المرتب تعبنى نفسيا

[يارب سامحني]

مرتبى كان 2000 زاد بقا 2300

الزيادة بنخدها كل اخر شهر 1 من كل سنة وكل سنة هيا هيا نفس النسبة التعبانة دى

الزيادة الى ختها نفس الزيادة السنوية الى خدها عامل البوفية فى الشركة

انا مسؤل قسم نظم المعلومات بالشركة بقالى 3 سنين وشغال فيها من 8 سنين

المشكلة انى كل مدور على شغل فى مصر الاقى المرتب زفت

وسفر مش لاقى للتخصص بتاعى كتير خالص فى الخليج كلهم بيجيبو الهنود والبكاستان بدل العرب لان بيرضو بالمرتبات الضعيفة وبيكون معاهم لغة انجليزى يعنى افضل من الموظف العربى .... ولو لقيت ودا نادرا الاقى حاجات مش كويسة لاما الراتب لاما فترة العقد لاما مفيش تامين لاما لازم بروفيشنال انجليزى وهكذا ومش عارف اعمل اية اتجوزت وخلفت والحياة استغفر الله العظيم

والشركة الى فيها بتكسب بالملايين كل شهر وبيترمى لينا الفتافيت

[rotanamasoud]

هو الحل اللى كل الناس بتعمله بتاقلم نفسك على المبلغ وكله بامر الله

[midoabdeen]

اة ممكن تدور علي مشروع تعملة بعد الشغل
انا نفس حالتك وبدور علي حاجه بعد شغلي اكبرها وبعدين اسيب الشغل خالص

[Hussein_Ramdan]

اشتغل على عربيه فى اوبر

[midoabdeen]

اشتغل على عربيه فى اوبر

دا ازاي
واية اللي مطلوب لو عايز اشتغل بارت تايم بعد شغلي

[Hussein_Ramdan]

بص ياباشا لو معاك عربيه ممكن تعملك شهريا مايقرب من 7 الف لو بتشتغل 8 ساعات لو ممعكش عربيه ممكن تشتغل علىى عربيه حد وتعملك شهريا ما يقرب من 3 الف
بص فى جروب اسمو اوبر ايجيب كلب دة ممكن تشترك فى وفى كمان كام جروب باسم اوبر فى ناس بتجيب عربيات زيرو وناس تشتغل عليها



فى واحد كان جايب عربيه لوجان زيرو وعايز يشغل عليها حد

[Hussein_Ramdan]

انا بستخدم اوبر بقالى شهر قابلت مهندسين ومعظم الناس الى كانت شغاله فى السياحه وحلها وقف جايبه عربيات زيرو عاليه وشغاله عليها الموضوع مجدى جدا وشيك

[midoabdeen]

طيب ولو هبدا من الساعة 6 اخر النهار ممكن باردوا تجازي معايا ولا الشغل كله الصبح

[midoabdeen]

انا مش عارف اوصل للجروبات دي
ممكن تبعتهالي علي الخاص بعد اذنك لاني اصلا بدور علي اي دخل اضافي

[Hussein_Ramdan]

حاضر

[volociximab]

من طبع الانسان الملل و الزهق عندما تطول فترة خدمته بالمكان
من كلامك مكانك هو احسن الوحشين فلا تضحى به فتندم
انت عرفت سلبيات مكانك و تاقلمت عليها

[gamal_sharaf]

انا بستخدم اوبر بقالى شهر قابلت مهندسين ومعظم الناس الى كانت شغاله فى السياحه وحلها وقف جايبه عربيات زيرو عاليه وشغاله عليها الموضوع مجدى جدا وشيك

ممكن تشرح لنا تجربتك كاملة
شرح تفصيلى لو سمحت

[Elawany13]

طيب والموظفين اللى اللى فى الخدمة بقالهم 14 سنة
ومرتبهم محصلش لسه 2000 جنيه
وكل اللى بيزيدوه فى السنه حوالى 25 جنيه
يعملوا ايه
الحمد لله على كل شيئ
وربنا يرزق الجميع من فضله وقادر على تحقيق العدل فى ام الدنيا

[يارب سامحني]

ربنا يزرقنا عاجلا وليس اجلا جميعا

[gade2]

كلنا كده ...زاد او قل المبلغ
لكن الحل انك مادام مش قادر تغير الواقع استمتع بيه
اقلم نفسك واعمل ميزانيه او اكسيل شيت