هزيمة منكرة للأهلي

[waled369]

امس بالليل كانت فرحتي الشديدة جدا ( ) و كان نفسي تشاركوني بس النت كان عطلان عندي .

صحيح الفرحة كانت شديدة بس عكر صفوها ان الواد خالد ( ابني ) تعب شوية و الحمد لله بقى أحسن بكتير .

طبعا الفرحة الجامدة أوي دي .
:
:
:
:
:
:
:
:
:
هزيمة الأهلي اللي مش باحبه و لا باحب اسمع اسمه و يا رب تبقى دي بداية الهزايم بإذن الله ( شوفتوا الحقد ).

ضربة الجزاء صحيحة طبعا و حتى لو مش صحيحة المهم انه اتغلب و يا رب ( دايما )

ملحوظة : منتظر ردود و مهاجمة الأخوة الأهلاوية عليا ( العزاء ) على العنوان التالي :-
نايل موتورز - المنتديات العامة - الأخبار المنقولة - هزيمة منكرة للأهلي .
( عظم الله أجركم في الفقيد )

و التهنئة من الأخوة الحبايب الزملكاوية و باقي مشجعي الفرق على نفس العنوان . و العاقبة عندكم في المسرات .

تهنئة قلبية خاصة لكل من
كيمونوبيرا حبيب قلبي و شاركي و بوسي فضل .

[Hossam_Hassan]

بصفتى زملكاوى بارفض تهنئتك يا وليد باشا، التهنئة لما الزمالك يبقى احسن و يكسب، لكن لو الأهلى اتغلب كل يوم، ما تفرقش معايا فى حاجة.

اتمنى ان المشاركات فى الموضوع ده ماتقلبش بخناقة.

[kimo-nubira]

ضربة الجزاء صحيحة طبعا و حتى لو مش صحيحة المهم انه اتغلب و يا رب ( دايما (
تهنئة قلبية خاصة لكل من
كيمونوبيرا حبيب قلبي و شاركي و بوسي فضل .

:D هههههههههههههههههههههه :D

ايوه كده ياعم وليد اظهر على حقيقتك وريهم الحقد والغل اللي في الزملكاويه

والله يا وليد وحشتني غلاستك ديه ... بس والله اتغلبو ظلم وضربه الجزاء مش ضربه جزاء خالص وجون بتاع فلافيو جون 100 % ومكانش متسلل خالص

بس مانكرش بارضو ان الاهلي كان وحش وكويس انهم اتهزمو علشان يفوقو في اليابان ياعم

[Nader]

لكل جواد كبوة .... ولكل كبوة جواد!!

[waled369]

بصفتى زملكاوى بارفض تهنئتك يا وليد باشا، التهنئة لما الزمالك يبقى احسن و يكسب، لكن لو الأهلى اتغلب كل يوم، ما تفرقش معايا فى حاجة.

اتمنى ان المشاركات فى الموضوع ده ماتقلبش بخناقة.

ليه بس كده يا عم حسام المفروض تشاركني الفرحة .
هنبقى أحسن و ان شاء الله نآكل الاسماعيلي .

اوعى وشك الزمالك جاااااااي .

خناقات ايه بس يا عم يعني مش هتوصل للدرجة دي و الا على رأي واحد صاحبي عارف نفسه هيخليني أفقد العضوية بسبب الموضوع ده . ربنا ما يجيب خناقات بس برضه أنا مبسوووووووط

[kimo-nubira]

بصفتى زملكاوى بارفض تهنئتك يا وليد باشا، التهنئة لما الزمالك يبقى احسن و يكسب، لكن لو الأهلى اتغلب كل يوم، ما تفرقش معايا فى حاجة.

اتمنى ان المشاركات فى الموضوع ده ماتقلبش بخناقة.

احييك يا حسام باشا على الروح ديه بجد فعلا لازم الزملكاويه يحبو فريقهم اكتر

ما بيكرهو الاهلي علشان يعرفو يعدو بفريقهم الي بر الامان

وربنا مايجيب خناقات ولا حاجه احنا كلنا هنا اخوات وبنهظر شويه بس فى الموضوع ده

ووليد من الناس بجد اللي بعزهم جدا وبحترمهم وهو بس من فرحته مقدرش يتحكم في اعصابه

[waled369]

:D هههههههههههههههههههههه :D

ايوه كده ياعم وليد اظهر على حقيقتك وريهم الحقد والغل اللي في الزملكاويه

والله يا وليد وحشتني غلاستك ديه ... بس والله اتغلبو ظلم وضربه الجزاء مش ضربه جزاء خالص وجون بتاع فلافيو جون 100 % ومكانش متسلل خالص

بس مانكرش بارضو ان الاهلي كان وحش وكويس انهم اتهزمو علشان يفوقو في اليابان ياعم

ماشي يا كيمو شفت الغلاسة هههههههه
ظلم و لا مش ظلم المهم النتيجة
و لعلمك بقى و رحمة خالي حسن ( ماليش خال اسمه كده ) فلافيو كان تسلل
و أفضل ما في الماتش كان ( الحكم ) ربنا يخليه ليه و يطرح البركة فيه و يحكم كل ماتشات الأهلي

[kimo-nubira]

و الا على رأي واحد صاحبي عارف نفسه هيخليني أفقد العضوية بسبب الموضوع ده

اكيد مش انا اللي بتكلم عنه :p:p:p

[mohamed_rhem]

نعيما للاهلي وبصراحه اكتر تهنئه مستنيها يوم ما نغلب الاهلي في ماتش
بمشي في الشارع عقب اي مباره غلبنا فيها الاهلي للاري تواريهم وخزيهم

