استشارة في السباكة

[acura]

ان شاء الله هأسس مطبخ وحمام وعايز المواسير 4/3 بوصة لجودة تدفق المياه السباك بيقولي 2/1 بوصة كفاية عشان مشاكل اللحام، والمية هتكون كويسة وسريعة، ده حقيقي؟ ولما بقوله نوع العزل ايه عشان اشتريه بيقولي متعزلش شغلي مش محتاج عزل فهل ده صح ان الشغل التمام مش لازمه عزل؟ وياريت متوسط اجرة السباك كام لمطبخ وحمام مقاس 3×2 تقريبا وشكرا جزيلا لحضراتكم

[hugan]

الداخلي حاليا كله ٣/٤ مش نص بوصه
نص بوصه لو الشقه في مكان شعبي وضخ المياه ضعيف

[ahmed_eng2001]

مشكلة مزمنة عندى فى الشقة .... المواسير الداخلة للشقة 1/2 بوصة .... و دى بتخلى السخان يفصل لما افتح حنفية المطبخ ... المواسير ال 3/4 افضل كتير فى تدفق المياه
و تقصد ايه بالعزل ؟؟!!! و ايه هى مشاكل اللحام الى ممكن تحصل فى المواسير ال 3/4 و ممكن يتلافيها فى ال1/2 بوصة ؟؟؟
و مقدرش افيد حضرتك فى المصنعية علشان دى بتختلف من مكان لاخر .... انا عملت موضوع السباكة من زمان اوى

[amr011111]

استخدم تلات تربع بوصه مواسير بى ار باننجر واعمل الصرف مواسير سمارت ولما السباك يخلص تتصل بالشركه تيجى تعمل اختبار كبس للمواسير وبتاخد ضمان خمسين سنه. وبالنسبه للعزل فيه نوعين فيه شيتات وفيه ناس بتستسهل وبتجيب جردل بيتومين بحوالى ستين جنيه. العزل فايدته ان لو حصل تسريب عندك فالميه متنزلش على الجار اللى تحت وطبعا ده بيحافظ على السقف الخرسانى وعلى الحديد من الصدأ. وساعتها البلاط عندك هيطبل. لو معزلتش العكس اللى هيحصل. المصنعيه بتختلف من مكان للاخر وبالتوفيق

[acura]

الداخلي حاليا كله ٣/٤ مش نص بوصه
نص بوصه لو الشقه في مكان شعبي وضخ المياه ضعيف

شكرا لحضرتك، انا قولت له كدة قالي النص بوصة شغال تمام مفيش مشاكل وممكن اركبلك 3/4 بوصة زي ما تحب بس شغلي كله نص بوصة ومحدش اشتكى منه

[acura]

مشكلة مزمنة عندى فى الشقة .... المواسير الداخلة للشقة 1/2 بوصة .... و دى بتخلى السخان يفصل لما افتح حنفية المطبخ ... المواسير ال 3/4 افضل كتير فى تدفق المياه
و تقصد ايه بالعزل ؟؟!!! و ايه هى مشاكل اللحام الى ممكن تحصل فى المواسير ال 3/4 و ممكن يتلافيها فى ال1/2 بوصة ؟؟؟
و مقدرش افيد حضرتك فى المصنعية علشان دى بتختلف من مكان لاخر .... انا عملت موضوع السباكة من زمان اوى

الف شكر، والعزل هي المادة السوداء (بيتومين) بتتغطي بيها الارضية والمواسير لمنع اي تسرب، وبالنسبة لمشاكل اللحام انا معرفش ايه تحديدا بس ده كلام السباك وبيقول ان سعر مواسير الـ 3/4 ضعف سعر النص بوصة عشان كدة بينصحنى اوفر واشتري نص بوصة احسن

[acura]

استخدم تلات تربع بوصه مواسير بى ار باننجر واعمل الصرف مواسير سمارت ولما السباك يخلص تتصل بالشركه تيجى تعمل اختبار كبس للمواسير وبتاخد ضمان خمسين سنه. وبالنسبه للعزل فيه نوعين فيه شيتات وفيه ناس بتستسهل وبتجيب جردل بيتومين بحوالى ستين جنيه. العزل فايدته ان لو حصل تسريب عندك فالميه متنزلش على الجار اللى تحت وطبعا ده بيحافظ على السقف الخرسانى وعلى الحديد من الصدأ. وساعتها البلاط عندك هيطبل. لو معزلتش العكس اللى هيحصل. المصنعيه بتختلف من مكان للاخر وبالتوفيق

جزاك الله خيرا، ان شاء الله هشتري br بس العزل ايه افضل نوع شيتات ولا عالبارد؟

[Mecha]

مواسير 3/4'' اجهادهاا اعلي عشان كدا السباك خايف ليضرب اللحام اللي مش هيتعمل ميه ميه.
وطبع الصنايعي يكيف الامور حسب امكانياته. 3/4" طبعا افضل لمشاكل السدد وعلي سرعة الميه تركب متور.مظنش لو حطيت بيتومين او شيتات هيقدر يمنع ضغط الميه من مسوره.انا افضل المسوره تكون خارجيه
مكشوفه لاي تسريب او اصلاح.

