أفضل الدفايات:نوعا و ماركة

[digicron]

السلام عليكم..
مع قدوم فصل الشتاء و زيادة حدة البرودة يتبادر الى الاذهان الاستعانة بوسيلة تدفئة مناسبة للحماية و تجنب نزلات البرد..
استفساري بخصوص أفضل الدفايات من حيث النوع هل الهالوجين ام الزيت ام المزودة بمروحة
و كذلك الماركات المتواجدة بالسوق المصري مع التركيز طبعا على الامان و السعر مقابل افضل المواصفات..مساحة الغرفة تقريبا 16 متر م
انا حاولت شراء تكييف بارد سخن ..لكن ملقتش خالص في السوق تكييفات حاليا..

[wawamoha]

دفايه زيت طبعا هيا احسن البدائل ...
انا كنت جايب واحده الماني من سنين .....
و حاليا جبت لاختي بلاك اند ديكر من بي تك

[digicron]

هي مشكلة دفاية الزيت الوحيدة انها بتاخد وقت طويل لغاية لما تحس انها بدأت تدفي المكان
طب بالنسبة لمساحة 16 متر م...كم ريشة بالدفاية الزيت تناسب تلك المساحة؟؟

[rotanamasoud]

عندنا دفايه زيت ولا ليها اى لازمه محتاجه 5 سعات على الاقل عشان تحس انها دفت الاوضه
كنت فكرت ابنى دفايه فى حيطه عندى وراها منور بحيث ان المدخنه تكون مباشره لاقيتها حتصرف مش اقل من الف جنيه
حستخدم حطب بيتباع للتشغيل وممكن فحم بس تراجعت عن الفكره خوفت تطلع دخان لانى معرفش افضل نوع من الخشب ليها
لاكن ستظل التدفئه باحتراق النار المباشره هى الاقوى (طبعا الدفايه دى كانت حتدفى الشقه كلها وتخليك تعد بهدوم الصيف زى النظام الاجنبى)

[lonedoctor]

الدفاية الزيتية فاشلة تاخذ وقت طويل جدا لتدفئة الغرفة واستهلاك كهرباء عالى لانها تعتمد على الاشعاع فقط فى التدفئة والذى ياخذ وقت طويل للانتقال من المنطقة المحيطة بالدفاية الى باقى الغرفة وامتصاص السخونة فى البداية عن طريق الجدران والاثاث الموجود فى الغرفة حتى تصل الغرفة الى درجة الحرارة المناسبة المرغوبة ونفس الشئ بالنسبة للدفاية التقليدية ذات الشمعات وهى اقل بالطبع لانها تعتمد على نفس النظرية لكن الدفاية الزيت لها مساحة سطح تلامس اكبر لكونها على هيئة ريش عريضة طولية
افضل انواع انواع التدفئة عن طريق وجود هواء ساخن يمر على ملف التسخين سواء اكان مكيف او مروحة دفاية
عندى بدل الدفاية الزيت 2 والقيت بهم فى المخزن واستخدم المكيف حاليا
تقبل تحياتى

[طارق _عبد السلام]

التكييف افضل واسرع فى التدفئه

[Elawany13]

مين اللى قال ان الدفايه بتحمى من نزلات البرد !!!!
بالعكس ديه من اهم اسباب ادوار البرد الشديد كمان

[A_H_M_A_D]

انا عندي الاتنين دفاية الزيت و دفاية الهواء Fan Heater , طبعا زي مالاخوة قالو دفاية الزيت مملة جداً ومابتحسش بأثرها الا بعد عدد ساعات كبير

الأفضل تشتري ال Fan Heater , وارشحلك نوعين الاتنين كويسين قوي , بلاك اند ديكر و ديلونجي

دي اللي عندي :

http://egypt.souq.com/eg-en/delonghi-electric-heater-2200-watts-white-and-blue-hvf3030mb-6312616/i/

[أبو_يوسف]

فعلا دفاية الزيت مملة عن تجربة ومحتاجة مساحة صغيرة
شفت نوع من الدفايات بيتركب في الحائط زي التكييف بس اصغر من التكييف سعرها في حدود 500ج بس نوع مش مشهور مش فاكره
واظن الدفايات الشمعة مشكلتها حرق الاكسجين .. وفي انواع بتشتغل بالانفراريد ويقال انها صحية اكتر
أنا مجربتش غير الدفاية الزيت وتدفئة التكييف ممتازة..
وبفكر اجيب واحدة مروحة بس مش عارف هل بتكفي لتدفئة حجرة بالكامل ولا بس المساحة المواجهة لها؟
وهل ضروري تكون بتتحرك دائريا ولا ممكن ثابته

[amrelsha3er]

من عيوب دفايات الزيت انها بتاخد وقت
ولكن اعتقد انها اصح (صحيا يعنى) وذلك لانها بتمتص البروده من الغرفه اولا وبعيدن تدفئه المكان
بالتالى تعرضك للاصابه بنزلات البرد اقل شويه من الدفايات ام مروحه او الدفايات العاديه لانها بتسخن المكان جامد وتعرض جسمك للسخونيه وخروجك من الغرفه يكون تعرضك للتعب اكتر
ارشح الدفايه الزيت

[أبو_يوسف]

إيه رأيكم في الدفاية دي ؟ وايه الميزة بالظبط في إنها سيراميك؟

دفاية بعنصر تدفئة سيراميك 2000 وات من بلاك آند ديكر [HX330] للبيع في مصر, عمان, الزرقاء. افضل سعر، مراجعة و تقييم | سوق