واحد عايز يصالح زوجته

[hafez35]

يا جماعة فى واحد صاحبى مشاغل الحياة الهته عن زوجته وشعر كدة انها زهقانة (مش انا طبعا باقول واحد صاحبى) ولا بيفسحها وبييجى يوم الاجازة ينام (طبعا مهو تعبان طول الاسبوع)قرر ان ياخذ يوم اجازة عشان يخرجها فايه احسن مكان يخليها تنسى وترجع بنوتة حبوبة مش سيدة المنزل التقليدية التى مخنوقة من حياتها وتشعر بحب زوجها من تانى

[TaoTao]

أحسن مكان هو مكان مميز كانوا بيخرجوا فيه أيام الخطوبة وليهم فيه ذكريات، ووردة :)

[aif]

والله حتى من غير فسحة ولا حاجة ... ورد :k10:.... كلمتين حلوين :k1:....المعاملة الحلوة والكلام الحلو ح يؤدي الي نتيجة ممتازة
لكن برضه ما يمنعش من هدية تكون هي بتحبها ....
تورته .... شيكو .... شيكولاته يعني .... انسيال ذهب ...حسب اللي تقدر تشترية
لكن عموما معظم الستات يسهل ارضاءهن .... بالطريقة السابقة

[mazagngi2010]

الست تتاكل باللسان الحلو
رغم انى مليش فى الستات خاااااااالص بس ده اللى بعرفه من المخضرمين
وعلى فكرة الراجل ده بيقول كلام زى الفل

أحسن مكان هو مكان مميز كانوا بيخرجوا فيه أيام الخطوبة وليهم فيه ذكريات، ووردة :)

[hafez35]

شكرا لكما ويا جماعة انا حاسس اننا كلنا كرجالة شرقيين بنقع فى المطب دة افعالنا حلوة وطيبة وبنتعب عشانهم ولكن مش بنعرف نتكلم كويس صح ولا ايه وعلى فكرة نفسى مشاركة البنات عشان نشوف ارائهن ايه

[muslimah_dentist]

الست أبسط حاجة ترضيها بس تكون طالعة من القلب .

اللى أهم من الخروجة الحلوة الكلام الحلو ، عارف حتى لو جبلها عشاء فى البيت كفاية احساسها انه مهتم بيها ديه عند أى ست بالدنيا.

نصيحتى لزميلك كام كلمتين حلوين كدة من اللى كان بيقولها لها أيام الخطوبة مع بوكيه ورد و هى هتطير من الفرحة.

[Dr.A.Nabil]

خليه يغير جو

تغيير الجو برضه حلو ليه وليها
ممكن يطلع مثلا اي حته قريبه
عشان حتى يعمل ريفريش من الشغل كمان

[A.Saad]

الست بتحب الكلمة الحلوة والتقدير
يعنى
تسلم ايدك على الاكل ده
ايه الجمال ده
ايه الشياكة دى
متنزليش النهاردة للشارع يقف
ــــــــــ
بس المشكلة فى اللى تخللى النفس تتفتح

[Nile Heart]

جهنم

توصلها ورجع تنام

[Miss_Pharma]

جهنم

توصلها ورجع تنام

حررررام عليك والله ..

انا برضه بقول هدية حلوة مع كلمتين حلوين كفاية اوي ..
وياسلام لو الهدية حاجة دهب.. خاتم دهب مثلا .. والدهب رخيص اليومين دول ..
ياااااه دي هتبقى مبسوطة بيه جدا وهتقعد تكلم صحباتها ومامتها وتقولهم شفتم جوزي حبيبي جابلي ايه ..وهتبقى طايرة بيه :k1:

[نور القمر]

خدها واتعشوا في اي مكان برة
والهدية بتفرح الست اوي
لو تقدر تجيب حاجة دهب يبقه جنان اهم حاجة عند الستات الدهب
او لو الميزانية مخرمة ممكن لبس

[mido_919]

هي فعلا وردة ومكان بيحبوه هما الاتنين او اول مكان اتقابلوا فيه الحوار ده كله هيخلص

[bemocarlo]

ست تتاكل باللسان الحلو
رغم انى مليش فى الستات خاااااااالص بس ده اللى بعرفه من المخضرمين
وعلى فكرة الراجل ده بيقول كلام زى الف
الله الله الله هو في مزاجنجي تاني في المنتدي ولا انا بيتهئالي؟
bemo,ire

[TICOXX]

جهنم

توصلها ورجع تنام

و هية هتسكت...ده انت طيب قوي؟

هتتصل من جهنم و تقولك : انت هتيجي تاخدني امتى؟ ولا هتقضيها كده مع اصحابك؟

[dr_3eshoo]

ههههههههههههههههههههههههههههههههههههههههههههههههه
احسن حاجه يعمل عبيط كانه مش واخد باله انها متضايقه