[Mecha]

وبالمناسبه مواسير باننجر دي مش الماني و بالمللي.
جت منين مقاسات البوصه !!!!!!!!!!!!!

[ahmed_eng2001]

الف شكر، والعزل هي المادة السوداء (بيتومين) بتتغطي بيها الارضية والمواسير لمنع اي تسرب، وبالنسبة لمشاكل اللحام انا معرفش ايه تحديدا بس ده كلام السباك وبيقول ان سعر مواسير الـ 3/4 ضعف سعر النص بوصة عشان كدة بينصحنى اوفر واشتري نص بوصة احسن

متستخسرش فى السباكة .... و خاصة فى مواسير المياه ... اتكل على الله و هات 3/4 .. و لا اعتقد ان حيكون فيها مشاكل فى اللحام ... و عذرا انا كنت فاكر انك حتعمل عزل للمواسير !!! زمان الناس كانت بتعمل عزل للمواسير الزهر

فيه بوتومين سائل ... و زمان كان بيتسخن و يتحط و هو ساخن ... و ظهر بوتومين بيتحط على البارد ... و اخر حاجة اعرفها .. الواح عازلة ... بتحطها على الارض .. و تسخن عليها بسيط من فوق .. تمسك فى الارض و تعمل عزل كويس .. مش عارف اذا كانت فيه حاجة جديدة ظهرت

[ahmed_eng2001]

مواسير 3/4'' اجهادهاا اعلي عشان كدا السباك خايف ليضرب اللحام اللي مش هيتعمل ميه ميه.
وطبع الصنايعي يكيف الامور حسب امكانياته. 3/4" طبعا افضل لمشاكل السدد وعلي سرعة الميه تركب متور.مظنش لو حطيت بيتومين او شيتات هيقدر يمنع ضغط الميه من مسوره.انا افضل المسوره تكون خارجيه
مكشوفه لاي تسريب او اصلاح.

من يومين كان عندى سدد فى المواسير الداخلية للشقة .... و كان نفسى اغيرها كلها من 1/2 بوصة .. الى 3/4 بوصة ... بس لازم اكسر السيراميك علشان اخلى المواسير مخفية جوة الحائط مرة اخرى ... و لكن لم اجرؤ على تكسير السيراميك :(
انا بفضل المواسير انها تكون خارجية لو زهر ... علشان تستحمل ... بس الستات مش بتحب شكل المواسير لو خارجية

[Mecha]

من يومين كان عندى سدد فى المواسير الداخلية للشقة .... و كان نفسى اغيرها كلها من 1/2 بوصة .. الى 3/4 بوصة ... بس لازم اكسر السيراميك علشان اخلى المواسير مخفية جوة الحائط مرة اخرى ... و لكن لم اجرؤ على تكسير السيراميك :(
انا بفضل المواسير انها تكون خارجية لو زهر ... علشان تستحمل ... بس الستات مش بتحب شكل المواسير لو خارجية

ازيك با بشمهندس
طبعا متكسرش ، تكلفه ووقت وحل غير جذري وياعالم تلاقي نقشة السيراميك القديم ومونه واسمنت وووووو. وانا شفت سباكبن بيحفر في الطوب عشان يداري المسوره واظن دا يضعف البنا .ومواسير pp لونها اخضر او ابيض جميل.مالها ماسوره تمشي في زاوية الحيط وتندهن لون مماهي للسيرامبك .مالو ورق حاءط يتلف ع المسوره بنقشة السيراميك. .
تحياتي

[ahmed_eng2001]

ازيك با بشمهندس
طبعا متكسرش ، تكلفه ووقت وحل غير جذري وياعالم تلاقي نقشة السيراميك القديم ومونه واسمنت وووووو. وانا شفت سباكبن بيحفر في الطوب عشان يداري المسوره واظن دا يضعف البنا .ومواسير pp لونها اخضر او ابيض جميل.مالها ماسوره تمشي في زاوية الحيط وتندهن لون مماهي للسيرامبك .مالو ورق حاءط يتلف ع المسوره بنقشة السيراميك. .
تحياتي

انا تمام الحمد لله .... انت اخبارك ايه ؟

اكبر مشكلة انى مش حلاقى بلاط السيراميك تانى .... ده غير انى حضطر افك المطبخ علشان اكسر تحته .. و الناس مش عاجبها ان المواسير تكون خارج الحيطة اصلا ...ربنا يسهل و اعرف اقنعهم

[amr011111]

انا تمام الحمد لله .... انت اخبارك ايه ؟

اكبر مشكلة انى مش حلاقى بلاط السيراميك تانى .... ده غير انى حضطر افك المطبخ علشان اكسر تحته .. و الناس مش عاجبها ان المواسير تكون خارج الحيطة اصلا ...ربنا يسهل و اعرف اقنعهم

لو المطبخ او الحمام اللى عاوز تغير فيهم المواسير على منور او على سلم ممكن تمشى المواسير فى المنور او تكسر فى حيطة السلم من بره وبعدين السباك يحفر بالشنيور لمداخل التغذيه

[A.Saad]

فيه ناس للعزل مخصوص وده الافضل
وفيه سباكين بتعمله
ولو غيرت السباك هيكون افضل

النص بوصة هيديك مياه ضعيفة