مساعدة عاجلة: موبايل للوالدة!

[Hobgoblin]

طيب يا شباب...شكراً لكل اللي ادى رأي.

أنا بصيت على Dream 2000 وعملت shortlist ياريت اللي عنده نصيحة يقولها:

Lenovo A7000
Lenovo P70
Lenovo S60

Huawei Y6
Huawei Y6 Pro
Huawei Honor 4C
Huawei Honor 4X
Huawei P8 Lite

الملحوظ إن Huawei أرخص ومواصفات كويسة.

أنا محتار والدتي راجعة مصر النهارده وطبعاً عايز ألحق عيد الأم كمان.



شكراً

[nickname]

Huawei P8 Lite
Huawei Honor 4X
Samsung grand prime
دول اكتر 3 اجهزة نجحوا فى مصر تحت 2000 جنيه

ممكن تجيب تابلت يكون احسن علشان شاشته اكبر فى عندك Lenovo Tab 2 A7-30 وده سعره رخيص جدا حوالى 925 جنيه ورغم كدة امكانياته عالية وده اكتر تابلت انتشر فى مصر

[فتح الباب]

اتفرج على لينوفو ايه ٧٠١٠ او فايب p1 بص عليهم مره كده

[Hobgoblin]

حيرتوني يا جماعة...

Lenovo ولا Huawei؟؟؟

Huawei اسعاره أقل عموماً..هل ده على حساب الجودة؟

Lenovo P70 بطارية جبارة...حد جربه؟

الشراء من Dream 2000 إن شاء الله.

[أبو صلاح]

حيرتوني يا جماعة...

Lenovo ولا Huawei؟؟؟

Huawei اسعاره أقل عموماً..هل ده على حساب الجودة؟

Lenovo P70 بطارية جبارة...حد جربه؟

الشراء من Dream 2000 إن شاء الله.

روح هناك عندهم واسال على هواوى gr5 الموبايل ده بيتحسب عندهم قوى ودائما خلصان
هو نفس الجهاز بتاع gr 8 اللي سعره 3300 فرق عنه رام اقل وموميرى اقل

[Hobgoblin]

شكراً أبو صلاح...

أنا عاجبني Huawei Y6 Pro و Lenovo P70

الإثنين قريبين قوي في المواصفات...والبطارية كبيرة.

ممكن حد من الشباب يساعدني اختار أنهي؟؟؟ والضمان والصيانة هتكون مع مين أحسن؟


شكراً لكل اللي ساعد.

[MOUSTAFA_SAAD]

lg magna
ممتاز وسعره رخيص

[Hobgoblin]

Huawei Y6 Pro و Lenovo P70

الإثنين قريبين قوي في المواصفات...والبطارية كبيرة.

ممكن حد من الشباب يساعدني اختار أنهي؟؟؟ والضمان والصيانة هتكون مع مين أحسن؟


شكراً لكل اللي ساعد.

[ahmhdy]

من الآخر

أنا كنت محتار زيك كدة لكن الخلاصة من الآخر Samsung Galaxy J2 تقريبا نفس حجم S3 لأن كان عندي S3 بس شاشته مش HD زي S3 لكنها شاشة qHD أقل resolution شوية والذاكرة الداخلية 8 بس مش زي S3 كانت 16 جيجا والكاميرا الخلفية 5 ميجا مش 8 زي S3 وبقية المميزات زي S3 والجديد إنه بأندرويد لوليبوب 5.1.1 وأحدث واجهة لسامسونج TouchWiz وبطاريته أقوى 2000 مللي أمبير والأحسن كمان إنه فيه دعم شبكات الجيل الرابع (يارب تشتغل بقى) 4G وميموري خارجية microSD لحد 128 جيجابايت

سعره حوالي 1200 تلات ألوان أسود وأبيض وذهبي

وكل سنة والوالدة طيبة وكل الأمهات بخير

[sha2e]

طيب يا شباب...شكراً لكل اللي ادى رأي.

أنا بصيت على Dream 2000 وعملت shortlist ياريت اللي عنده نصيحة يقولها:

Lenovo A7000
بلاش منه ( لظهور عيوب فى التاتش فى بعض الاجهزة)
Lenovo P70
بطاريه كويسه كاميره جودتها ليست بجودة باقي الكاميرات 13 لكن الكام ليست الاساس فى الاختيار
Lenovo S60
استبعده برضه لان بطاريته مش كبيره سعره يعتبر غالي شويه على مواصفاته

Huawei Y6
جهاز ضعيف ومواصفاته ضعيفه
Huawei Y6 Pro
بطاريه كويسه اندرويد لولي بوب كاميرته جودتها مش 13 لكن الكام ليست الاساس فى الاختيار بالناسبه للحاجه
Huawei Honor 4C
كاميره ممتازة جدا لكن البطاريه ليست قويه
Huawei Honor 4X
جهاز متوازن فى كل شيء
Huawei P8 Lite
استبعد الجهاز ده برضوه عشان البطاريه
الملحوظ إن Huawei أرخص ومواصفات كويسة.

