إعـــــــلان

Collapse

.

,
See more
See less

دليلك الشامل للشراء من الخارج

Collapse
X
 
  • Filter
  • الوقت
  • Show
Clear All
new posts

  • #16
    انا لى تجارب مع موقعين الاول aliexpress والتانى amazon.uk وبالمناسبه انا اعمل فى قطر والحمد لله فمفيش جمارك او ضرائب وساذكر مزايا وعيوب كل من الموقعين ان شاء الله
    موقع aliexpress هو موقع لبيع المنتجات الصينيه مزاياه
    تنوع غير محدود للمنتجات يكاد يكون لانهائى.
    رخص الاسعار بشكل عام
    جودة الخامات فى غالب الاحوال اذا ربنا ولقك فى اختيار البائع.
    الشحن المجانى لمنتجات كثيرة جدا يكاد يكون اى منتج يمكن شحنه بالمجان فاذا كان احد الباعة يطلب رسوم شحن قد تجد اخر بدون
    الموقع رائع ومرتب جدا وتستطيع التسوق منه بسهوله تامة.
    يعمل تخفيضات يوميه واسبوعية وغير ذلك فى المناسبات لكنها فى احوال عده غير حقيقيه.
    حمايه للمشترى بشكل جيد جدا ولا يقف فى صف البائع اذا كانت السلعة بها عيب يعنى مثلا شخص اشترى موبايل htc ولما استلمه وجده معاد التصنيع فخاطب الموقع ورجعه وخد فلوسه اللى دفعها يعيبها فقط انك بتتحمل الشحن للصين مرة اخرى
    به تقييم على مستى عالى للبائعين والمنتجات والتقييم بالنقاط بناءا على عدد القطع المباعة من المنتج وتقييم المشترين
    وغير ذلك من المزايا اما عن عيوبه فهى
    لاتجد فيه ماركات عالميه الا ماندر وان وجدتها فهى غاليه ولا تستاهل انك تشحنها وهذا اهم شئ علشان تعرف وانت بتشترى انك بتشترى اشياء ليست براند انما هى فى افضل الحيان high copy ومع الوقت تعرف ذلك.
    طول فترة الشحن للشحن المجانى ولكنى بالتعامل الفعلى كان اكتر منتج جه بعد شهر بس كان فيه ظروف معينه انه فى فترة عيد.
    هذه ابرز المزايا والعيوب لكن كما ترى ميزاته اكبر بكثير من عيوبه لكن نصيحة لا تشترى الكترونيات او اى شئ يتطلب ضمان بعد الشراء فالالكترونيات فيه اللى مكتوب حاجة والواقع يختلف عنه بكتير او قليل على حسب المنتج والبائع
    الاشياء التى اشتريتها منه كالاتى
    ملابس اطفال وكانت ممتازه جدا واسعارها رائعة وجوده جيده جدا.
    ساعه كاجوال لابنى وكانت ممتازه
    احذية رياضيه نايك لى ولزوجتى ولابنى ولم تكن اصليه ولم تعجبنى وندمت على شرائها.
    بعض اكسسوارات للمنزل وكانت جيده جدا
    اكسسوارات نسائيه كاساور وحلقان من التى يطلق عليه الذهب الصينى وكانت ممتازه جدا بشهادة زوجتى
    تابلت وده تقريبا اغلى حاجة اشتريتها وكان بحوالى 140 دولار ولم يكن على المستوى المطلوب وكانت المواصفات المذكوره فى الموقع غير الواقع وبالمناسبه اما قيمته تقييم سئ فى الموقع بعت لى انه على استعداد يرجع 15 دولار بس اغير التقييم لان ده من مزايا الموقع انك لما تقيم البائع تقييم منخفض لا ينشره لعل البائع يصل معاك لاتفاق او يطلب منك البائع ارجاع السلعة او يعوضك عنها باشياء اخرى وهذا حدث معى فى منتج واحد.
    اما عن الموقع الرائع amazon.uk فهو فرع لامازون الشهير لكن فرع انجلترا وانا فى نظرى افضل من الامازون الاصلى وساذكر لماذا
    مزايا amazon.uk من وجهة نظرى
    تجد فيه الماركات العالميه على كافة انواعها وبكافة اشكالها.
    الشحن غير مجانى لخارج انجلترا ولكن عندهم ميزه انه ومع تعدد المنتجات تقل تكلفة الشحن يعنى مثلا لو اشتريت حذاء وكان شحنه 20 دولار لو اضفت عليه اخر فالجمالى لا يكون 40 بل حوالى 30 دولار على سبيل المثال ويجمع المنتجات فى شحنه واحدة وهم يشحنون عن طريق شركه ups على مااذكر وهى شركه شحن امريكيه ممتازه.
    الشحن سريع جدا ففى حالتى اخد 5 ايام حتى تسلمت الشحنه.
    عيوبه من وجهة نظرى وهى بالمناسبه ليست عيوبا حقيقيه ولكنها خاصة بنا نحن اهل الشرق الاوسط وخصوصا البلاد العربيه الا وهى ان نسبه لا باس بها من المنتجات وخصوصا الماركات العايه مثل كلاركس مثلا لا تشحن الى عالمنا العربى بل قد تجد احيانا مقاس حذاء مثلا يشحن ومقاس تانى لا يتم شحنه واظن ان موقع امازون العام يشحن نسبه اكبر من المنتجات الى البلاد العربيه ولكنى اظن بنسبه كبيرة ان جودة المنتجات فى فرع انجلترا افضل بكثير من الموقع العام وقد وجدت فيه ميزه كبيره جدا حدثت معى شخصيا مرة غلطت وعملت اوردر بالخطا واسقط فى يدى ماذا افعل ولكنى فوجئت بعدم السحب من بطاقتى الائتمانيه رغم ان معلومات الاوردر ارسلت الى بريدى الالكترونى وقراتها واخيرا عرفت من الميل انهم يعطوك مهله لتراجع نفسك قبل ان يسحبوا المبلغ واظنها فترة طويله ممكن 24 ساعة وحصلت لى مرتين والغيت الطلبين بدون اى خسائر.
    والشياء التى اشتريتها منه حذائين ماركات عالميه وهما merrell و rockport ولااخفيكم سرا ان اشتريتهم بالتحديد لان كان عليهم تخفيض ممتاز فثمن الاثنين لم يتعد 50 دولار وكانوا لقطة والحمد لله وانا ان شاء الله ناوى اعيد الكرة بس المرة دى لاولادى حجيب لهم ملابس ماركات واسعاره بتبقى ممتازه لما بيكون فيه تخفيضات ودى حتعرفها بعد لما تبص على الموقع شوية
    الخلاصة عن نجربتى الشخصيه موقع aliexpress موقع ممتاز جدا للحاجات الصينى جيدة المستوى بعد ماتاخد خبرة شوية فى الموقع تقدر تنتقى اشياء رائعة جدا وباسعار ممتازه وموقع amazon.uk موقع لشراء الماركات العالميه بثقه كبيرة وتعامل راقى جدا وانا ارى المشكله الكبيرة جدا وقد تعوق اى واحد منا انه يشترى من هذه المواقع هو الشحن للمحروسه لان بتقع فى كماشه ناحيه منهم الجمارك والتانيه الضرائب ولازم حتتروق وكاننا صيده حتتنض يعنى حتتنفض وكان حرام علينا اننا نجيب حاجات رخيصة وكويسه مينفعش وفى ناس كتير بتشحن على احد اقربائها فى البلا العربيه وهو نازل فى اجازه بيجيبهم معاه لكم ان تتصوروا ان جميع المنتجات اللى اشتريتها جت فى كيسها ولزقها متمستش وبمنتهى الادب والحترام و تحيا مصر
    اخيرا هى تجربه شراء ممتازه لكن لازم تعرف ايه اللى تشتريه ومن مين ويتشحن لفين واسف لو كنت اطلت عليكم تحياتى

