بجدد المحل ومحتاج استفسر عن سعر حاجه

[Ahmedo0o]

السلام عليكم
بجدد المحل ومحتاج اعرف سعر المتر فى العلاقات اللى بتركب على الجدران بدل ما اعمل نقاشه كتير
قصدى اللى هيا فى السنترالات ومحلات الموبايل بيركب فيها علاقات او ارفف على علاقات
عاوز اسعر سعر المتر بدون تركيب وبتركيب
ولو فيه حد من المنصورة يقولى بتتباع فين

[mk3]

قصدك السلات
دى خشب الوان فيه مجارى والمجارى بيركب جواها مجارى صفيح او المونيا والمجارى المعدن بيركب عليها الحوامل والحوامل بيركب عليها الارفف او علاقات شوك بيركب عليها البضاعه مباشره.

السعر على ما اتذكر اللوح خشب ب 100 الى 125
المجرى المعدن ب 10 الى 15
علاقه الرف ب 6 تقريبا
الرف حسب خامته ومساحته يبدأ من 25
الشوكه ب جنيه ونص

الاسعار حديثه نوعا لانى كنت لسه مشطب محل ومحصلش نصيب لظروف ما
بس انا فى القاهره اللى محتاج الخامات وبنص التمن انا فى الخدمه

[Ahmedo0o]

شكرا يا برنس
واللوح الخشب كام فى كام

[Ahmedo0o]

المساحه اقصد

[mk3]

شكرا يا برنس
واللوح الخشب كام فى كام

هو المقاس ثابت الطول 2.44 متر
العرض 1.22 متر
وعلى ما اتذكر ان اللوح عرض جاى مقسوم لوحين

[Ahmedo0o]

مش اقصد كدا
بص انتا عندك كام منر او كام لوح خشب واللون ايه
لو اللون عجبنى انا شارى
انا محتاج حوالى 8 متر او اقل من 9 عرض

[Ahmedo0o]

ولو امكن صوره اكون لك من الشاكرين

[mk3]

المساحه على ما اتذكر 12 متر
حاضر هدور على صوره وابعتهالك عالخاص
وفى كمان باترينه عرض زجاج فى مواسير استانلس 3 او 4 ادوار لو لزمالك
وكده كده لو عجبوك السعر النص