مشكلة شيك بدون رصيد

[moatz]

بعد اذنكم يا اخواني محتاج مشورتكم و يا ريت اللي عنده خبرة بالموضوع ده ما يبخلش عليا بالنصيحة

دلوقتي انا معايا شيك بنكي علي شخص و كان ميعاد استحقاقه من شهرين تقريبا ، و روحت البنك كذا مرة و كل مرة الاقي مفيش رصيد في الحساب ، و اكلم صاحب الشيك يتحجج بالظروف و حاسه كده بيماطلني و بقالي علي الحال ده شهرين.

ايه التصرف القانوني الصح اللي اعمله دلوقتي عشان اضمن رجوع حقي ، و يا ريت لو حد يدلني علي محامي كويس و كنت عايز اعرف اتعاب المحامي بتبقي كام في الحالة ديه لو حد عنده سابق تجربة في الموضوع ده ، و جزاكم الله كل خير.

[MOUSTAFA_SAAD]

خد رفض من البنك اهم حاجه وبعد كده بتقدم بلاغ للنيابه

[HeMa_LanCeR]

بالظبط خد رفض من البنك
والبنك هيبلغة لو في نية للدفع هيدفع
مافيش يبقي المحامي هيرفع قضية وعموما عمولتة 2% من الشيك وبتختلف من محامي للتاني

[moatz]

اشكرك ا/ مصطفي سعد علي نصيحتك ، جزاك الله خيرا

[moatz]

اشكرك ا/ ابراهيم علي نصيحتك ، معلش هتقل عليك هل حضرتك تعرف محامي كويس للموضوع ده اتعامل معاه .. انا اصلي عمري ما اتعاملت مع محامي قبل كده ، و جزاك الله كل خير.

[طارق _عبد السلام]

عرفه انك ضهرت الشيك لواحد تانى والتانى جاب رفض على الشيك وبيطالبك بسداد المبلغ...دى طريقه علشان يحس لو عنده دم انك هتدفع الشيك من جيبك تانى ..يمكن ضميره يتحرك

وطبعا هتجيب رفض على الشيك وتشوف محامى هيظبطهولك لو مماطل

لكن لو متعثر فعلا رجاء تحاول معاه حتى لو تجدول الدين...بس تتيقن الاول انه متعثر وليس مماطل

[mohamed_selim]

المبلغ كام؟
اصلا لو هو من معتادى الموضوع ده ولا هتفرق معاه .... هتعمل بلاغ و قضيه و هيتحكم عليه بالحبس و هيظبط بتوع تنفيذ الاحكام و محدش هيقربله الا لو انت ليك واسطه تحرك الدنيا .... و لو عندك الواسطه دى يبقى من غير قضيه هتجيب حقك ....
حماتى كان عندها نفس الموضوع و شيك ب 20 الف .... المحامى اخد منها 3 الاف اتعاب و جاب حكم حبس و متنفذش لغاية ما سقط و مخدتش حاجه !!!

[moatz]

اشكرك ا/ طارق علي نصيحتك ، والله لسه قافل المكالمة معاه اهوه و بسمع برضه نفس الكلام و طلب مهلة شهر تاني لعل الأمور تتحسن ، المشكلة إن انا سمعت اني لو ما اخدتش إجراء قانوني في خلال 3 أشهر هيروح عليه حقي في المطالبة بعقوبة الحبس من خلال رفع جنحة عليه ، و ساعتها هتبقي مجرد مطالبة مدنية عادية بدين فلوس ، و ساعتها ولا ها يهمه مني اي حاجة ، عشان كده انا كنت بسألكم لأني خايف انه يكون بيلعب معايا اللعبة دي علي جهل مني لحد لما تعدي المدة القانونية لإمكانية رفع جنحة شيك بدون رصيد.