    Comment


    • #17
      نسيت اقول لكم عن حاجة غريبه فى الحاجات اللى جات لى من فرع انجلترا انا بقا قلت دى من انجلترا وحتلاقيها اكيد صنع فى انجلترا والواحد حيعمل احلى شغل لكنى فوجئت ان حذاء منهم مصنوع فى الصين والاخر فى فيتنام لكن جوده ممتازه فسكت وقلت الحمد لله خير وظنيت ان دا حاجة غريبه لكن راح العجب لما حكى لى احد زملائى وكان فى رحله تبع شغله لامريكا انه لما كان بيخش المحلات الكبيرة علشان يشترى حاجة يلاقيها مصنوعة فى الصين يعنى الصين غزت الامريكان فى عقر دارهم ده حتى موبايل الايفون اللى بيتباع فى امريكا صنع فى السين لكن طبعا كل المنتجات رغم انها صينيه او فيتناميه او غيره الا انها ذات جوده عاليه جدا لان فيه رقابه صارمه وفيه حمايه مستهلك بتحمى المستهلك فعلا مش بتحمى المصنعين والتوكيلات زى ماهو معروف عندنا فلما حكى لى صاحبى عن ذلك زال العجب وقلت لله فى خلقه شئون

      Comment


      • #18

        طلب من الاداره

        ارجو من الاداره تثبيت هذا الموضوع المتكامل الوافى الرائع لتعميم الفائده

        ................................................

