مشروع صغير كبداية لمشروع كبير

[amro1965]

السلام عليكم ورحمه الله وبركاته
بدايه اهتميت بالدحول على منتديات المشاريع الصغيرة
شدنى مشروع الانتاج الحيوانى ووجدت اغلب المهتمين عرب من سوريا والسعودية والعراق ولبنان والاكثر من ذلك شاهدت فيدوهات كثيرة لانشاء وتصميم فقاسات بيض صعيرة الحجم منها مايحتوى على 50 بيضة واكثر
المهم شدنى الموضوع كتير جدا وعزمت النية على انشاء وتصميم فقاسة
طبقت كل ماتعلمته
ووضعت 30 بيضة النتيجة خروج 4 كتاكيت

[ahmed_eng2001]

موضوع جيد .... ربنا يوفقك ...

بس ال 30 بيضة .. طلعوا 4 كتاكيت فقط ؟؟؟ و بقية البيض بايظ مثلا ؟؟؟ و لا لسة محتاج وقت علشان يفقس ؟

[amro1965]

بعد فشلى الاول
بدأت اعادة تصميم الفقاسة مره اخرى وتلافى المشاكل السابقة ووضعت 30 بيضه اخرى
النتيج مانت ممتازة طلع 27 كتكوت
واليكم الموضوع من منتدى القرية يمكن متابعه موضوعى ومواضيع اخرى لنفس المشروع
[url=http://www.qariya.info/vb/forumdisplay.php?f=98]

[mk3]

والله برافو
هى البلد عايزه كده دلوقتى
تمشى جمب الحيط وتفهم كويس لغايه ما تكبر المشروع
بس خلى بالك من الرعايه البيطريه..بعيد عنك اما بيحصل اصابه كله بيتعدى

[Samvet813]

واللة حاجة جميلة ماشاء اللة يس خلي باللك من النيوكاسل و دة مرض يصيب الكتكوت في عمر يوم لذالك لابد من التحصينات المبكرة وبرجاء قراءة الكتب المتعلقة بامراض الدواجن واللة الموفق

[ali ashraf]

تدوير المخلفات

السلام عليكم ورحمه الله وبركاته
بدايه اهتميت بالدحول على منتديات المشاريع الصغيرة
شدنى مشروع الانتاج الحيوانى ووجدت اغلب المهتمين عرب من سوريا والسعودية والعراق ولبنان والاكثر من ذلك شاهدت فيدوهات كثيرة لانشاء وتصميم فقاسات بيض صعيرة الحجم منها مايحتوى على 50 بيضة واكثر
المهم شدنى الموضوع كتير جدا وعزمت النية على انشاء وتصميم فقاسة
طبقت كل ماتعلمته
ووضعت 30 بيضة النتيجة خروج 4 كتاكيت

يا ريت حضرتك تقل لنا رايك فى مشروع تدوير المخلفات و فيه كلام كثير عنه على النت و اعتقد انه مشروع واعد و احتمالات الخسارة قليلة لاسيما ان موضوع المخلفات ده لا يمكن انتهاؤه او الاستغناء عنه و ايضا لا يحتاج راس مال كبير

[Egymagic]

بجد الله ينور عليك
شجعت الواحد

[Karim Alaa]

حلو الشغل ده و ياريت تكتبلنا بقى البيع هيبقى ايه كتاكيت و لا هتربيهم و لا ايه

[amro1965]

بس ال 30 بيضة .. طلعوا 4 كتاكيت فقط ؟؟؟ و بقية البيض بايظ مثلا ؟؟؟ و لا لسة محتاج وقت علشان يفقس

البيض يجب ان يكون مخصب
وعند الفحص فى المرحلة الاولى وجدت 8 بيضات مخصبين و22 بيضة غير مخصه
خرج من اصل 8 بيضات 4 كتاكيت والباقى مات فى البيضة
بالطبع تصميم الفقاسة فى المرحلة الاولى كانت خاطءه وكذلك توزيع الحرارة فأدى لتلك النتيجة
لكن مع تعديل الفقاسة من حيث الحرارة والرطوبه وتوزيع الهواء كانت النتائج ممتازة
لان الحرارة يجب ان تكون 37.5 تزيد درجتين تنقص درجتين ماشى الحال
والرطوبة فى بدايه 18 يوم يجب ان تكون مابين 55 الى 65 درجة
خلال 3 ايام الاخرى يجب ان تزيد الرطوبه مابين 70 درجة الى 80
لان دوره خروج الكتكوت من البيضة هو 21 يوم ممكن يزيد يومين

