موضوع للنقاش ياترى احنا مع ولا ضد اوبر وكريم

[DreAmO]

طب ياريت بقى حد يشرحلنا خدمة اوبر وكريم دي بالتفصيل الممل
كل معلوماتي عنهم انها بتحتاج سمارت فون عليه نت ( مش كل الناس معاها الموضوع دة )
وبتحتاج فيزا بتشتغل عالنت ( مش كل الناس بردو معاها الموضوع دة )

وياترى التاكسي تبع الخدمة دي بيجيلي اي مكان ويوديني اي مكان حتى لو منطقة مقطوعه او مكسرة او محدوفة .
وايه فرق السعر بينه وبين التاكس المعتاد ؟
والتكلفة بعرفها قبل الطلب ولا بعد التوصيل

محتاج تفاصيل الموضوع .

[Dr_Smart]

انا مع اوبر وكريم لو وضعهم قانوني

اما غير كده يبقى لازم تقنين وضعهم ودفع حق الدولة من ضرايب وخلافه والا هنبقى بنظلم سواقين التاكسي

وبالتالي المفروض نمر عربياتهم تكون اجرة او سياحه

في الخليج ( الكويت تحديدا ) مفيش حاجه اسمها واحد يشتري تاكسي ويشتغل عليه كمشروع فردي ولكن كلها شركات عندها عربيات وسواقين وزمان كان لازم تتصل الاول بالمكتب ويبعتلك عربيه قبل مايبقو بيلفو بالعربيات وتشاورلهم .. بس في الحالتين هي مكاتب مش افراد وبالتالي فيه منافسه والعربيات غالبا نضيفه وممكن تشتكي السواق في حالة اي تجاوز

وفي نفس الوقت ظاهرة العربيات الملاكي كانت انتشرت بشكل كبير ولكن الشرطة تعاملت معاهم بكل حزم واللي كان بيتمسك كان بيتبهدل

[Dr_Smart]

لازم نحس اننا عايشين في دولة قانون لا تضيع فيها الحقوق عشان كل واحد يعمل واجبه ونبقى بلد محترمة

[أبو صلاح]

اكيد طبعا بلا نقاش معا استمرار اوبر وكريم
وعلشان نسكت بلطجية التاكسى اللي بقى كل همهم هو فين حق الدولة من الضرائب والتامينات
فجأة واحدة بقى حامى الحما
لازم تقنين وضع الشركات دى
الشركات دي اصبحت امر مفروض ولا يمكن الفرار منه

بالمناسبة كان في بوست منشور على الفيس بوك على لسان سائق اوبر
بيقول : كان في شارع رمسيس ومعاه عميل وفي رائد شرطة واقف في اشارة وجنبه واقف سواق تاكسى ابيض
سواق التاكسى بيقول للظابط ياباشا امسك الراجل ده واسحب رخصه علشان مشغل عربيته في اوبر تاكسى وده ممنوع راح الرائد سال سواق اوبر رد عليه قاله لا انا مش تبع اوبر خالص
الرائد سأل سواق التاكسى انت عرفت ازاي انه اوبر قاله علشان رابط الحزام !!!!!!!
راح الظابط نده لامين الشرطة قاله اعمل مخالفة حزام لسواق التاكسى
تتخيل ان دي عقليات ينفع تتعامل معاهم
----------------
قصة تانية برضه حصلت
سواق اوبر كان معاه عميلة قاعدة ورا على الكنبة
اتفاجئ انه في كمين مش بيعدى عربية الا مايشوف الرخص
راح وقف على اليمين وشغل الانتظار
جاله امين الشرطة بيقوله واقف كده ليه
قاله مستنيين زمايلنا بيشترو حاجة وجايين على طول
امين الشرطة قاله ماينفعش تقف كده حرك العربية واطلع قدام واستناهم براحتك
راح ناطط على كرسى السواق وخد العربية ويا فكيك