        بعض الروابط التوضيحيه .. لتسهيل التطبيق العملى لبعض ما تم ذكره فى الموضوع مثل التسجيل فى مواقع الشحن و متابعه الشحنات ... الخ

        مع وافر الشكر و التحيه لكاتب هذا الموضوع القيم


        مواقع التسوق

        أي مواقع التسوق الأجنبية أفضل أمازون أم إيباي أم علي إكسبريس؟

        كيفية التسوق عبر موقع أمازون من التسجيل إلي الإستلام

        كيفة التسوق عبر موقع علي إكسبريس من البداية حتي الإستلام



        احتساب و مقارنه اسعار االمنتج

        كيف تحسب تكلفة المنتج عند التسوق عبر الإنترنت حتي الإستلام؟


        كيفية مقارنة أسعار المنتجات بين أكثر من موقع تسوق بضغطة زر

        Bkam


        طرق الدفع

        كيف تمتلك بطاقة فيزا – ماستركارد للإنترنت بدون حساب بنكي

        كيفية استخدام بطاقات فيزا وماستركارد للدفع عبر الإنترنت


        فيديو: كيفية عمل حساب باي بال وربط بطاقات الدفع به

        كيفية إضافة بطاقات فيزا/ماستركارد على باي بال



        شركات الشحن

        كيف تمتلك عناوين شحن حقيقية في دول أجنبية؟

        كيفية فتح حساب شوب اند شيب عبر الإنترنت

        كيفية وضع عنوان شوب آند شيب على متجر على إكسبريس


        توجد شركه للشحن قرأت عنها على الانترنت من فتره و ده الرابط
        https://www.shipito.com/?utm_source=...ampaign=PSGOOG



        كميات المنتجات المسموحه .. المنتجات الممنوعه

        ما هي الكمية التي تسمح بها الجمارك للمشتريات الشخصية؟

        المنتجات الممنوع استيرادها وعبورها من المنافذ الجمركية

        Comment


        • #19
          المشاركة الأصلية كتبت بواسطة azhk مشاهدة المشاركة
          نسيت اقول لكم عن حاجة غريبه فى الحاجات اللى جات لى من فرع انجلترا انا بقا قلت دى من انجلترا وحتلاقيها اكيد صنع فى انجلترا والواحد حيعمل احلى شغل لكنى فوجئت ان حذاء منهم مصنوع فى الصين والاخر فى فيتنام لكن جوده ممتازه فسكت وقلت الحمد لله خير وظنيت ان دا حاجة غريبه لكن راح العجب لما حكى لى احد زملائى وكان فى رحله تبع شغله لامريكا انه لما كان بيخش المحلات الكبيرة علشان يشترى حاجة يلاقيها مصنوعة فى الصين يعنى الصين غزت الامريكان فى عقر دارهم ده حتى موبايل الايفون اللى بيتباع فى امريكا صنع فى السين لكن طبعا كل المنتجات رغم انها صينيه او فيتناميه او غيره الا انها ذات جوده عاليه جدا لان فيه رقابه صارمه وفيه حمايه مستهلك بتحمى المستهلك فعلا مش بتحمى المصنعين والتوكيلات زى ماهو معروف عندنا فلما حكى لى صاحبى عن ذلك زال العجب وقلت لله فى خلقه شئون
          دا حقيقى.....انا جبت اكتر من منتج من امازون امريكا وكلهم صينى....بس الحقيقه ان الصينى اللى بيروح امريكا غير الصينى اللى بنشوفه فى المحروسه خااااااالص....جوده عاليه وخامات رائعه وتقفيل ممتاز....حاجه كدا شغل فنادق.

