ماذا حدث لأسعر البترول العالميه

[amr011111]

السلام عليكم ورحمة الله وبركاته
ايه اللى حصل وخلى اسعار البترول العالميه تقل بالدرجه الكبيره ديه مما كان احد اسباب وجود عجز فى ميزانية السعوديه والكويت والامارت بتقول انها هتحتفل بتصدير اخر برميل من النفط
طيب ما دول كتير بتحتاج البترول ليه مش هيصدروه تانى
وليه الدول العربيه متعطش السوق بحيث تحافظ على اسعاره

[ahmed_eng2001]

عرض و طلب ... الان .. وجود الكثير من العرض ... دخول ايران السوق العالمية .... خروج امريكا من السوق لاعتمادهم على نوع اخر من البترول ... يتم انتاجه محليا

الغريب .... ان الدول المنتجة مش راضية تقلل الانتاج !!!!

[hilal]

بعض المحللين يتوقعون هبوط سعر البرميل الى 10 دولار هذا العام

والاسباب التي ذكروها تتلخص فيما يلي:
السعودية ترفض تخفيض الانتاج من اجل تعويض العجز في الموازنة ومواجهة نفقات الحرب في اليمن
وكذلك العراق لمواجهة نفقات حروبه ضد تنظيم الدولة
والصين في طريقها لتخفيض وارداتها من النفط هذا العام
ومعظم دول الخليج رفعت اسعار الوقود ومشتقات البترول امام مواطنيها مثل السعودية والبحرين وقطر

كل ذلك ادى لتراكم المعروض من النفط الذي لا يجد من يشتريه

وفي اعتقادي ان الخطوة التالية هي ضرب مدخرات الدول المنتجة للنفط من خلال زيادة اسعار السلع المستوردة وتنشيط سوق السلاح ......... وشكلها سنة غير سعيدة ، وعلينا ان نتوقع من الآن عودة الكثير من المصريين العاملين في هذه الدول بالاضافة الى نقص تحويلاتهم التي بدأت بالفعل.
ربنا يستر

[hobiko]

الدول العربية مش قادرة تخفض انتا جها من النفط مش بس بسبب انها مش عايزة تقلل من العائد ...... لأ كمان عشان ماتخسرش حصصها السوقية و عقودها طويلة الأمد

[Mohamed_Hamid]

مقال جيد هيفيدك

حرب النفط السعودية قد تتسبب في إفلاس المملكة بعد عامين | العرب, عربي و دولي | البديل

[volociximab]

و عليكم السلام و رحمة الله و بركاته
هناك ايضا جانب سياسي
ايران و روسيا معتمدين بشكل اساسى على النفط
ايران ليس عندها احتياطى نقدى مثل السعودية
كما ان البترول الصخرى غالى و يقال ان خفض سعر النفط سيكبد شركات البترول الصخرى خسائر
الخليج بيقفل ده اعتقاد شخصى و كله بيضرب فى كله و اعتقد ان الجميع بلا استثناء سيسقط الجميع

[ESO101]

طبعًا النفط الصخري لايمكن أن يكون أحد الأسباب
بصفتي أعمل في شركة نفط ...
1- داعش تصدر النفط عبر تركيا بكميات ضخمة وبأسعار متدنية
2- إيران تغرق السوق
3- لايمكن التوقف عن التصدير لأن البترول مقابل صفقات سلاح وتم ربط الكميات بعقود طويلة الأمد

[ESO101]

رفع العقوبات عن إيران بعد التزامها بالحد من برنامجها النووي
رفع العقوبات عن إيران بعد التزامها بالحد من برنامجها النووي - BBC Arabic
يعني العملية سياسية وضربة موجعة من أمريكا و إيران

[Mecha]

البترول متخفض من اكتر من سنه لتركيع روسيا وايران. ومش اول مره السعر ينزل ويرجع يقوم تاني.
والسعودية رمانة الانتاج العالمي ، العراق بتستورد بنزين وجاز منها والكويت.

