استفسار تصريح سفر لاخويا

[mrvolt]

اخويا كان ضابط احتياط

وعايز تصريح سفر ممكن تصريح السفر بصورة من الجواز ولا لازم الاصل

[mrvolt]

اى مساعدة

[mk3]

ملوش دعوه بالجواز
بتطلعه بشهاده+البطاقه
دى حالتى كمؤجل

[mrvolt]

ملوش دعوه بالجواز
بتطلعه بشهاده+البطاقه
دى حالتى كمؤجل

متاكد برضه لضابط الاحتياط

[YahiaAshraf]

انا لسه مسافر من قريب هتحتاج تصور اول صفحتين فى الباسبور + صورة للتاشيره انما الباسبور نفسه محدش هيبص فيه هناك

بحكم انى لسه طالب جامعى هقولك انا عملت ايه مع العلم انى من اسكندريه :-

- روحت على الكليه وطلبت افاده اقدمها لمكتب التجنيد بان متاجل تجنيدى لانى لسه طالب
- روحت لمنطقة التجنيد وكان معايا الباسبور والبطاقة والافاده
- كان فيه طابورين واحد لمكتب تصوير والتانى بتاخد منه حاجه اسمها بون وهناك طلع انك لازم تصور اول صفحتين فى الباسبور + التاشيرة والبطاقه بتاعتك تصورها 3 نسخ ودى غلطة عمرى انى مصورتهومش قبل ما اروح لانى وقفت 3 ساعات فى طابور علشان اصور الحاجات دى بس فانت ريح نفسك وصورهم وخليك جاهز
- بعد اما صورة روحت للطابور التانى كل اللى انا عملته انى اديتله افاده تاجيل التجنيد بتاعتى اللى انا جبتها من الكليه وقولتله عايز اطلع تصريح سفر وادانى البون ( فايل فيه كام ورقه كده )
- لما تخلص من الطابور اللى انت جبت منه البون ده هتروح لشباك تصريح السفر هتديهم الفايل اللى انت اخدته ده + الاوراق اللى انت صورتها وهيسالك مسافر فين وبس
- بعد اما تسلمه الاوراق كلها هيقولك نص ساعه وهتستلمها

تصريح السفر لما هتسافر مش هياخدوه منك فى المطار هما هيشوفوه بس لانى سافرت ورجعت بيه ومعايا اهو محدش اخده


انا علشان اطلع التصريح قعدت نص يوم كامل بالظبط رغم انى كنت رايح من بدرى جدا