السقف اللى فوقيا ناشع رطوبه عليا رغم انه معندوش تسريب

[mk3]

الدور اللى فوقيا ناشع رطوبه عليا رغم انه معندوش تسريب وعامل عزل.....
هل فيه ماده عزل للسقف بتاعى...السقف مش الارضيه

[hilal]

الماء ممكن يتسرب من الحرف العلوي للبانيو المجاور للحائط في الشقة العلوية

[ahmedwagdy03]

ممكن تعزل السقف من الداخل بس ده مكلف جدا و لازم تعمل الشقة بالكامل مع ملاحظة إن ده سيمنع التسريب عندك فقط و لكن سينتقل الرشح لمكان آخر فى الدور

[mk3]

ممكن تعزل السقف من الداخل بس ده مكلف جدا و لازم تعمل الشقة بالكامل مع ملاحظة إن ده سيمنع التسريب عندك فقط و لكن سينتقل الرشح لمكان آخر فى الدور

مفيش ماده كيميائيه تتدهن او تتعمجن

[mk3]

الماء ممكن يتسرب من الحرف العلوي للبانيو المجاور للحائط في الشقة العلوية

حضرتك تقصد ضهر او جمب البانيو الملاصق للحيطه

[smsm2015]

ممكن حرف قاعدة الحمام من تحت محتاج اسمنت ابيض خليه يشوف الاسمنت الابيض حواليها ... و احتمال يكون حرف البيبة البلاستك واطى شوية عن وش البيبة النيكل ولما تكون مسدودة المية بتعلى فيها وتنفذ من هذا الفرق الى تحت البلاط فعليك مراجعة ذلك وان وجد هذا الفرق يتعمل باسمنت ابيض وتخليه يسقى البلاط بالمرة ...

[ahmedsrs]

عمل سيراميك للسقف

[mk3]

السقف لسه مصيص واترطب طبعا من الميه...انزله تانى وامصص من اول وجديد ولا الدهان البلاستيك هيدارى

[svneleven]

المهم تحل المشكلة الرئيسية مش تعالج السقف بتاعك و خلاص لأن نفس الموضوع هيتكرر تاني لو ما عالجتش الموضوع من جذوره.

[ahmed_eng2001]

لازم تشوف مصدر الرطوبة ايه و توقفه ... يا اما فيه تسريب من ماسورة مياه او صرف صحى .... او رطوبة قديمة فى الارضية من فترة ...
لازم تكشف المحارة و تراقب تسريب المياه او الرطوبة .... و تعالج مصدر الرطوبة .. و بعدين ممكن تمحر تانى او تعزل

انما االمحارة او وضع مواد عازلة بدون اصلاح سبب الرطوبة.. ده مش حل جذرى

[ahmed_eng2001]

افتكرت سبب تانى .... بخار الماء الناتج من المياه الساخنة اثناء الاستحمام ... ممكن يخلى دهان السقف يقع ... و يخلى شكل السقف زى الناشع مياه

[mk3]

افتكرت سبب تانى .... بخار الماء الناتج من المياه الساخنة اثناء الاستحمام ... ممكن يخلى دهان السقف يقع ... و يخلى شكل السقف زى الناشع مياه

الشقه مش مسكونه

[mk3]

السيكا والبوند
حد يعرف عنهم حاجه..معظم الكلام عالنت عن عزل خرسانه الخزانات