شبكة الخطوبة

[kareem0000111]

السلام عليكم

لو سمحت عايز اعرف الشبكة الايام دى بتكون فى حدود كام ؟

انا محدد 10 الف للشبكة بس معرفش الاسعار اية دلوقتى وكمان انا لما اتكلمت مع اهلها ناس محترمة جداا ومتفاهمين

هل ال 10 دول كافين للشبكة ؟
والشبكة بتكون عبارة عن اية ؟

[HeMa_LanCeR]

والله علي حسب يعني فابريكا بره وجوه ولا رشة
وصيانتها في التوكيل ولا عند الصنايعية

لاحول ولا قوة إلا بالله

[kareem0000111]

والله علي حسب يعني فابريكا بره وجوه ولا رشة
وصيانتها في التوكيل ولا عند الصنايعية

لاحول ولا قوة إلا بالله

مش فاهم حاجة ؟
حضرتك دى اية ؟

[abdulkhaleq]

الاستاذ مش قصده حاجه
هو حضرتك يعني الأمور دي مش متحدده بالمسطره
دي قدراتك ولو الناس شاريينك الكلام ده مش هيفرق خالص فما تشغلش بالك خالص يعني

[kareem0000111]

الاستاذ مش قصده حاجه
هو حضرتك يعني الأمور دي مش متحدده بالمسطره
دي قدراتك ولو الناس شاريينك الكلام ده مش هيفرق خالص فما تشغلش بالك خالص يعني

شكرا للتوضيح
انا لسة متلكمتش معاهم فى الموضوع ده واساسا والدتها قالتلى اهم حاجة الكلمة ال تقولها تكون قدها لان الراجل بكلمتة

فانا بسال المليغ ده ال فى مقدورى حاليا
عايز اعرف بس كويس يعنى ويجب حاجة كويسة؟

[msobhy]

قول ان امكانياتك من 7 الى 10

[kareem0000111]

قول ان امكانياتك من 7 الى 10

تمام
طب الشبكة دى عبارة عن دبلة ومحبس واية تانى؟

[mk3]

نصيحه الناس اللى تلاقيهم عايزين شبكه معينه وشقه معينه ومرتب معين....حاول تتفاهم معاهم مفيش استجابه اهرب ياولد

[kareem0000111]

نصيحه الناس اللى تلاقيهم عايزين شبكه معينه وشقه معينه ومرتب معين....حاول تتفاهم معاهم مفيش استجابه اهرب ياولد

الصراحة الناس مقالوش عايزين اى حاجة هما مستنين انا هقول
فانا بسال اهو هل كويسين ؟ وهتبقى عبارة عن اية ؟

[mk3]

10 الاف كويسين اوى لو ناس مش بتبص للعادات الباليه والتقاليد الممزقه.....يعنى لو فى الصعيد سلامو عليكم ب 80 جرام دهب فما فوق.....اومفيش حاجه اسمها انت اللى تقول...انت بتقول لابوها تحت امرك وتسمع ...لقيت ترحيب واالى تجيبه فل..ما لو الناس عايزه زى صاحبتها وبنت خالتها اهرب يولد

[volociximab]

و عليكم السلام
حاسس انك مهزوز
قل قدراتك و شوف استجابتهم ايه
و الامور اخذ و رد و الناس بتظهر فى المواقف دى بايعه و لا شاريه غاويه مناظر و لا مش فى دماغها
انا اخويا من كام شهر راح لواحده هو واهلى
قالوا شبكة 25 الف و مؤخر 25 الف انا بنتى دكتورة
يا عم يا باشا يا بغاشه راح وشه مكشوف و قال ده الى عندى و الى عاجبه و بعد كده حب يصلح غلطته و يتكلم بالراحة(ما هو الناس فى المواقف دى بتلبس دور اهل الاصول الى عاوزين راجل)
خلاص يا باشا انت اتكشفت و ان اسلوبك هيبقي اسلوب شوارع
فنصيحتى بلاش تبقى مهزوز
انا يا جماعه امكانياتى كذا كذا كذا

[hugan]

علي ايامي كنت شاري ٥٠ جرام ب٢٠٠٠ جنيه
الجرام كان ب ٢٨ جنيه تقريبا
حاليا ١٠ الاف يادوبك
دبله وحبس وخاتم
ولاءن مفيش عرسان والشباب حالهم صعب
هايوافقوا ومش هايقولوا حاجه

[kareem0000111]

و عليكم السلام
حاسس انك مهزوز
قل قدراتك و شوف استجابتهم ايه
و الامور اخذ و رد و الناس بتظهر فى المواقف دى بايعه و لا شاريه غاويه مناظر و لا مش فى دماغها
انا اخويا من كام شهر راح لواحده هو واهلى
قالوا شبكة 25 الف و مؤخر 25 الف انا بنتى دكتورة
يا عم يا باشا يا بغاشه راح وشه مكشوف و قال ده الى عندى و الى عاجبه و بعد كده حب يصلح غلطته و يتكلم بالراحة(ما هو الناس فى المواقف دى بتلبس دور اهل الاصول الى عاوزين راجل)
خلاص يا باشا انت اتكشفت و ان اسلوبك هيبقي اسلوب شوارع
فنصيحتى بلاش تبقى مهزوز
انا يا جماعه امكانياتى كذا كذا كذا

تمام
شكرا لرد حضرتك
انا اساسا صريح معهم وهما اساسا عايزين صريح لانهم قالوا كلمه الراجل بكلمتة
يعنى هما قالولى قول ظروفك اية وهنقولك راينا

[طارق _عبد السلام]

عرفهم بكل ظروفك...المفروض هيكونوا اهلك بعد كده....وبعدين الحاجات دى بالوزن مش كلام هنقوله ويطلع صح

يعنى ممكن نقولك دبله ومحبس والعروسه تختارهم وزنهم تقيل سعرهم هيعدى.........ربنا معاك

[EgyArmy]

بص مبدئيا انت حتى لو جيبت بجنيه زى مليون جنيه بالنسبه لأهلها لو شاريينك هيفرحوا لكن بالنسبالك متبالغش لانك هتحس ان الحاجات دى بلا قيمه و اسئل مجرب

ثانيا ممكن تجيب بالعشرة دول
دبلتنين ليك و ليها و خاتم كده هتدخل فى 4 الاف
و اسورة صغيرة او تبدل الاسورة بغويشتين افرنجى صغيرين عشان العربى اغلى و بيتكسر بسرعه و مصناعية الغوايش قليله عن الاسورة يعنى الواحدة لو ب3 الاف هتبقى حلوة

و محدش ياخد الموضوع بتاع الراجل بهزار او تريقه لان دى تعتبر حياته الشخصيه و بيشارككم فيها