يه اللي المفروض نعلمه لاولادنا سن 8 سنوات

[subhimust]

السلام عليكم
ايه اللي المفروض نعلمه لاولادنا سن 8 سنوات فما فوق بعيد عن المواد المدرسية اللي لا هتقدم ولا هتاخر
يعني ايه المهارات اللي المغروض اخليه يكتسبها عشان تفيده بعد كده

[acura]

يحط دايما اهداف مختلفة لنفسه وينفذها
اهداف قصيرة وطويلة المدى

[subhimust]

يحط دايما اهداف مختلفة لنفسه وينفذها
اهداف قصيرة وطويلة المدى

هههه انا بكلم لو حب يكمل حياته بره البلد مش جوة البلد

[EgyArmy]

بما أنى خاطب و بفكر فى الأطفال من دلوقتى يبقى هقولك على الى ناوى أعمله
او الى كان ناقص فيا و ناوى اعوضه فيه
طبعا كلامى ممكن واحد يقراة أننا هعقد الواد و أخليه مكلكع
طبعا هقوله لأ
الأسلوب و الطريقة لو كانوا صح
أستحاله يتعقد

بما أنى مسلم ناوى أخليه يحفظ قرأن فى مكان معتدل مش متشدد
فيه كتب دينيه فيها أحاديث مفسره و بسيطه جدا ممكن يستوعبها فى سنه
أو هحاول أجيب الكتاب ده و الحاجة الى الاقيها تناسبه هقولهاله بحيث انها تستمر معاه
هفكرة دايما أن فيه حاجة أسمها داين تدان
و هحاول أجيبله كتب باللغة العاميه بس مفيده بس محدش يقولى كتاب زى 28 حرف بتاع أحمد حلمى عشان ميتعقدش لأنه بيحكى عن كوارث البلد شوية

بالنسبه للكمبيوتر أكيد هيستخدم الكمبيوتر من السن دة أو أقل
هخلى فيه مراقبه عليه بحجة أن الكمبيوتر بتاعنا كلنا لأنه طبعا هيطمح أنه يكون عنده اكونت فيس بوك أو تويتر أو الله أعلم وقتها هيكون فيه أيه تانى , و طبعا زى مانتم عارفين لو طفل أتربى على الحاجات دى بسوء أستخدام يبقى عليه العوض و منه العوض , يعنى مش هحرمه لكن هفهمه أن الحاجات دى مش لعب الحاجات دى تخليه يفهم الدنيا

بالنسبه للتليفزيون همسح كل القنوات بتاعة الأغانى و قنوات الأفلام المشبوهه و هخلى فيه قنوات للأفلام أة بس قنوات محترمة بحيث أنه ميتصدمش بالواقع لما يكبر شوية , و أنا عن نفسى بتفرج دايما على ناشيونال جيوجرافيك أبو ظبى بس ده مش معناه أنه هيتفرج عليها هو كمان معايا , على الأقل هيشوفنى بتابعها و لما عقله يستوعب أو يكبر شوية أكيد هيحاول يشوفها من نفسه

من خمس سنين كدة كنت ممكن أخليه يتفرج على ماتشات كورة , لكن فى الفتره الحاليه و حتى و الماتشات بدون جماهير مستحيل أخليه يتفرج عليها , كفاية سلوك و أسلوب اللاعبين مع بعض لما تلاقيهم بيضربوا بعض بالشلاليط و يقعوا زى الهبل و دول سنهم من 20 سنه لحد 35 سنه , ما بالك بطفل عنده 8 سنين !

بالنسبه للطمع فده موجود فى 90% من الأطفال و مش ذنبهم دة ساعات بيبقى من ترفيه الأهل الزايد ليهم , هحاول محرمهوش من أى حاجة و لكن كل حاجة هجيبهاله هعرفة أن دى من الشغل و عشان ربنا راضى عنى وفرلى الشغل ده , و أن دى مش حاجة دايمه على طول , بحيث أنه لو طلب حاجة فوق مقدرتى مثلا او قالى أنا عايز موتوسيكل أو أيفون يبقى عندى رد أعرف اقولهوله لأنهم مش بتفرق معاهم الماديات و عشان يتعود عليها لازم يبقى فيه نظام مكافأت فى الدراسة , يعنى والدى الله يرحمه لما كنت فى نفس السن دة أو أقل كان بيجيب معاه فلوس فكه كدة شلمات و برايز و أول ما يرجع من الشغل ببقى عارف أنه هيسمعلى الدروس فكنت بحفظ جدا , جاوبت صح بيدينى شلم أو بريزة مجاوبتش صح بيسحب منى شلم أو بريزة , الأسلوب ده علمنى الربع جنيه بيجيب أيه و الريال بيجيب أيه و الجنيه بيجيب أيه , قالى كلمة عمرى ما هنساها فى حياتى أنى مهنتى دلوقتى أننا طالب يبقى عشان أشتغل لازم أذاكر و المكافأت دى مرتبى فكنت بحاول أزود من مرتبى بالمذاكرة , يعنى لو كنت حافظ الدروس كلها ممكن اليوم دة يكون معايا 2 جنيه و مش عايز أقولكم بقى الأتنين جنيه دول ممكن يجيبوا أيه ولا أيه ههههههههههههه