          Comment


          • #20
            المشاركة الأصلية كتبت بواسطة tasaka مشاهدة المشاركة

            طلب من الاداره

            ارجو من الاداره تثبيت هذا الموضوع المتكامل الوافى الرائع لتعميم الفائده

            ................................................

            بعض الروابط التوضيحيه .. لتسهيل التطبيق العملى لبعض ما تم ذكره فى الموضوع مثل التسجيل فى مواقع الشحن و متابعه الشحنات ... الخ

            مع وافر الشكر و التحيه لكاتب هذا الموضوع القيم


            مواقع التسوق

            أي مواقع التسوق الأجنبية أفضل أمازون أم إيباي أم علي إكسبريس؟

            كيفية التسوق عبر موقع أمازون من التسجيل إلي الإستلام

            كيفة التسوق عبر موقع علي إكسبريس من البداية حتي الإستلام



            احتساب و مقارنه اسعار االمنتج

            كيف تحسب تكلفة المنتج عند التسوق عبر الإنترنت حتي الإستلام؟


            كيفية مقارنة أسعار المنتجات بين أكثر من موقع تسوق بضغطة زر

            bkam


            طرق الدفع

            كيف تمتلك بطاقة فيزا – ماستركارد للإنترنت بدون حساب بنكي

            كيفية استخدام بطاقات فيزا وماستركارد للدفع عبر الإنترنت


            فيديو: كيفية عمل حساب باي بال وربط بطاقات الدفع به

            كيفية إضافة بطاقات فيزا/ماستركارد على باي بال



            شركات الشحن

            كيف تمتلك عناوين شحن حقيقية في دول أجنبية؟

            كيفية فتح حساب شوب اند شيب عبر الإنترنت

            كيفية وضع عنوان شوب آند شيب على متجر على إكسبريس


            توجد شركه للشحن قرأت عنها على الانترنت من فتره و ده الرابط
            https://www.shipito.com/?utm_source=...ampaign=psgoog



            كميات المنتجات المسموحه .. المنتجات الممنوعه

            ما هي الكمية التي تسمح بها الجمارك للمشتريات الشخصية؟

            المنتجات الممنوع استيرادها وعبورها من المنافذ الجمركية
            الله ينور الله ينور الله ينور
            كدا فعلا الموضوع بدأ ياخد شكل متكامل....وفعلا لو الاداره ثبتته حيكون فيه فايده كبيرة وخصوصا انى لقيت اتجاة كبير من الناس للشراء من الخارج خصوصا بعد تدنى المنتجات الموجوده فى السوق المحلى.

            Comment


            • #21
              المشاركة الأصلية كتبت بواسطة ahmed_selmy مشاهدة المشاركة
              الله ينور الله ينور الله ينور
              كدا فعلا الموضوع بدأ ياخد شكل متكامل....وفعلا لو الاداره ثبتته حيكون فيه فايده كبيرة وخصوصا انى لقيت اتجاة كبير من الناس للشراء من الخارج خصوصا بعد تدنى المنتجات الموجوده فى السوق المحلى.
              فى الحقيقه انا كنت حابب احط اللينكات كامله من اول مره .. لكن تحرجت من ذلك و لذلك وضعت 3 لينكات فقط

              و لكن بعد التشجيع منك قمت بأستكمالها .. و ساحاول اضافه لينكات اخرى اذا سنحت الفرصه

              تحياتى و اعزازى

              Comment


              • #22
                المشاركة الأصلية كتبت بواسطة tasaka مشاهدة المشاركة
                فى الحقيقه انا كنت حابب احط اللينكات كامله من اول مره .. لكن تحرجت من ذلك و لذلك وضعت 3 لينكات فقط

                و لكن بعد التشجيع منك قمت بأستكمالها .. و ساحاول اضافه لينكات اخرى اذا سنحت الفرصه

                تحياتى و اعزازى
                يا باشا لا تتحرج ولا حاجه, دا انا اتمنى ان الناس كلها تشارك زى حضرتك
                الهدف الاساسى هو الافاده العامه , والموضوع مفتوح للجميع لنقل الخبرات والتجارب.

                Comment


                • #23
                  السلام عليكم ورحمة الله وبركاته

                  اولا احب اشكر كل من تفاعل مع الموضوع وخصوصا الاستاذ tasaka

                  كتكمله للموضوع , ححاول اوضح شويه معلومات عن موقع Amazon.com واللى يعد اكبر موقع تسوق عبر الانترنت.