دول يا ما ورونا

يلا ربنا يسامحهم هما اخوانتا برضه

[kimo-nubira]

ماشي يا كيمو شفت الغلاسة هههههههه
ظلم و لا مش ظلم المهم النتيجة
و لعلمك بقى و رحمة خالي حسن ( ماليش خال اسمه كده ) فلافيو كان تسلل
و أفضل ما في الماتش كان ( الحكم ) ربنا يخليه ليه و يطرح البركة فيه و يحكم كل ماتشات الأهلي

ده حكم اخرو يحكم ماتشات بين العيال اللي بتعلب كوره في الشارع عند وزاره الزراعه والله

[waled369]

اكيد مش انا اللي بتكلم عنه :p:p:p

آه يا مكاااااااااااااار طبعا مش انته ههههههههههه

اسكت أحسن أسيح لك في المنتدى ههههههههههههههه

[waled369]

نعيما للاهلي وبصراحه اكتر تهنئه مستنيها يوم ما نغلب الاهلي في ماتش
بمشي في الشارع عقب اي مباره غلبنا فيها الاهلي للاري تواريهم وخزيهم

دول يا ما ورونا

يلا ربنا يسامحهم هما اخوانتا برضه

شكرا ليك يا أستاذ محمد على التهنئة الرقيقة دي و ان شاء الله الجاي أفضل .

[sh23]

استاذ/ وليد
* ربنا يكتر أفراحك بس تكون بفوز الزمالك وليس هزيمة الأهلي

ضربة الجزاء صحيحة طبعا و حتى لو مش صحيحة المهم انه اتغلب و يا رب ( دايما )

* بغض النظر عن صحة ضربة الجزاء من عدمة والجون الملغي بتاع فلافيو

بصراحة مبروك لاتحاد الشرطة الفوز المستحق؛وبصراحة أيضاً الأهلي أستحق الهزيمة

ملحوظة : منتظر ردود و مهاجمة الأخوة الأهلاوية عليا ( العزاء ) على العنوان التالي :-

*****
* ماشي يا عم أهو أنا أهلاوي ورديت
* والموضوع مش محتاج مهاجمة ولا عزاء

معلهش ضيعت عليك الفرصة
=== بالمناسبة الزمالك راجع أمتي ===

[nasr-eldeen]

امس بالليل كانت فرحتي الشديدة جدا ( ) و كان نفسي تشاركوني بس النت كان عطلان عندي .

صحيح الفرحة كانت شديدة بس عكر صفوها ان الواد خالد ( ابني ) تعب شوية و الحمد لله بقى أحسن بكتير .

طبعا الفرحة الجامدة أوي دي .
:
:
:
:
:
:
:
:
:
هزيمة الأهلي اللي مش باحبه و لا باحب اسمع اسمه و يا رب تبقى دي بداية الهزايم بإذن الله ( شوفتوا الحقد ).

ضربة الجزاء صحيحة طبعا و حتى لو مش صحيحة المهم انه اتغلب و يا رب ( دايما )

ملحوظة : منتظر ردود و مهاجمة الأخوة الأهلاوية عليا ( العزاء ) على العنوان التالي :-
نايل موتورز - المنتديات العامة - الأخبار المنقولة - هزيمة منكرة للأهلي .
( عظم الله أجركم في الفقيد )

و التهنئة من الأخوة الحبايب الزملكاوية و باقي مشجعي الفرق على نفس العنوان . و العاقبة عندكم في المسرات .

تهنئة قلبية خاصة لكل من
كيمونوبيرا حبيب قلبي و شاركي و بوسي فضل .

بصفة أهلاوي من شعر رأسي وحتى أخمص قدمي ، ولم أصادف من يشجع نادي المائة عام أو نادي العمالقة أو نادي الأبطال أو نادي الشياطين الحمر أو النادي الأهلي مثلي ولك أن تطلق عليه ما شئت وإذا لم تكن تعرف هذه الأسماء فاسأل عن عنوان كرة القدم في مصر وخصوصاً في منطقة مائة عقبة ( سور نادي الترسانة ومش عارف باين في سور نادي تاني بجواره مش فاكر إسمه ) بس عموماً أنا كنت عايز أسأل معاليك ، لو أنت بتفرح بس في هزائم الأهلي أن بهنئ سيادتك على هذه الفرحة وبأعزيك لأنك مش هتشوفها تاني قريباً على الأقل ولكل من فرح بهزيمة الأهلي بقوله أنا سعيد علشان الأهلي هو برضة اللي فرحكم مش ناديكم ( اللي بجوار نادي الترسانة ) يعني الأهلي بيفرح مشجعيه ومشجعي الأندية الأخرى .
ملحوظة :
هو الأهلى كان بيلعب معا مين

[Sharky]

/تهنئة قلبية خاصة لكل من
كيمونوبيرا حبيب قلبي و شاركي و بوسي فضل .

مقبوله منك التهنئة القلبية يا وليد
و رغم ظلم الحكم إمبارح لكن فعلا الاهلى كان لا يستحق الفوز

المهم عايزين نشوف تهنئتك لما نكسب الزمالك و ناخد الدورى كالعادة

بصفتى زملكاوى بارفض تهنئتك يا وليد باشا، التهنئة لما الزمالك يبقى احسن و يكسب، لكن لو الأهلى اتغلب كل يوم، ما تفرقش معايا فى حاجة.
.

كلام مظبوط من واحد فاهم