بالنسبه للرياضة هحاول أشوف جسمه و بنيانه و ردود أفعاله و هوايته متجهه لأيه يعنى مينفعش أبنى يكون عامل زى خله السنان و أخليه يروح يلعب ملاكمه , أو يبقى تخين و أخليه يروح سباحة , و ده بالنسبه لو ربنا كارمنى بفلوس كويسه , لأن لو وديته مركز شباب يبقى عليه العوض و منه العوض و قلتها هتكون أفضل و لو يوم أنا فاضى فيه هروح أتفرج عليه كمان لأن دى بتفرق جدا فى معنوياتهم

فيه أفكار كتيرة جدا لو فكرت فيها أو الأعضاء فكرت فيها الأجيال الى جايه دى ممكن نحميها من البلطجة الى أنتشرت حتى فى الحضانه

[AhmedSalemz]

علمه الصلاة والتدين وحفظه القران وهو القران هيربيه

التعليم فى الصغير كنقش على الحجر والتعليم فى الكبر كالنقش على الماء

[رحالة]

لو هيعيش في مصر علمه ازاي يمسك مطوة
من اساسيات التعايش مع البشر في ام الدنيا

[Mahmoud Naguib]

1- حفظه القرآن وخده يصلي معاك
2- علمه السنة والتفسير والسيرة
3- ربيه على الثواب والعقاب
4- اشتركله ف نادي نضيف وعلمه رياضه فيه (السباحة-كرة القدم-التايكوندو-الكونغ فو) أفضلهم السباحة للجسم والصحة
5- لازم تفهمه بداية من السن ده وبالتدريج الثقافة الجنسية ويكون الشرح بعلم مش كلام عامي
6- مهم تفهمه الفرق بين الصح والغلط علشان لما تمنع عنه الغلط يكون هو مقتنع وميحاولش يعمله من وراك
7- مهم جدا تسيبله مساحة كبيرة من الحرية مع التوعية والنصيحة
8- شاركه آراؤه وأفكاره الإجتماعية والثقافية والسياسية واستشيره ف أمور شغلك وحياتك وخلي رأيه مهم واعمل بيه قدامه على الأقل
9- اقعد معاه وقت أطول ولو بيحب هواية معينة نميها جواه وحاول تملى وقت فراغه واخرجوا مع بعض
10- النصيحة الأهم ف اللي فات ده كله عامل أمه على أفضل ما يكون وأي مشاكل تتم بينكم مينفعش بحال من الأحوال يعرفها

ربنا يباركلك فيه ويجعله نافع للأمه إن شاء الله

[رامي مصطفى]

الاخ egyarmy
كلام حضرتك رائع وجميل جدا وفكرتني بالشلم (الشلن)
الف شكر ولو حد عنده افكار تانيه نستفيد منها لان معظمنا وانا اولهم ماعنديش خلفيه خالص عن التفاصيل الدقيقه دي واللي ليها اثر بالغ في تربية الاطفال مع اني في المرحله دي بنتي 6سنين
نفسي نبطل نفتكر ان التربيه هيا بس تدخل اولادك مدارس محترمه وتأكلهم احسن اكل و يلبسوا احسن لبس

[just4cadbury]

اضافة لاقتراحات الزملاء
دخله في برنامج UC Mas
وده برنامج عالمي بيحب الطفل في مادة الرياضيات بطريقة مرحة ومحببة للطفل الطفل بيحس انه بيلعب بس الواقع انه بيتعلم الرياضيات من اول حساب الاعداد الي المعادالات بدون استخدام الالات بيقعد يحسبها في ذهنه ويطلع الناتج النهائي بشكل سريع جد
ده نبذة عنه




