بنك التعمير والاسكان

[Mohamed_Hamid]

السلام عليكم ورحمة الله وبركاته

عايز أسأل أصحاب الخبرة عن البنك ومشروع دار مصر؟

1) هل البنك يعتبر مالك للمشروع؟ بحيث انى لو حبيت اشترى شقة بيكون البنك هو المالك واقدر اتعامل معاه كممول عقارى؟ انا عارف ان البنك بيمول عقارى لكن انا عايز اتعامل مع البنك فى مشروع هو بيتمتلكه تجنبا للمحرمات.

2) سمعت ان لو لك حساب فى البنك بيكون لك اولوية فى القرعة الخاصة بمشروع دار مصر لو مقدم فيها.. الكلام ده صحيح؟ وايه الشروط المطلوبة او المبلغ المطلوب لفتح الحساب اد ايه؟

شكرا جزيلا،،،

[Mohamed_Hamid]

ايه يا جدعات 104 مشاهدة ومفيش حد عنده اى معلومة ؟!

[Eslam.Elrefaey]

اظن ان البنك يعتبر هو المالك نعم
وبالنسبة للاولوية للى ليه حساب مش كده هى بتكون الاولوية للى قدم مثلا فى المرحلة الاولى ولم يفز ومش بيسحب مقدم الحجز فبيبقى ليه الاولوية عن المتقدمين الجدد

[Mohamed_Hamid]

معلش حضرتك متأكد من موضوع ان البنك هو المالك للوحدات؟ النقطة دى مهمة عندى علشان لو حبيت اعمل تمويل عقارى.

الف شكر واحلى صباح على المنصورة الجميلة

[melouk1]

حضرتك بتسأل عاوز تدخل قرعة و لا تشتري من حد فاز فيها ....

[Mohamed_Hamid]

لا عايز ادخل قرعة المرة دى ان شاء الله

[Ah.Farid]

الاخ الفاضل البنك ليس المالك
المالك هو هيئة المجتمعات و التنمية العمرانية ودة موضوع مؤكد لانى مشترك فى القرعة بتاعة 6 اكتوبر و البنك بيقوم بالتحصيل والتعامل نيابة عن الهيئة
ولو عاوز اى تفاصيل انا فى الخدمة

[Mohamed_Hamid]

الف شكر أستاذى الفاضل على التوضيح.. النقطة دى كانت تهمنى فعلا.
ربنا يكرمك ويوفقك للخير