أنا محتار والدتي راجعة مصر النهارده وطبعاً عايز ألحق عيد الأم كمان.



شكراً

كده الاختيارات لو الشاشه 5 بوصه هتكون محصورة بين Lenovo P70 و Huawei Y6 Pro

Lenovo P70
هيكون اندرويد كيتكات ومش هتحدثه لان تحديث اللولي بوب مش كويس ليه

Huawei Y6 Pro
جهاز لسه حديث (لسه محدش جربه) لكن نسخه لولي بوب وشكله احلى شويتين وان كان السوفت وير بتاعه خالي من بعض الاشياء البسيطه كأضائة الشاشه بالنقر المزدوج وبعض الاشياء البسيطه الاخرى

الجهازين شاشتهم 5 بوصه وبطاريتهم 4000 وكاميراتهم ليست 13 بالظبط

لو شاشه 5.5 هيكون الاخيار Huawei Honor 4X
أفضل من الاتنين السابقين فى كل حاجه (وهينزله اندرويد مارشيملو) لكن طبعا بطاريته اقل من السابقين

[Hobgoblin]

كده الاختيارات لو الشاشه 5 بوصه هتكون محصورة بين lenovo p70 و huawei y6 pro

lenovo p70
هيكون اندرويد كيتكات ومش هتحدثه لان تحديث اللولي بوب مش كويس ليه

huawei y6 pro
جهاز لسه حديث (لسه محدش جربه) لكن نسخه لولي بوب وشكله احلى شويتين وان كان السوفت وير بتاعه خالي من بعض الاشياء البسيطه كأضائة الشاشه بالنقر المزدوج وبعض الاشياء البسيطه الاخرى

الجهازين شاشتهم 5 بوصه وبطاريتهم 4000 وكاميراتهم ليست 13 بالظبط

لو شاشه 5.5 هيكون الاخيار huawei honor 4x
أفضل من الاتنين السابقين فى كل حاجه (وهينزله اندرويد مارشيملو) لكن طبعا بطاريته اقل من السابقين

1000 شكر

[nickname]

شكراً أبو صلاح...

أنا عاجبني Huawei Y6 Pro و Lenovo P70

الإثنين قريبين قوي في المواصفات...والبطارية كبيرة.

ممكن حد من الشباب يساعدني اختار أنهي؟؟؟ والضمان والصيانة هتكون مع مين أحسن؟


شكراً لكل اللي ساعد.

الجهازين فى فرق كبير بينهم فى المعالج لصالح lenovo p70 غير كدة بقية المواصفات هى هى

ودى اهم عيوب كل جهاز فى الفئة السعرية اقل من 2000 جنيه وانت قرر ايه العيوب المقبولة بالنسبة لك

1- Huawei Y6 pro بسعر 1400 :
معالج ضعيف نسبيا لكن مقبول لو انت مش بتلعب العاب كبيرة ذات الجرافيكس العالى
الكاميرا ليست بجودة 13 ميجابيكسل المعروفة لكنها مقبولة فى هذه الفئة السعرية
ملحوظة: الشاشة 5 بوصة
2- Huawei 4C بسعر 1450 :
بطارية ضعيفة نسبيا
ذاكرة داخلية صغيرة (8 جيجا)
لا يدعم 4g
ملحوظة: الشاشة 5 بوصة
3- Lenovo a7000 بسعر 1450 :
بطارية ضعيفة نسبيا
ذاكرة داخلية صغيرة (8 جيجا)
ملحوظة: الشاشة 5.5 بوصة
4- Huawei P8 lite بسعر 1700 :
بطارية ضعيفة نسبيا
كارت الذاكرة يركب مكان الشريحة الثانية بمعنى ان لو قررت تستخدم كارت ذاكرة فانت مضطر تستغنى عن الشريحة الثانية
ملحوظة: الشاشة 5 بوصة
5- Huawei Honor 4x بسعر 1600 :
ذاكرة داخلية صغيرة (8 جيجا)
ملحوظة: الشاشة 5.5 بوصة
6- Lenovo p70 بسعر1700 :
الكاميرا ليست بجودة 13 ميجابيكسل المعروفة لكنها مقبولة فى هذه الفئة السعرية
ملحوظة: الشاشة 5 بوصة

بالنسبة لهواوى GR5 ولينوفو a7010 سعرهم فوق 2000 بقليل بمميزات اعتقد والدتك مش هتحتاجها زى مستشعر البصمة فمفيش داعى تدفع مبلغ اكتر فيها

ارشح لك Huawei Honor 4x لانه جهاز متوازن فى كل المواصفات اهمها بطارية جيدة وشاشة كبيرة ودى المميزات اللى اعتقد والدتك هتحتاجها بالفعل

[smsm2015]

شوف الاوبو f1 ب 2200 ج