[amro1965]

يا ريت حضرتك تقل لنا رايك فى مشروع تدوير المخلفات و فيه كلام كثير عنه على النت و اعتقد انه مشروع واعد و احتمالات الخسارة قليلة لاسيما ان موضوع المخلفات ده لا يمكن انتهاؤه او الاستغناء عنه و ايضا لا يحتاج راس مال كبير

اولا يجب ان نعرف اننا فى مصر بدأ العد التنازلى فى تسريح قطاع كبير من العاملين بالقطاع الخاص وانا كنت من الذين سوف يتم تسريحهم
فبدأت من الوهله الاولى التفكير فى مشروع بعد خروجى من العمل
فبدأت ابحث عن مشروعات على النت واخترت شراء سيارة فان 8 راكب للعمل عليها فى حاله ترك العمل
وبالفعل اشتريتها وكنت فاكر ان تلك السيارة سوف تدر علي ذهبا ولكن اكتشفت بأنى لست الوحيد الذى فكر فى شراء سيارة والعمل عليها سبقنى الى ذلك المشروع الاف ومازالوا يدخلون فى مشروع السيارة الفان والتاكسى
حتى اصبحنا كثر نتنافس على الطريق
الذى اود اقوله ان اى مشروع انت فى مصر بتفكر فيه لست الاول الذى دخل هذا المجال ولست الاخير
اعرف صاحب صديق لى عمل مشروع الشنط البلاستيكية والاكياس ولم يقدر يواجه السوق لانه سبقة كثيرون فى ذلك المشروع واصبحت من يريد البقاء يجب علية استخدام اسوء المواد الخام ولان السوق المصرى بيعتمد على بيع البضاعه ثم يتم بعد ذلك السداد
والقاعده بتقول ان المعروض من اى سلعه كثير جدا بيقل ثمنها وبالطبع بيقل هامش الربح وممكن بأقل من ثمنها
فالافضل
التفكير فى مشروع نسبه تواجده فى مصر قليلة

[amro1965]

حلو الشغل ده و ياريت تكتبلنا بقى البيع هيبقى ايه كتاكيت و لا هتربيهم و لا ايه

بالنسبه لى كبدايه اقدر ازداد خبرة فى ذلك المجال
الحمد لله لدى المكان اينعم صغير ولدى 8 دجاجات وديك يتم من خلالهم ان احصل على البيض المخصب وخلال تلك الفقاسة اقدر بعون الله ان استعيض عن اللحوم البيضاء لاهل بيتى
وان شاء الله فى المستقبل اقدر اتوسع لتكبر الفقاسة ويكبر المكان ويزداد الانتاج ليكفينى ويكفينى ويكفى لبيع باقى الانتاج
لانى علشان اقدر اتعامل مع سلالات دجاج مختلفة يجب على الحصول على بيض مخصب واماكن بيع البيض المخصب اقل بيع هو 500 بيضة وهذا لا اقدر استيعابه فى الوقت الحاضر
لان الذى يسع تلك الكميه فقاسات تسع من 1000 بيضة الى 3000 بيضة

[amro1965]

اللى محتاج اى معلومه بخصوص المشروعين الاتين انا فى الخدمه
مشروع شراء سيارة فان
او انشاء وتصميم قثاسة

[TAMERMEGAHED]

شكرا للافكار البسيطه الى ممكن يعتمد عليها لتصبح مشاريع كبيره

[egytamer]

الله ينور عليك انا بحب الناس الي بتفكر برا الصندوق

[7oda]

اللى محتاج اى معلومه بخصوص المشروعين الاتين انا فى الخدمه
مشروع شراء سيارة فان
او انشاء وتصميم قثاسة

مبروك عيك المشروع الصغير و ان شاء الله بالتوفيق
نصيحة صغيرة ركز فى المجال الى عاوز تشتغل فية
اعتقد ان كان الاحسن انك تشترى الفقاسة بدل متضيع فلوس و وقت على تجارب غيرك مر بيها

http://www.aliexpress.com/category/13104/egg-incubators.html