اروح العنوان دا ازاى موصلات من وسط البلد .. فى مدينة الرحاب

[3abdo.it]

الرحاب
السوق التجارى
بوابة 6
شارع الشبراوى
بجانب جراند ماركت

انا جيلى شغل هناك هل هقدر اروح كل يوم موصلات انا معنديش عربية حاليا

[م أحمد]

فى اوتوبيس بجوار محطة سراى القبة يوميا للرحاب و له اكتر من موعد

اول حاجة 8.30 تقريبا

[Mahmoud Naguib]

بص ياريس

عندك أكتر من طريقة تيجي بيهم الرحاب بس ده هيعتمد على كونك هتيجي منين من وسط البلد
بس أفضل طريقة تركب باص بيروح زهراء مدينة نصر وهما كتير أوي وماليين القاهرة وتنزل الحي العاشر وتركب منه على الرحاب على طول
الأجرة 2ج للباص النقل العام و2ج للميكروباص اللي هيروح من العاشر للرحاب وهينزلك قدام بوابة 6 وهتتمشى 3 دقايق بالظبط لجراند ماركت

علشان تحسبها كويس لازم تعرف انك لو جاي مثلا من رمسيس الطريق لو مفيش زحمة هياخد منك من ساعة ل ساعة ونص مثلا !
يعني ساعة الا ربع للحي العاشر ونص ساعة من العاشر للرحاب
فحاول لو هتدور على شغل ف الرحاب تشوف شغل بيوفر سكن جوة المدينة علشان المواصلات والمصاريف مش هتوفر بيها حاجة وهتزهق من الطريق رايح جاي كل يوم
بس عامة المدينة حلوة وهتنبسط لو سكنت فيها بس السكن هنا غالي جدا بس في أكتر من مكان بيوفروا سكن للموظفين