يوسي ماس UC Mas، هو مفهوم جديد لتنمية قدرات ومهارات التعلم لدى الأطفال من سن 4 إلى 12 سنة. يسمى "المفهوم العالمي لنظام الحساب الذهني" والشائع باسم "برنامج يوسي ماس uc mas".
يهدف البرنامج إلى تعزيز ثقة الطفل في قدراته التعليمية وكسر حاجز الخوف من مادة الرياضيات والحفظ وذلك باستخدام طرق علمية مؤكدة ثبت نجاحها على مدى قرون.يصبح طلاب يوسي ماس أكثر قدرة على التغلب على ضغوط الامتحان والتميز في جميع المواد بالتسلح بالذاكرة القوية والتركيز والفهم والانتباه وسرعة البديهة والاستيعاب والإبداع والثقة بالنفس.
تم تطوير برنامج يوسي ماس في ماليزيا على يد (منهجية زهوزوان) واعتباراً من عام 1993, حقق بالفعل نجاح عالمي ضخم في تنمية تفوق شامل في الحياة الأكاديمية لملايين الأطفال عبر آسيا، الخليج العربي، الولايات المتحدة، كندا، المملكة المتحدة، أستراليا ومصر.]
ويعتمد على الجمع بين المفهوم الصيني القديم والأبحاث العلمية الحديثة لإجراء عمليات حسابية سريعة ودقيقة باستخدام أداة بسيطة جداً تسمى العداد أباكوس. والعداد هو حاسب صيني من القرون الوسطى، ويستخدم كأداة يتدرب عليها الأطفال بهدف تنشيط وتنمية مواهبهم الذهنية، وذلك من خلال تنمية وتحفيز العقل.
ويُدرس الكورس على 10 مراحل ويبدأ بدروس حول استخدام العداد وبعدها دروس عن الجمع والطرح. وبعد أن يتراجع استخدام العداد تدريجياً، يتعلم الأطفال أن يستخدموا أيديهم أثناء القيام بالمعادلات الرياضية لاستنتاج الحل. إن الطلاب في المراكز المدربة غالباً ما يكونوا أكثر قدرة على العمل أسرع من الحاسب, فيقوموا بعمليات جمع وطرح مكونة من عشر أرقام في عشرة خطوات وخلال فترة زمنية تقل عن دقيقة وبدقة متناهية. أما أسرع الأطفال فيستطيعون أن يجمعوا في أذهانهم 10 صفوف مكونة من 12 رقم مجتمعة كلها في رأسهم في خلال 30 ثانية., ويتعلمون القسمة في المرحلة الخامسة إلي جانب الضرب الذي تم التمهيد إليه في المرحلة السابعة، ولقد نجح الأطفال بالفعل في زيادة ميلهم للرياضيات كما نجحوا في الارتفاع عموما بمستويات الثقة لديهم. | [رياضيات]]]

[gamal_sharaf]

اضافة لاقتراحات الزملاء
دخله في برنامج uc mas
وده برنامج عالمي بيحب الطفل في مادة الرياضيات بطريقة مرحة ومحببة للطفل الطفل بيحس انه بيلعب بس الواقع انه بيتعلم الرياضيات من اول حساب الاعداد الي المعادالات بدون استخدام الالات بيقعد يحسبها في ذهنه ويطلع الناتج النهائي بشكل سريع جد
ده نبذة عنه




يوسي ماس uc mas، هو مفهوم جديد لتنمية قدرات ومهارات التعلم لدى الأطفال من سن 4 إلى 12 سنة. يسمى "المفهوم العالمي لنظام الحساب الذهني" والشائع باسم "برنامج يوسي ماس uc mas".
يهدف البرنامج إلى تعزيز ثقة الطفل في قدراته التعليمية وكسر حاجز الخوف من مادة الرياضيات والحفظ وذلك باستخدام طرق علمية مؤكدة ثبت نجاحها على مدى قرون.يصبح طلاب يوسي ماس أكثر قدرة على التغلب على ضغوط الامتحان والتميز في جميع المواد بالتسلح بالذاكرة القوية والتركيز والفهم والانتباه وسرعة البديهة والاستيعاب والإبداع والثقة بالنفس.
تم تطوير برنامج يوسي ماس في ماليزيا على يد (منهجية زهوزوان) واعتباراً من عام 1993, حقق بالفعل نجاح عالمي ضخم في تنمية تفوق شامل في الحياة الأكاديمية لملايين الأطفال عبر آسيا، الخليج العربي، الولايات المتحدة، كندا، المملكة المتحدة، أستراليا ومصر.]
ويعتمد على الجمع بين المفهوم الصيني القديم والأبحاث العلمية الحديثة لإجراء عمليات حسابية سريعة ودقيقة باستخدام أداة بسيطة جداً تسمى العداد أباكوس. والعداد هو حاسب صيني من القرون الوسطى، ويستخدم كأداة يتدرب عليها الأطفال بهدف تنشيط وتنمية مواهبهم الذهنية، وذلك من خلال تنمية وتحفيز العقل.
ويُدرس الكورس على 10 مراحل ويبدأ بدروس حول استخدام العداد وبعدها دروس عن الجمع والطرح. وبعد أن يتراجع استخدام العداد تدريجياً، يتعلم الأطفال أن يستخدموا أيديهم أثناء القيام بالمعادلات الرياضية لاستنتاج الحل. إن الطلاب في المراكز المدربة غالباً ما يكونوا أكثر قدرة على العمل أسرع من الحاسب, فيقوموا بعمليات جمع وطرح مكونة من عشر أرقام في عشرة خطوات وخلال فترة زمنية تقل عن دقيقة وبدقة متناهية. أما أسرع الأطفال فيستطيعون أن يجمعوا في أذهانهم 10 صفوف مكونة من 12 رقم مجتمعة كلها في رأسهم في خلال 30 ثانية., ويتعلمون القسمة في المرحلة الخامسة إلي جانب الضرب الذي تم التمهيد إليه في المرحلة السابعة، ولقد نجح الأطفال بالفعل في زيادة ميلهم للرياضيات كما نجحوا في الارتفاع عموما بمستويات الثقة لديهم. | [رياضيات]]]