[ESO101]

الخليج بيقفل ده اعتقاد شخصى و كله بيضرب فى كله و اعتقد ان الجميع بلا استثناء سيسقط الجميع

الخليج بيقفل أمام الموظفين والعمال .. ولكن يقدم كل التسهيلات للمستثمرين ..
دي فرصة ممتازة للمستثمرين

[ESO101]

البترول متخفض من اكتر من سنه لتركيع روسيا وايران. ومش اول مره السعر ينزل ويرجع يقوم تاني.
والسعودية رمانة الانتاج العالمي ، العراق بتستورد بنزين وجاز منها والكويت.

تصدير داعش متصور بالأقمار الصناعية
وطبعًا مش أول مرة .. وكان متوقع

[hobiko]

السعودية بتراهن ...... بما انها من اكبر منتجى النفط الرخيص ....... ان منتجى النفط مرتفع التكلفة زى بحر الشمال و القطب المتجمد و النفط الصخرى ....... حيخرجوا من السوق او على الأقل يققلوا انتاجهم و استثماراتهم فى المجال ده ...... و ده حيأدى لانخفاض العرض و ارتفاع الطلب و لما يرجع السعر يعلى تانى تكون هى المهيمنة على السوق

مغامرة بصراحة

[Mecha]

تصدير داعش متصور بالأقمار الصناعية

مفيش خلاف علي كدا حضرتك، لكن الجماعه دول زي ما انت شايف امكانباتهم للنفط بداءيه وصعب يعملوا تكرير ، ومفيش وجه مقارنه بقدرات المملكه الهاءله.

[ESO101]

مفيش خلاف علي كدا حضرتك، لكن الجماعه دول زي ما انت شايف امكانباتهم للنفط بداءيه وصعب يعملوا تكرير ، ومفيش وجه مقارنه بقدرات المملكه الهاءله.

بإحتساب حجم الخزانات ... كلامك مظبوط ..
لكن اللي بيحصل إن داعش سوق سوده وبتصدر بدون معايير تناسب المخزون مع حجم الصادر

دي عصابة مؤقتة.. المسألة كلها مسألة وقت هتخلص
والسعودية بإيدها أكتر من حل .. لكن كلها مرتبطة بدخولها في متاهات لا تعرف نتائجها
المشكلة إن اعداء السعودية مش عندهم حاجة يخسروها وممكن يخسر عشان يوجعك

[Mecha]

بإحتساب حجم الخزانات ... كلامك مظبوط ..
لكن اللي بيحصل إن داعش سوق سوده وبتصدر بدون معايير تناسب المخزون مع حجم الصادر

دي عصابة مؤقتة.. المسألة كلها مسألة وقت هتخلص
والسعودية بإيدها أكتر من حل .. لكن كلها مرتبطة بدخولها في متاهات لا تعرف نتائجها
المشكلة إن اعداء السعودية مش عندهم حاجة يخسروها وممكن يخسر عشان يوجعك

تمام ، فالجماعه دول بيبيعوا سرقه لتركيا. وطبعا شغل عصابات. لا هيقدروا يمدوا خطوط انابيب او مشروعات صح او معدات مظبوطه فبردك انتاجهم محدود ومشكوك فيه وعلي كف عفريت. والقوي العالميه لا بمكن تسمح لعصابه هما اللي عملوها تخرب سوق النفط المهول.وعراق صدام اتمسح للسبب دا.في حين المملكه بتوصل لسقف ١٤ مليون برميل يوميا تقريبا مفيش دوله تنافسها .مع بنيه نفطيه فوق الممتازه،قدرات بشريه ومعدات ومحطات تكرير وخزانات ومواني وانابيب ونظام اعتمادي مستقر.ايران بنيتهم النفطيه سيءة جدا بسبب الحصار والعراق بيستوردوا المكررات من السعوديه والكويت !!!!.