لأهل الخبرة ... المساحة المناسبة للسلالم في الصور وأفضل سلم شكل وراحة

[ESO101]

المساحة المناسبة ( طول وعرض ) وأفضل سلم شكل وراحة في الإستخدام

[ميرو اسامه]

المريح فى الصعود 3-2-1 على الترتيب .. والاقل استهلاكا للمساحه 1-2-3 وده وضع طبيعى فى تصميمات السلالم على حسب معلوماتى .. لأن تصميم السلم على قلبه واحدة متعب للصاعد عليه ولكن موفر للمساحه والعكس صحيح ..

[amr011111]

مساحة السلم هتبقى بناءا على تصميم المهندس المعماري. اهم حاجه ان النجار إللى ينفذ نجارة السلم يبقى استاذ

[ESO101]

المريح فى الصعود 3-2-1 على الترتيب .. والاقل استهلاكا للمساحه 1-2-3 وده وضع طبيعى فى تصميمات السلالم على حسب معلوماتى .. لأن تصميم السلم على قلبه واحدة متعب للصاعد عليه ولكن موفر للمساحه والعكس صحيح ..

طيب إيه رأي حضرتك في دا
بحسب اللي فهمته من الرد إن الشكل دا هيكون وسط بين توفير المساحة و الراحة .
السلم دا هيكون بين الدور الارضي و البدروم .. مخصص للضيافة ... يعني الإستخدام أقل من العادي
فممكن نضحي بشوية راحة مقابل الشكل .. بس التوفير في المساحة مهم

[ESO101]

مساحة السلم هتبقى بناءا على تصميم المهندس المعماري. اهم حاجه ان النجار إللى ينفذ نجارة السلم يبقى استاذ

إحنا متعطلين في التصميم بسبب السلم دا ... الشكل المقترح من المكتب الهندسي مش عاجبنا
والمهندس طلب افكار مشابهة للمطلوب بس تكون ممكنة التنفيذ في المساحة
أنا مش قادر أقدر المساحة من الصور ...
المساحة عندي في الأرضي 2 * 6 و في البدروم 4 * 6
كافية للسلم اللي حطيته في المشاركة السابقة ؟

[ميرو اسامه]

طيب إيه رأي حضرتك في دا
بحسب اللي فهمته من الرد إن الشكل دا هيكون وسط بين توفير المساحة و الراحة .
السلم دا هيكون بين الدور الارضي و البدروم .. مخصص للضيافة ... يعني الإستخدام أقل من العادي
فممكن نضحي بشوية راحة مقابل الشكل .. بس التوفير في المساحة مهم

راااائع بصراحه ومش مستهلك المساحه .. المهم التنفيذ يكون بنفس المستوى ..

[ESO101]

راااائع بصراحه ومش مستهلك المساحه .. المهم التنفيذ يكون بنفس المستوى ..

أشكرك يافندم على رأيك
بس ياريت المساحة اللي عندي تكون كافية لتطبيقه

[إنسانة]

انا مش من اهل الخبرة بس كنت تعاملت مع مهندس ديكور كان متعب جدا واضطريت اني اعمل رسم مقرب لكل فكرة وساعدني مهندس في موقع خمسات

ممكن تدخل وتبحث عن مهندسين وهتلاقي اجابة من حد عنده خبرة واسعارهم مناسبة "رمزيه جدا"


بالتوفيق

[SeiffoZ]

كل السلالم كويسة ... اللى بيحدد راحة السلم هو ارتفاع القوائم .. يعني من 15 سم ل16 سم بالكتير قوي.

لكن ده دول واحد وارتفاع بسيط مش هتفرق كام قلبة. شوف التصميم اللى يعجبك واتوكل على الله

[ESO101]

انا مش من اهل الخبرة بس كنت تعاملت مع مهندس ديكور كان متعب جدا واضطريت اني اعمل رسم مقرب لكل فكرة وساعدني مهندس في موقع خمسات

ممكن تدخل وتبحث عن مهندسين وهتلاقي اجابة من حد عنده خبرة واسعارهم مناسبة "رمزيه جدا"


بالتوفيق

لقيت مهندس وطلبت رسم هندسي كامل وبعتله صورة السلم المقترح
يارب يطلع محترف ويعمل رسم هندسي مناسب لطلبي
الغريبة المبلغ تافه وبيديك وقت ومتواجد على طول
المكتب بياخد آلاف ويمن عليك بالدقيقة .. عايز كلام نهائي .. ميزة المكتب في الإشراف
شكرًا لحضرتك على إقتراحك

[ESO101]

كل السلالم كويسة ... اللى بيحدد راحة السلم هو ارتفاع القوائم .. يعني من 15 سم ل16 سم بالكتير قوي.

لكن ده دول واحد وارتفاع بسيط مش هتفرق كام قلبة. شوف التصميم اللى يعجبك واتوكل على الله

أفتكر والله اعلم إن الشكل وتصميم السلم وعدد القلبات وعدد القوائم في كل قلبة
ليه دور مش بس ارتفاع القائمة
متفق معاك .. بما انه دور الراحة مش مطلب أساسي
جزاك الله خير