الفكرة دى جميلة قوى

[subhimust]

يا ريت اراء اكتر من الاخوة اللي عندهم اولاد وجربوا ولهم خبرة
انا قصدي ازاي انمي عنده المواهب وازاي اكتشف مواهبه لان الحياة مش كلها شهادات ومداراس وخلاص

[subhimust]

شكر لكل الاعضاء ونتممى نفاعل اكتر خصوصا من الاخوة اصحاب الخبرة
سوال هل ينفع اعلمه لغة اجنبية زي الالماني والياباني وهو في السن ده
ازاي اخليه يتعلم نطقها صح
هل ينفع يتعلم لغة حاسب زي اوراكل

[Ahmed_selmy]

بص هو الكلام سهل ولكن التنفيذ بيبقى صعب.....وخصوصا مع تفاوت تفكير الاطفال وطباعهم
وعلى فكرة بنسبه كبيرة كتير من طباع الشخص بيكون مولود بيها مش بتكون مكتسبه من البيئه المحيطه.....طبعا فى حاجات بتكتسب ولكن فى طباع فعلا بتكون موجوده ودى بتبان اوى فى طفل سنه ونص الى 3 سنوات اللى هو لسه بيتعامل بفطرته وطبعته ولم يتم التاثير عليه.
انا واحد من الناس عندى بنتين واحد 6 سنوات والتانيه خلاص حتم سنتين .....الفرق بين الاتنين واضح حتى فى الشقاوه ....الاتنين مختلفين.....فلو اتبعت نفس النهج مع الاتنين مش حينفع
وبردوا كنت حاطط خطه للتعليم وطريقى التربيه و خلافه ....انما لما اتصدمت فى الواقع لقيت ان مش من السهل تطبيق الكلام دا .....وان دا السبب فى شرود او خلاف الفكر بين الاباء والابناء ......فوجدت ان احسن طريقه هى انى اشوف الاتجاه اللى هى عايزه وابداء اقومه .....واشوف الاخطاء وابداء اصححها ولكن لا افرض عليها طريق ثابت ممكن تكون هى مش عايزاه.
فناصحتى هى انك تعلمه ازاى يفكر ويخطط وتحاول توجهه للاتجاه الصحيح فى الاتجاة او الخطه اللى هو عايزها ....ويكون توجيه ونصيحه وليس امر...الا طبعا فى حالات الحياد الشديده عن الصواب....لان لو لم يجد النصيحه والتوجيه منك حيروح لغيرك ...والله اعلم ممكن يوجهه ازاى
ومن المهم هى المصادقه والمتابعه ولكن من تحت لتحت.
وربنا يوفقنا لما هو صواب لصالح ابنائنا.

[EgyArmy]

لو هيعيش في مصر علمه ازاي يمسك مطوة
من اساسيات التعايش مع البشر في ام الدنيا

افتكر حاجتين مهمين بس
لو صاحب الموضوع لسه عايش فهو راعى و مسئول عن ابنه

لو مات بعد عمرا طويل
هتنقطع اعماله الا من علم و صدقه و ولد يدعو له

تفتكر مثلا ان ربنا فى مصر غير ربنا فى السويد او سويسرا ؟