                  ***ما هو موقع امازون؟***
                  هو موقع يعرض منتجات مختلفه سواء كانت عنده فى الStock او بيعرض منتجات بائعين من خلاله, طبعا نظام الامان عالى جدا , ولو فيه مشكله مع البائع او المنتج بيتم التعامل مع المشكله علطول , ويا بيتم استرجاع المنتج او استبداله وفى بعض تجارب الناس تم اعادة ارسال المنتج مجانا للعميل.
                  فيه كلمه دايما حنشوفها فى موقع امارزن وهى Amazon prime ودى عبارة عن خدمه باشتراك سنوى حوالى 99$ , بتعمل تخفيضات على بعض السلع وفى اسعار الشحن داخل امريكا وسرعه فى استلام المنتج....
                  طبعا الخدمه دى مش حنقدر نستفيد بيها لان معظم الميزات للشحن داخل امريكا
                  -------------------------------------------------------
                  *****الفرق بين Amazon US & Amazon UK *****
                  يوجد من Amazon نسحتين وهى النسخه الاصليه الامريكيه https://www.amazon.com/
                  ويوجد النسخه الانجليزيه https://www.amazon.co.uk/
                  يوجد طبعا بعض الاختلافات بين الاتنين وهى:

                  1-المنتجات
                  فى طبعا بعض الاختلاف فى المنتجات والبائعين بين الاثنين ولكن مش الاختلاف الكبير.

                  2-العمله
                  ودى بقى نقطه مهمه , لان العمله المستخدمه فى النسخه الامريكى هى الدولار ولكن فى النسخه الانجليزى هى اليورو ,ولهذا لازم تاخد بالك انت على انه متجر وتاخد بالك من فرق العمله واللى حيأثر على السعر المكتوب للسلعه.

                  3-الشحن
                  طبعا النسخه الامريكى حتشحن كل المنتجات لامريكا وبعض المنتجات للدول المختلفه
                  النسخه الانجليزى بتشحن للانجلترا, وبردوا بعض المنتجات يمكن شحنها مباشرة لدول مختلفه.

                  4-طرق الشراء المتاحه
                  زى ما ذكرنا فى اول الموضوع ان عندنا اكتر من طريقه للشراء, الطرق كلها يمكن استخدمها مع امازون امريكا, ولكن مع امازون الانجليزى لا يمكن استخدام اخر طريقه وهى عن طريق وسيط , لان معظم المواقع الوسيطه تتعامل مع امريكا فقط.
                  -------------------------------------------------------------------------------------------------------------------------------
                  ***نقاط التميز***
                  سؤال بيطرح نفسه, ايه اللى بيميز امازون عن بقية المواقع؟؟؟
                  فيه شوية نقط تميز امازون, وهى:

                  1-الاحترام
                  من خلال تعاملك مع امازون حتحس اد ايه الناس دى بتقدر قيمة العميل, ودى نقطه احنا فى مصر مفتقدنها بشكل كبير, من لحظة ما تعمل اكونت على امازون بتحس انك فى كيان جديد, تلاقي رسايل عن المنتجات الجديدة, لو بتدور على منتج يبعتلك على منتجات شبيها, لو فيه عروض على منتجات انت بتدور عليها يبعتلك, تحس كدا انه عايز مصلحتك.
                  ولو اشتريت منه مباشر(يعنى لو استخدمت اول طريقتين فى الشراء ) حتلاقيه بيبعتلك ايه رايك فى التغليف, يسألك عندك مشاكل مع المنتج , يطلب منك تقيم المنتج , لو قيمت المنتج يبعت يشكرك, ولو حد عنده سؤال على منتج انت قيمته يبعتلك السؤال ويسألك لو تقدر تساعد.
                  طبعا دا غير احترام العميل لو اشتريت منتج وطلع فيه مشاكل , وانا قريت كذا تجربه لاشخاص على الموضوع دا, حاجه كدا من الخيال.
                  فعلا تحس انك برنس برنس برنس.

                  2-الاسعار
                  بيقدم عروض اسعار حلوة جدا , وبيقدم عروض فعلا تستاهل.

                  3-توفر المنتجات
                  فيه منتجات مش حتلاقيها الا فى امازون , وفى حاجات بتاعة امازون نفسه زى تابلت وKindle وبتكون اسعارها حلوة.

