شجرة العائلة ..إزاي ؟؟

[speed demon666]

السلام عليكم و رحمة الله و بركاته

كنت عايز لو حد يقدر يدلني ازاي اقدر أجيب اصول العائله عندي , أصل انا عايز أعمل زي شجرة للعيله

أكون شاكر لو حد دلني على الطريقه اللي أعملها بيها

[speed demon666]

هو مفيش حد خالص عارف أي حاجه عن الموضوع ده ..... ولا هو في الاساس مش متوفر

[Nour_Peugeot]

يا باشا اشجر عشان تبقي ماشيه صح لازم حضرتك تدور من الاصول

الحكايه مش سهله

و هي سهله نسبيا علي الصعايده عشان صله الرحم الكبيره جدا بينهم

و ربنا يوفقك و تتم علي خير كويس جدا ان الانسان يعرف اصوله

[TaoTao]

من دار المحفوظات بالقلعة .. ولا أعرف الإجراءات بس أظن حبالهم طويلة حبتين.

وممكن ترجع لبلدكم (مسقط رأس والدك أو جدك) وترجع لحد كبير في البلد بيكونوا عارفين الأنساب كويس جداً (والطريقة دي بتكون فرصة جميلة جداً للعودة للجذور وصلة أرجام لأقارب بعيدة وهاتستغرب من كم المودة والشوق اللي هايستقبلوك بيه)..

[speed demon666]

والله يا باشا هي فكره مش بطاله , بس في مشكله ..... ان الأصول بتعتنا من الصعيد و مفيش معلومات كاملة عنها و ده السبب اللي مخليني أعمل الموضوع بتاع شجرة العيلة و منها الواحد يعرف أصوله و يعرفها للجيل اللي طالع بعديه و مش عارف حاجه
انا عموما هجرب موضوع دار المحفوظات ده بس لو فيها غتاته ممكن أعرف عنوانه
وشكرا

[TaoTao]

مافيهاش غتاتة ولا حاجة :)
عنينا ليك احنا هنا كلنا إخوة .. هاعرف العنوان وإن شاء الله بكرة هاجيبلك العنوان

[Nile_Storm]

لو دورت علي اصولي تحديدا هلف كل بلاد المسلمين شرقا و غربا :) :)