استثمار مبلغ من المال

[NASSER 56]

السلام عليكم
انا كنت شغال فى السياحه وبقالى فترا من غير شغل وعايز استثمر مبلغ حوشتو على مر السنين فى حاجه كويسه ومعنديش مانع لو حد عندو فكرا كويسه نتشارك بس بما يرضي الله

[amr011111]

لو معاك مبلغ كويس او تقدر تجمع كذا حد وتشترى ارض فى منطقه عليها الطلب وتبنيها فالمكسب بيكون تقريبا فى حدود 45 الى 55 فى المائه وبالتوفيق

[رحالة]

استثمار ايه يا عم بس
مصر بتفلس
انت تحاول تحافظ على راس مالك بس مش اكثر
المشكلة ان حتى العقار والارض مش مضمونة

[عبدالله برعى]

هذه الشهور صعب الادلاء باي راي اقتصادي

ولكن عموما حسب المبلغ وتوجهاتك العقارات او الاطيان الزراعية او مشروع الدواجن او مشروع دورات الللعات او مشروع ماكينة سلك المواعين استيراد من الصين الشعبية اواستراد من الصين عن طريق الانترنت الخ .....لكن حذاري الربا بوضع المال واخذ فائدة

[mo"men]

البورصة واعدة جدا بعد الازمات التي عانت منها السنة و النص السابقة.
اذا احتجت اي نصيحة لوجه الله تحت امرك
انا مدير محافظ في البورصة المصرية

[رحالة]

البورصة واعدة جدا بعد الازمات التي عانت منها السنة و النص السابقة.
اذا احتجت اي نصيحة لوجه الله تحت امرك
انا مدير محافظ في البورصة المصرية

واعدة جدا
وازمات سنة ونص!!
الاتنين مع بعض ههههه

[Bassem Youssef]

حول فلوسك ليورو عشان تحافظ عليهم

[A7medelfe2y]

اشتر بيت او حته ارض جمد فيها المبلغ
انساها سنه او اتنين هتلاقي تمنها زاد من 10:20 %
او اشتري شفه او محل بالملغ دا او ادخل مع حد قريبك عايز يكبر مشروع عنده
او دخلهم في اي تجاره بتفهم فيها ومكسبها مضمون
افتح اي محل او ماركت او صيدليه او اشتري تاكسي

[Karim Alaa]

ماشى تمنها هيزيد هيبعها فى اد ايه ؟؟ من سنتين او اكتر و الله مبقاش زى زمان لان السوق متشبع جدا و عمالين يبنو جديد كل الىى اعرفهم معاهم شقق دايخين عشان يبيعو بالسعر الى ماشى فى السوق سنين و انا بدور على شقه كنت بلاقى ناس بقالها اربع سنين و زود السعر خلالها 40 الف و 50 الف و برضه لسه متبعتش عشان الفلوس المطلوبه كتير جدا نظرا لانه سوق مبالغ فى سعره جدا حتى الى بيبنى جديد وصل التقسيط 7 سنين عشان يخلص و يلم

[رحالة]

اشتر بيت او حته ارض جمد فيها المبلغ
انساها سنه او اتنين هتلاقي تمنها زاد من 10:20 %
او اشتري شفه او محل بالملغ دا او ادخل مع حد قريبك عايز يكبر مشروع عنده
او دخلهم في اي تجاره بتفهم فيها ومكسبها مضمون
افتح اي محل او ماركت او صيدليه او اشتري تاكسي

تمنها زاد عشرين في المية
والجنيه نزل خمسين في المية هااااح

[هيثم مجدي]

لازم تجمد فلوسك دي في أصول ثابته في أقرب وقت
مينفعش تنتظر لان الجنية بيتهاوى كل يوم عن التاني
حاول تشتري أرض بجزء من المبلغ وحول الباقي دولار
ودور على شغل في اي مجال. ربنا يعينك

[NASSER 56]

البورصة واعدة جدا بعد الازمات التي عانت منها السنة و النص السابقة.
اذا احتجت اي نصيحة لوجه الله تحت امرك
انا مدير محافظ في البورصة المصرية

اكون شاكر حضرتك جدا لو فهمتنى كل حاجه عنها
لو حضرتك بتدى كورس فى البورصه ممكن اجى عندك

[mo"men]

واعدة جدا
وازمات سنة ونص!!
الاتنين مع بعض ههههه

اللي حضرتك متعرفوش ان اكتر و اسرع وقت بتحصل فيه علي ارباح من الاستثمار هو شراء الاصول بعد او اثناء الازمات
والدليل علي كلامي شوف بعد الازمة الاقتصادية العالمية في ٢٠٠٨ حصل ايه في العالم كله

[mo"men]

اكون شاكر حضرتك جدا لو فهمتنى كل حاجه عنها
لو حضرتك بتدى كورس فى البورصه ممكن اجى عندك

انا تحت امرك في اي نصيحة
انا للاسف من الاسكندرية و مش بدرس كورسات
اللي ممكن اساعد حضرتك فيه هو ازاي يبقي عندك حساب في البورصة وايه هي الاسهم اللي تستثمر فيها

[mohamed2002]

انا تحت امرك في اي نصيحة
انا للاسف من الاسكندرية و مش بدرس كورسات
اللي ممكن اساعد حضرتك فيه هو ازاي يبقي عندك حساب في البورصة وايه هي الاسهم اللي تستثمر فيها

ياريت يا باشا لو وقتك يسمح تعمل لنا موضوع هنا يوضح الموضوع