                  4-الجوده
                  على الرغم من ان المنتجات بتبقى صينى ولكن بتلاقى جودتها عاليه, واللى بيبقى مش قد كدا بتلاقى تقيمه زفت, المجتمع هناك بيحترم اوى موضوع الجوده والخامه ولهذا مش اى منتج صينى ممكن يعيش هناك, لازم يكون زى جوده عاليه , يعنى حتى المنتجات التعبانه حتلاقيها احسن من اللى بتنزل مصر.
                  ---------------------------------------------------------------------------------------------------------------------------------
                  ***شوية نصائح للشراء من امازون***

                  -وانت بتشترى حدد اللى انت عايزه بالظبط قبل الشراء, لانك حتلاقى اختيارات كتير واختلافات طفيفه, فلازم تحدد انت عايز ايه بالظبط علشان متنجرفش بعيدا عن الهدف.

                  -لما تحدد اللى انت عايزة وتعرفه كويس , حاول تدور بنفس الاسم على الموقع علشان اكيد حتلاقى معروض باسعار مختلفه من كذا بائع فتقدر تختار السعر الافضل.

                  -قراءة التقييمات مهمه جدا جدا جدا , علشان تعرف لو فيه مشاكل سواء مع البائع او المنتج, وغالبا حتلاقى المنتج دا ليه review على اليوتيوب , حتاخد اسم المنتج وتروح تدور عليه فى اليوتيوب وحتلاقيه بنسبه كبيرة ,من اول فتح الصندوق بتاع المنتج لحد ما يقيم المنتج ويقول عيوبه وميزته وايه اختلافه عن غيرة من المنتجات الشبيهه.

                  - بعد ما اخترت المنتج وخلاص عرفت ان هى دى الحاجه اللى انت عايزها, ممكن تبص بصه على Aliexpress وتشوف لو موجود عندهم المنتج دا ولا لا, ولو موجود سعرة ايه وهل يمكن شراءة وشحنه مباشرة الى مصر ولا لا, دا حيوفر عليك طبعا فى الفلوس.

                  -ممكن حد يسألنى ...بخصوص اخر نقطه انا كتبتها....طيب لو انا لقيت المنتج فى Aliexpress طيب ايه خلانى ادور اصلا فى امازون, ما انا اشوف الاول فى Aliexpress؟
                  بص يا سيدى ...من خلال البحث فى الموقعين, لقيت ان البحث فى امازون اسهل واسرع من Aliexpress رغم تنوع البائعين فى Aliexpress ولكن الاختيارات المتاحه للبحث وسهوله البحث افضل على امازون, وبردوا زى ما ذكرت مش كل المنتجات بتبقى موجوده فى غير امازون, فممكن البدائل متعجبكش على Aliexpress وبردوا للجميع حرية الاختيار , ولكن انا بقول من وجهة نظرى وتجربتى.

                  -طبعا لو انت اول مرة تشترى , ومقلق وخايف, فالافضل انك تجرب بحاجه بسيطه سعرها ما يكونش عالى ومايكونش لها اهميه كبيرة, علشان لو مجاتش او ضاعت او حصل اى مشكله متخسرش كتير و متزعلش عليها , بس ان شاء الله مفيش حاجه حتحصل وحيوصلك المنتج بدون مشاكل.

                  - اختيار افضل طريقه للشراء, دا حيوفر معاك فلوس , بمعنى لو افترضنا ان انت عايز منتج والمنتج دا يمكن شحنه لمصر, فحضرتك تعمل مقرنه ما بين الثلاث طرق شراء اللى ذكرناهم فى اول الموضوع وتشوف انه واحده حتبقى افضل, طبعا الكلام حيبان صعب شويه فى الاول لكن مع تكرار عمليه الشراء حتقدر بعد كدا تحدد بسرعه انه طريقه الانسب بالنسبالك.

                  -وانت بتشترى من امازون مباشرة (يعنى لو استخدمت اول طريقتين شراء ذكرناهم) , خلى الدفع بتاعك بالدولار مش بالمصرى, لييييه, لان الRate بتاع امازون فى التحويل عالى , اعلى من Rate التحويل بتاع البنك عندنا, يعنى مثلا لو اجمالى المبلع 100$ , لو دفعت على امازون بالمصرى هو بيحسب حاليا الدولار ب 8.4 جنيه يعنى حياخد منك 100 *8.4 يعنى 840 جنيه مصرى, ولكن لو دفعت بالدولار فهو حياخد ال100$ والبنك حيحولك هو الدولار ب 8 جنيه يعنى حتدفع 8*100 = 800 جنيه, كدا فى فرق انت وفرته 40 جنيه.

