موبايلي اتسرق

[Mohamed_1414]

الموبايل بتاعي اتسرق مني لسه حالا
اعمل اية علشان امسح اللي علية
واقفلة

[mrvolt]

ياريت تكون عامله كله سر او نمط

اتسرق ازاى

[Mohamed_1414]

اثنين علي موتوسيكل في المعادي
مقفول ببصمة الاصبع
galaxy s5

اجيبة تاني ازاي او امسح اللي علية ازاي

[miam0502788391]

فى الغالب اللى بيسرق مش بيسرق علشان المعلومات والصور على الموبايل لكن بيسرق الموبايل فى حد ذاته كقيمة مادية

[Mohamed_1414]

اية ياجماعة
هوة انا الوحيد في مصر اللي موبايلة اتسرق ولا اية

[SAMEH_FOUAD]

فية عندك خاصية فى التليفون كنت المفروض تفعلها , اسمها DEVICE MANAGER

https://www.google.com/android/devicemanager?hl=en&u=0

ادخل على اللينك دة ويارب ان شاء الله يكون متسجل , هتلاقى عندك فية اختيارات انك تقفلة او تمسح اللى علية او تقفلة

[midoabdeen]

اولا ربنا يعوض عليك
انا تليفوني اتسرق في رمضان قبل اللي فات
روح مباحث التليفونات اللي في سنترال الماظة اعمل محضر بالعلبة بتاعت التليفون
وبعد فترة المحضر بيتحول النيابة و بعدين النيابة بتعبت لشركات الاتصالات طلب تتبع للتليفون
انا الحمد لله جالي من اول مرة اللي استعملوا التليفون وكلمتهم ومحدش ردي يرجعه قومت مكمل الحوار في المحكمة و اتحكم عليهم وكلمتهم تاني قولتلهم علي رقم الحكم اللي طلع عليه وجة زي ........ ودفع فلوس التليفون علشان اتنزله عن المحضر
نصيحة امشي في الاجرائات دي واوعي تياس لو طلب طلب التتبع سلبي مرة واتنين والف اعملة تانية

[Karim Alaa]

زى متقالك بص يا سيدى هو هيعمل حاجه من اتنين يا اما هيفرمط كل شىء عشان يعرف يفتح الموبيل و بينزله custom rom عشان انت متعرفش تتبعه او هيحاول مع الريكفرى من غير البصمه لو حاول مع الريكفرى يبقى android manager هيفرمطلك كل شىء اول ميفتح نت و يهيفتح نت غصب عنه اول ما يحط شريحه لو فرمط هو و عمل حوارات يبقى هو عمل الى انت عايزه من الاول تمام تمام

الشىء التانى حضرتك ممكن تتصل بجهاز الاتصالات تديهم رقم السريال و هيتقفل تماما فى مصر بس هيقولك مش هينفع تتبعه و مش هيرجعلك او تفضل انك تجيب واسطه و يتتبعوه ساعه اما يحط فيه شريحه

ثالثا لو هو سارقه فعلا عشان الداتا و دى حالات نادره جدا ففى برامج محترفين هتوصل للملفات من غير ميعدى عل اى حمايه ايا كانت و عشان كده اى شىء شخصى يتخاف عليه ميتحطش على موبيل اتمنى اكون افدتك