتابة عليها مش محفورة بس أنا متأكد تماما إنها أصلية .

بالتأكيد مغربى مش حيخاطر بسمعته فى مصر أو أي بلد تانى و بالذات هو وكيل المنتج

فيه كتير من الناس بيفتوا بدون علم لإن حياتهم كلها جهل

[acura]

في مصر توقع اي شيء من اي اسم مهما كان كبير لان مفيش لا رقابة على الجودة ولا محاسبة من اي نوع

[h_shahin]

المهم بقى تاخد بالك للراجل اللى قالك كده يبدل النظارة بتاعتك بواحدة صينى

[د.محمود صلاح]

العلبة بتاعتها تقدر تحددلك دي هاي كوبي ولا أصلي

[MRBEBO]

اشتريتها بكام من المغربي ؟

[h_fares el nou]

اشتريتها بكام من المغربي ؟

1000