                  اتمنى ان الاضافه دى تكون مفيده , واسيبكوا مع شوية فيديوها توضيحيه عن طرق الشراء من امازون ارجو انها تعجبكوا.




                  Comment


                  • #24
                    شكرا على الموضوع الرائع
                    فى حد اتعامل مع
                    wish - shopping mad fun
                    كان الصحابة يفعلون السُنة لأنها“سُــنة” ونحن نتركها لأنها ” سُــــنة ”!!

                    Comment


                    • #25
                      موضوع اكثر من رائع احييك عليه كتر الف خيرك
                      اطلب من حضرتك ياريت بس تنقلنا خبرتك او خبرات احد الاعضاء فى موضوع الشحن والجمارك
                      سواءموقع على اكسبريس او امازون
                      انا بس النقطه دى اللى مش فاهمها اوى
                      بفرض انى اشتريت تمام من على احدى الموقعين والفيزا موجوده
                      الفكره فى مصاريف الشحن والجمارك هل فى موضع بيشحن ديركت من غير وسيط زى ادفعلى
                      خاصه ان فى ناس اشتكت منهم كتير الاونه الاخيره
                      فهل هناك بديل عن ادفعلى؟!!
                      وانهى افضل من حيث السعر والجوده والسرعه والامان
                      امازون ام على اكسبريس
                      مستنى ردك واسف لو بتقل عليك والف شكر على موضوعك وسعه صدرك
                      [FONT=Comic Sans MS]elsha3er[/FONT]

                      Comment


                      • #26
                        احب اشارككم عشان تعم االفائدة انا تجربتي كانت مع ادفعلي من 2013 لما بداو كانو حاجة ممتازة حتى خدمة العملاء و الاوردرات كانت قبل 21 يوم و بعضها كان عند باب البيت اقل من اسبوعين و كان بيعوضو علطول لو حاجة جت مكسورة بيرجعولك الفلوس كاملة بس زي مابتقول الفترة الاخيرة بقت التجربة سيئة تاخير شديد في الاوردر لدرجة اوردرين قعدو 50 يوم في الجمارك بس. اما بالنسبة لاشتريلي عمري ماكلمتهم على اوردر ولا رفعت سماعة التليفون اكلمهم لما بتعمل معهم اوردر يبعتولك ايميل ماتكلمناش قبل شهر و عمرها ماتخرت عن كده بس هما اغلى من ادفعلى شوية بس الميزة كل الحاجات اللي ادفعلى بتقول ممنوعة تدخل مصر هما بيجيبوها و عمرهم مارفضو اوردر انا اعرف انهم في اسكندرية بس مش عارف ليه اللي ممنوع يدخل جمارك القاهرة بيعدي هناك حتى مرة كنت عايز بذور نباتات زراعية ادفعلى قالت انها ممنوعة وو بتتحجز في المطار و سالت ناس حاولو يجيبوها بشكل مباشر بدون وسيط بتقف و تتصادر و قالولي عايزها عديها مع حد نازل جي من بره يشتريها على السعودية مثلا و ينزلك بيها بس اما جربت اشتريلي للتجربة بس جابوها بس بسعر وحش جدا تخيل كيس بذور تمنه لايتعدى 3 دولا على كل كيس 20 دولار مصاريف تخليص جمركي انا جربت كيس واحد و جابوه عادي

                        Comment


                        • #27
                          طيب يا جماعه سؤال معلش لو اشتريت من امازون مباشره للشحن في مصر هل شركة الشحن هتتكفل مصاريف الجمارك و هتستخلص كل حاجه و لما يجوا يسلموني الحاجه هيخدوا مني سعتها المصاريف ولا الموضوع بيبقا ماشي ازاي ؟

                          Comment


                          • #28
                            لو عاوز اشتري مكملات غذائية ( بروتين) و وزن العبوة ٤.٥ كيلو....... و هي عبوة واحدة بس.
                            هل حينفع تعدي من الجمارك و إلا حيقولوا ممنوع؟
                            و هل حيحسبوها استخدام شخصي و تعدي و إلا حيجمركوها؟
                            و جمرك المكملات الغذائية كام؟ هل ١٠٪‏ فعلاً.

                            Comment


                            • #29
                              حلو الموضوع اوى تسلم

                              Comment

                              Working...
                              X