برجاء النصيحه بخصوص شراء تلفزيون كايرا

[mrelec]

السلام عليكم
كل عام وانتم بخير بمناسبة المولد النبوى الشريف

كنت عايز رأيكم فى شاشات كايرا 40 بوصه ؟
من ناحية جودة المكونات والصيانه والتوكيل وهل قطع الغيار متوفره ولا لأ
لأنى ناوى اشتري شاشه كايرا 40 بوصه سعرها 2500 والى عاجبنى فيها ان معدل التحديث بتاعها 120 هرتز . ايه رأيكم اخوانى الافاضل ؟

وكمان فيه شاشة سكاى لاين 40 هى سعرها 2000
فلو نفس الجوده اجيب سكاى ووفر فرق السعر

انا منتظر رأيكم

[MaZaGAngeE]

اختي جايبه ال 32 من تلات سنين و شغالة معاها كويس .... لكن انا شايف ان الفرق في السعر بينها و بين سامسونج او ال جي البلازما او ااترومان ال سي دي مش كبير .. ليه بقى اخد اسم مش مشهور تشان فرق 300 جنيه ؟

[acura]

كل سنة وحضرتك طيب وصل اللهم على سيدنا محمد
ابتعد تماما عن الماركات المجهولة
قدامك ال جي وسامسونج موديلات ملهاش نهاية
حتى لا تزعل على فلوسك بعد كام شهر

[ali ashraf]

توشيبا العربى

توشيبا العربى ممتاز و فى حالة الاعطال بتتصل بالصيانة يحضروا للبيت و الاصلاح خدمة بعد البيع ممتازة وعن تجربة ان شاء الله اليومين دول بفكر فى شراء 42 توشيبا

[mohamed2002]

توشيبا او شارب خدمة ضمان ممتازة ومحترمة

[mrelec]

تمام لكن انا ميزانيتى فى حدود المبلغ ده ومش هعرف ازود عن كده انا سألت على المكونات الداخليه قالولى كله واحد مع اختلاف الاسم والضمان . فأنا ميال للسكاى لاين عشان فرق سعر يستاهل هل فيه حد جربه ؟

[mk3]

توشيبا 40 بوصه ب 2900 لسه شاريها
بص الواحد عايز يشغل حاجه واما تبوظ بعد عمر يرميها لا ضمان ولا حتى صيانه...لانى معنديش دماغ ولا وقت حتى لو الضمان محترم... الشاشه رايحه فين رايحه الصيانه جايه منيين جايه من الصيانه.

[د.محمود صلاح]

بوردة التشغيل + جودة الشاشة ... الماركات العالمية تكسب

[mrelec]

شكرا لكم جميعا على الاهتمام

[Salamonti]

عندي كايرا 32 بقاله 6 سنين شغال زي الفل مافهوش أي مشاكل..
أيام ما اشتريته كان بيقرا ملفات بصيغة معينة فقط من اليو اس بي، وبعدها بفترة بقا نفس الموديل بينزل بسوفت جديد بيقرا صيغ متعددة للأفلام، فاتصلت بالشركة اسأل عن إمكانية تحديث الجهاز بتاعي قاموا بعتولي مندوب بعدها بيومين نزل السوفت الجديد وبقا يقرا معظم الحجات عادي وأخد 30 جنيه تكلفة الزيارة وبصراحة معاملتهم كانت محترمة جدا

كجودة وشغل اعتقد الجهاز صفقة ممتازة مقابل سعره ومتهيألي انه من أحسن الماركات الجديدة والشركة بتدي فترة ضمان كبيرة خمس سنوات

صديقي مشتري 32 بوصة جاك طلع سيء جدا وصورته مبكسلة
والدتي عندها هاي سنس جميل ورائع بس ماعرفش سعره
اليونيفرسال عند ناس قرايبي متوسط الجودة
وفيه كمان يونيون إير اخويا اشتراه وجميل مش وحش..

ده كل اللي اعرفه عن الماركات الجديدة..
لو شوفت ماركات تانية غير دول يفضل ماتشتريش غير لما تسأل حد شاري منها لأن الشكل مش كل حاجة..