[moatz]

ا/ محمد سليم ... للأسف المبلغ كبير 350 الف جنيه عشان كده انا عايز اعرف الصح اللي المفروض يتعمل عشان ما اغلطش غلطة تضيع حقي علي جهل مني

[svneleven]

حضرتك الحل الوحيد ترفع قضية و تاخد حكم لكن يكون ليك حد يعرف ينفذ الحكم لان معظمهم بيدفع ل بتوع تنفيذ الاحكاك او هم مش يبنزلو ينفذة من اصله. و ممكن لو محامي صايع هو يزق عليه بتوع تنفيذ الاحكام. اعتقد ما فيش في ايدك غير انك تشوف محامي صايع بمعني كلمة صايع و تعشمه بمبلغ حلو او نسبة من المبلغ الاجمالي علي شرط ينفذ. مش هيعرف ينفذ يبقي شكرا.

[Mahmoud Naguib]

المبلغ كبير جدا مينفعش تصبر عليه كتير قوله يديك 200 دلوقت ولو 150 تكتب بيهم وصل أمانة 50 كل شهر يبقى كويس
غير كدة اعمل اللازم ووريه وش خشب وارفع قضية واقلبله حياته
محدش بيكتب على نفسه شيك بالمبلغ ده وهو مش قادر يدفعه ولو على أجزاء
نصيحة بجد متصبرش عليه كل دقيقة بتعدي هو هيزيد عناد وانت هتزهق !

[mahmoudselim]

اتصرف وماتصبرش عليه اكتر من كدا ربنا بيقول { ومنهم من إن تأمنه بدينار لا يؤده اليك الا ما دمت عليه قائما}

[mk3]

هو حضرتك المبلغ ده شغل بضاعه ولا سلف اصلها تفرف
لو شغل محدش هيسيب نفسه يضيع وشغله يضيع ولو عءره السةق نايم فعنده حق ولازم تصبر على جدولتهم
لو سلف ارفع قضيه فورا

[طارق _عبد السلام]

اشكرك ا/ طارق علي نصيحتك ، والله لسه قافل المكالمة معاه اهوه و بسمع برضه نفس الكلام و طلب مهلة شهر تاني لعل الأمور تتحسن ، المشكلة إن انا سمعت اني لو ما اخدتش إجراء قانوني في خلال 3 أشهر هيروح عليه حقي في المطالبة بعقوبة الحبس من خلال رفع جنحة عليه ، و ساعتها هتبقي مجرد مطالبة مدنية عادية بدين فلوس ، و ساعتها ولا ها يهمه مني اي حاجة ، عشان كده انا كنت بسألكم لأني خايف انه يكون بيلعب معايا اللعبة دي علي جهل مني لحد لما تعدي المدة القانونية لإمكانية رفع جنحة شيك بدون رصيد.

خلاص الموضوع كده مش مظبوط بعد ماعرفت المبلغ لانه كبير

اول حاجه هتجيب رفض على الشيك وبكده هتتعبه مع البنك كمان

وبعدين ارفع قضيه بالشيك وعرفه لو دفع هتتنازل عن القضيه.... بس حاول تشوف محامى مجرم لانها بتتوقف على المحامى لان المحامى ممكن يبعت له كل يومين واحد من الاحكام يعمل له قلق فى محل اقامته

صدقنى هيسدد وبسرعه كمان لانه بكده حتى لو دخل على لجنه فى اى كمين وكشفوا على بطاقته هيجيبوه...

المبلغ الكبير اقل شىء لو مش قادر يسدده كله يسدد ه اجزاء.لاثبات حسن النيه...


المحامى لو لعيب هيخليه هو اللى يدور عليك ويترجاك تاخد حقك

[wawamoha]

بص بقى ........... للاسف واحد من المستاجرين عندي - محلات - مشي وبعد مامشي الدنيا اتقلبت عندي ...
الباشا طلع مديون ب 950 الف لطوب الارض - و ده اللي عارفينه ...
100 هنا و 10 هنا و هكذا ........... و في الاخر الهروب الكبير و الناس واقفه على باب المحل ....

المهم خلي بالك لحسن يكون ناوي يعمل زيه و يهرب من الديانة ............... و اول خطوه فعلا انك تطلب رسمي من البنك انه يديلك رفض للشيك .......

ربنا معاك و يجيبلك حقك