استفسار بسيط بخصوص السفر الي روسيا

[Amr Nasir]

السلام عليكم

مسافر روسيا الاسبوع الجاي ان شاء .....بس عندي استفسار بسيط .... سمعت انه لازم لما تسافر تحجز تذكره رايح جاي و الا هيرجعوك في المطار ... صحيح الكلام ده ..... و اسأل فين لو عاوز اتأكد من المعلومه ديه

[Karim Alaa]

تتصل يسفاره روسيا دور على نمرتهم على جوجل

[Mecha]

دا في فيزة الزياره
وعموما السفاره الروسيه او المكان اللي طلعت التاشيره
منه هو الحاسم

[Bassem Youssef]

معظم دول العالم بتطلب تذاكر ذهاب و عوده لضمان انك هترجع بلدك تاني

[mmtronic]

السلام عليكم

مسافر روسيا الاسبوع الجاي ان شاء .....بس عندي استفسار بسيط .... سمعت انه لازم لما تسافر تحجز تذكره رايح جاي و الا هيرجعوك في المطار ... صحيح الكلام ده ..... و اسأل فين لو عاوز اتأكد من المعلومه ديه

بص يا سيدى

اولا انت لما تقف قدام الكونتر بتاع الجوازات اول ما توصل موسكو حتحس انهم بيتعاملو معاك كانك جاسوس ( على فكرة همه كده مع اى غريب فخليك هااااادى خالص )

نصائح من اخوك لتفادى اى مشكله معاهم خصوصا انهم ارخم ناس شوفتهم فى المطارات و انا لفيت يمكن 3/4 مطارات العالم بحكم شغلى

1- تحضر معاك كل الاوراق الداله على شخصيتك و صفتك غير الباسبور زى صورة من كارنيه شغلك - جواب الدعوه ان وجد و صورة من عقد عملك ان وجد لانهم ممكن بيرخمو احيانا لانه حيسالك انت جاى ليه و ايه الاثباتات فتكون جاهز

2- ممكن يستفزك ( زى ما حصل معايا ) و يقعد يفلى فى الباسبور و يدور اذا كان مقطوع منه صفحه او فى لعب رغم الفيزا موجوده و كله تمام بس اهه غلاسه و خليك باااارد ( انا وقفنى قدامه بعد ما قعد يسالنى جى ليه وقفنى ربع ساعه يفلى فى الباسبور )

3- خد بالك دلوقتى مبيتعاملوش باليورو - كان زمان ممكن انما بعد مشاكلهم مع اوروبا لا - لو حتغير بروبل حيبقى من البنك فقط

4- قليل جدا منهم الى بيتكلم انجليزى و مكسر

بالسلامه انشاء الله

[عبدالله برعى]

اظن لاء
لسه قريبي مسافر بدون تذكرة عودة